លោក Bill Gates បានទៅដល់ប្រទេសចិន ដើម្បីជួបជាមួយប្រធានាធិបតី Xi Jinping

លោក Bill Gates ដែលជាសហស្ថាបនិកក្រុមហ៊ុន Microsoft Corp គ្រោងនឹងជួបជាមួយប្រធានាធិបតីចិន Xi Jinping នៅថ្ងៃសុក្រ ទី១៦ ខែមិថុនា ឆ្នាំ២០២៣ ក្នុងអំឡុងដំណើរទស្សនកិច្ចរបស់លោកទៅកាន់ប្រទេសចិន នេះបើតាមការចុះផ្សាយរបស់សារព័ត៌មាន Channel News Asia។ កិច្ចប្រជុំនេះនឹងក្លាយជាកិច្ចប្រជុំលើកដំបូងរបស់លោក Xi ជាមួយសហគ្រិនឯកជនបរទេសក្នុងប៉ុន្មានឆ្នាំថ្មីៗនេះ។ ការ​ជួប​គ្នា​នេះ​អាច​ជា​ការ​ជួប​គ្នា​មួយ​ទល់​មួយ ហើយពួកគេនឹងជួបគ្នាដោយមិនផ្តល់ព័ត៌មានលម្អិត។

លោក Gates បានសរសេរនៅលើ Twitter កាលពីថ្ងៃពុធថា លោកបានទៅដល់ទីក្រុងប៉េកាំងជាលើកដំបូងចាប់តាំងពីឆ្នាំ ២០១៩ ហើយថាលោកនឹងជួបជាមួយដៃគូដែលធ្វើការលើបញ្ហាប្រឈមសុខភាព និងការអភិវឌ្ឍន៍សកលជាមួយនឹងមូលនិធិ Bill & Melinda Gates ។ យ៉ាងណា មូលនិធិ និងការិយាល័យព័ត៌មានក្រុមប្រឹក្សារដ្ឋរបស់ប្រទេសចិន ដែលដោះស្រាយសំណួរប្រព័ន្ធផ្សព្វផ្សាយក្នុងនាមរដ្ឋាភិបាលចិន មិនបានឆ្លើយតបភ្លាមៗចំពោះសំណើសុំការអត្ថាធិប្បាយរបស់ រ៉យទ័រ នោះទេ៕

អត្ថបទ៖ លីដា
ប្រភព៖ Channel News Asia