ប្រធានក្រុម Ajax កីឡាករខ្សែការពារសញ្ជាតិហូឡង់ Matthijs de Ligt បានទទួលស្គាល់ថា គាត់កំពុងបើកផ្លូវទៅកាន់ ក្លឹបយក្ស Serie A សេះបង្កង់ Juventus។ De Ligt គឺជាកីឡាករខ្សែការពារមួយរូបដែលមានគុណភាព និងទើបតែមានអាយុ ១៩ឆ្នាំសម្រាប់ Ajax បន្ទាប់ពីមិត្តរួមក្រុម Frenkie de Jong បានចុះកុងត្រាជាមួយក្លឹប Barcelon ។ គួរបញ្ជាក់ផងដែរថា កីឡាករអន្តរជាតិសញ្ជាតិហូឡង់រូបនេះ កំពុងត្រៀមខ្លួនប៉ះជាមួយ Juventus នៅក្នុងខែក្រោយក្នុងពាន CL វគ្គ៨ក្រុមចុងក្រោយ បានអោយតំរុយថារូបគាត់កំពុងរៀបចំខ្លួនដើម្បីចូលរួមជាមួយ Juventus នៅរដូវកាលក្រោយ។ មិនតែប៉ុណ្ណោះ កីឡាកររូបនេះបានលើកឡើងប្រាប់កាសែត Tuttosport ថា ”ខ្ញុំពិតជាចូលចិត្ត ខ្សែការពារ Chielini ដែលនាពេលឥឡូវនេះគាត់គឺជាខ្សែការពារដែលល្អម្នាក់ជាងគេលើលោក”។ ហើយគាត់បានបន្ថែមទៀតថា ”ខ្ញុំអាចចូលរួមជាមួយ juventus នៅពេលវេលាណាមួយសមស្របណាមួយ ប៉ុន្តែពេលនេះ ខ្ញុំកំពុងផ្ដោតទៅលើការប្រកួតជាមួយ Ajax ខណៈដែលភ្នាក់ងារផ្ទាល់ខ្លួនរបស់ខ្ញុំកំពុងធ្វើការលើរឿងនេះផងដែរ”។

គួរបញ្ជាក់ផងដែរថា De Ligt មិនទាន់ច្បាស់ថារូបគេអាចនឹងត្រូវជួបជាមួយ Christiano Ronaldo នៅក្នុងពានទ្វីបអឺរ៉ុបនៅឡើយទេ ខណៈដែលតារាបាល់ទាត់សញ្ជាតិ ប៉ុកទុយហ្គាលរូបនេះមិនទាន់ដឹងច្បាស់ថាអាចជាពីរបួសទាន់ពេលនៅឡើយទេ បន្ទាប់ពីចូលរួមលេងអោយជម្រើសជាតិ។ ក្នុងពេលនោះដែរ De Ligt បាននិយាយថា ” កីឡាករ Christiano Ronaldo គឺជាកីឡាករល្អម្នាក់ជាងគេលើលោក ហើយ ក្រុមJuventus ក៏ពឹងផ្អែកលើរូបគាត់ផងដែរ ប៉ុន្តែទោះបីជាយ៉ាងណាក៏ដោយ វាពិតជាគួរអោយចាប់អារម្មណ៍ប្រសិនបើអាចប្រឈមមុខជាមួយរូបគាត់”។ ហើយពីមុនមក កីឡាករខ្សែការពាររូបនេះធ្លាប់បានលេងប៉ះជាមួយ Ronadlo រួចមកហើយនៅក្នុងការប្រកួតរវាងប្រទេស និងប្រទេស ហើយវាពិតជាពិបាកសម្រាប់គាត់ក្នុងការបិទកីឡាករអាយុ ៣៤ឆ្នាំរូបនេះ។ សម្រប់ក្លឹប Ajax De Ligt រកបាន៤គ្រាប់អោយក្រុម ក្នុងការបង្ហាញខ្លួន ៤២ប្រកួតក្នុងឆ្នាំ ២០១៨-២០១៩៕

អត្ថបទ៖ សុគុណា
ប្រភព៖ Fox Sports