Manchester United ត្រៀមជះលុយ 100លានផោន ទិញខ្សែបម្រើប្រយុទ្ធវ័យក្មេង Joao Felix ពីក្លឹប Benfica

ក្លឹបបិសាចក្រហម Manchester United ត្រៀមកញ្ចប់ថវិកាប្រមាណជាង 100លានផោន ទុកសម្រាប់ដេញថ្លៃខ្សែបម្រើប្រយុទ្ធវ័យក្មេង Joao Felix ពីក្លឹប Benfica នៅក្នុងពេលបញ្ចប់រដូវកាលនេះ។

ខ្សែបម្រើប្រយុទ្ធវ័យក្មេង Joao Felix ដែលត្រូវបានគេរំពឹងទុកថា នឹងក្លាយជាខ្សែប្រយុទ្ធដ៏ឆ្នើមរបស់ព័រទុយហ្គាល់ក្នុងពេលអនាគតនោះ កំពុងត្រូវបានក្លឹបធំៗនៅក្នុងទ្វីបអឺរ៉ុបចាប់អារម្មណ៍ខ្លាំងមែនទែនចំពោះគ្រាប់គុជរបស់ព័រទុយហ្គាល់មួយនេះ។ ខ្សែបម្រើប្រយុទ្ធវ័យ 19 ឆ្នាំរូបនេះក្នុងមួយរយៈចុងក្រោយដែលចូលរួមជាមួយនឹងក្លឹប Benfica ត្រូវបានក្លឹបធំៗត្រៀមប្រជែងគ្នាដណ្ដើមរូបគេ ដោយសារតែ Felix មានទេពកោសល្យល្អជាពិសេសសមត្ថភាពរបស់គេ។

ឥលូវនេះក្លឹបបិសាចក្រហម Manchester United បានបើកភ្លើងខៀវក្នុងការត្រៀមដេញថ្លៃខ្សែប្រយុទ្ធ Joao Felix ដោយក្លឹបយក្សរបស់អង់គ្លេសមួយនេះហ៊ានចំណាយដល់ទៅ 100លានផោន ដើម្បីធ្វើយ៉ាងណាអូសទាញ Felix មកកាន់ទឹកដី Old Trafford នៅក្នុងពេលបញ្ចប់រដូវកាលនេះ។

បុត្រ

ប្រភព៖ Goal