ប្រធានាធិបតីអ៊ុយក្រែនលោក Volodymyr Zelenskyy បានមានប្រសាសន៍ថា ឆ្នាំ២០២៣ នឹងក្លាយជាឆ្នាំដ៏សំខាន់សម្រាប់ប្រទេសរបស់លោក។ នៅក្នុងសារវីដេអូដែលបានចេញផ្សាយកាលពីថ្ងៃអង្គារ លោក Zelenskyy បានកត់សម្គាល់ថា លោកបានជួបមេបញ្ជាការនៅថ្ងៃនោះ ហើយប្រធានបទគឺច្បាស់ណាស់ថា និយាយពីតំបន់ Bakhmut, Kreminna និង Donbas ។ បន្ទាប់​ពី​យោង​ទៅ​លើ​សមរភូមិ​ភាគ​ខាង​កើត លោក​បាន​បញ្ជាក់​ថា កម្លាំង​ការពារ និង​សន្តិសុខ​ កំពុង​ត្រៀម​ខ្លួន​សម្រាប់​ឆ្នាំ​ខាង​មុខ។

លោក Zelenskyy ក៏បាននិយាយផងដែរថា គាត់បាននិយាយជាមួយប្រធានក្រុមហ៊ុន BlackRock ដែលជាមូលនិធិវិនិយោគដ៏ធំបំផុតរបស់ពិភពលោក អំពីការកសាងឡើងវិញនៃអ៊ុយក្រែន។

លោកបានបន្ថែមថា រដ្ឋាភិបាលកំពុងរៀបចំ ដើម្បីចូលរួមក្នុងកិច្ចប្រជុំខែមករា នៃវេទិកាសេដ្ឋកិច្ចពិភពលោកនៅទីក្រុង Davos ប្រទេសស្វីស។ លោក Zelenskyy ក៏បានសង្កត់ធ្ងន់ថា ប្រជាជនអ៊ុយក្រែនត្រូវតែរក្សាការយល់ដឹងរួមអំពីគោលដៅជាតិរបស់ប្រទេសនេះ នៅពេលពួកគេចូលឆ្នាំថ្មី។ លោកបាននិយាយថា លោកនឹងបង្ហាញទស្សនៈរបស់លោកក្នុងពេលឆាប់ៗនេះ នៅក្នុងសភាស្តីពីការអនុវត្តគោលដៅទាំងនេះ រួមទាំងការរំដោះទឹកដីអ៊ុយក្រែនពីសត្រូវ និងការកសាងប្រទេសឡើងវិញ៕

អត្ថបទ៖ លីដា
ប្រភព៖ NHK