ខ្សែបម្រើ Leroy Sane ត្រៀមខ្លួនរួចជាស្រេចក្នុងការចាកចេញពីក្លឹបមេឃខៀវ Man City ខណៈដែលក្លឹបអធិរាជសរ Real Madrid កំពុងចាប់អារម្មណ៍រូបគេ

ខ្សែបម្រើ Leroy Sane បានត្រៀមខ្លួនក្នុងការចាកចេញពីក្លឹបមេឃខៀវ Manchester City នៅរដូវក្តៅខាងមុខនេះ ខណៈដែលក្លឹបអធិរាជសរ Real Madrid មានគម្រោងចង់បានខ្សែបម្រើសញ្ជាតិអាឡឺម៉ង់រូបនេះមកជំនួសដំណែងខ្សែប្រយុទ្ធ Gareth Bale។

នៅក្នុងរដូវកាលនេះខ្សែបម្រើ Leroy Sane បានបង្ហាញទំរង់លេងយ៉ាងល្អមែនទែនធ្វើអោយក្លឹបធំៗនៅក្នុងតំបន់អឺរ៉ុបចង់បានខ្សែបម្រើសញ្ជាតិអាឡឺម៉ង់រូបនេះ។ តាមសារពត៌មានមួយរបស់ប្រទេសអេស្ប៉ាញបាននិយាយថា៖ ខ្សែបម្រើរូបនេះហាក់ដូចជាពុំសូវមានទំនាក់ទំនងល្អជាមួយនឹងលោក Pep Guardiola ដែលជាគ្រូបង្វឹករបស់ក្លឹបមេឃខៀវ Manchester City។ លោក Pep Guardiola តែងតែដាក់ខ្សែបម្រើ Leroy Sane នៅក្នុងជម្រើសទី 2 ដែលលោក Pep ចូលចិត្តខ្សែបម្រើ Kevis De-Bruyne ច្រើនជាង Sane ទោះបីជាខ្សែបម្រើ Leroy Sane បង្ហាញទំរង់លេងល្អយ៉ាងណាក៏ដោយ។

យ៉ាងណាវិញក្លឹបអធិរាជសរ Real Madrid បានរៀបចំគម្រោងក្នុងការផ្ទេរខ្សែបម្រើរូបនេះចេញពីក្លឹបមេឃខៀវ Manchester City នៅក្នុងរដូវកាលក្រោយ ព្រោះ Real Madrid គិតថាខ្សែបម្រើ Leroy Sane នឹងដើរតួយ៉ាងសំខាន់ក្នុងការជំនួសដំណែងខ្សែប្រយុទ្ធ Gareth Bale។ ហើយខ្សែបម្រើសញ្ជាតិអាឡឺម៉ង់រូបនេះក៏បានត្រៀមខ្លួនរួចជាស្រេចក្នុងការចាកចេញពីក្លឹបមេឃខៀវ Manchester City ផងដែរ។

បុត្រ

សម្រួលអត្ថបទពីសារពត៌មានអេស្ប៉ាញ elgoldigital