ក្លឹបអ្នកមានបុណ្យ Barcelona និងអធិរាជស Real Madrid ត្រូវបានជួបគ្នាជាច្រើនលើកច្រើនសារនៅក្នុងរយៈពេលប៉ុន្មានឆ្នាំនេះ មិនថាពានធំតូច ឬពាននៅក្នុងទ្វីបអឺរ៉ុបនោះទេ ។ ហើយឥឡូវនេះក្លឹបទាំងពីរនេះកំពុងប្រឆាំងគ្នាម្ដងទៀតនៅលើទីផ្សារដោះដូរកីឡាករនៅក្នុងរដូវក្តៅខាងមុខនេះ ប៉ុន្តែលើកនេះក្រុមយក្សនៅទីក្រុង Madrid អាចឈ្នះលើកនេះ។ បើយោងទៅតាមព័ត៌មានរបស់ប្រទេសអេស៉្បាញបានអោយដឹងថា Real Madrid បានយកឈ្នះក្លឹបអ្នកមានបុណ្យ Barcelona ក្នុងការចុះកុងត្រានាំយកកីឡាករ Luka Jovicពីក្លឹបនៅអាឡឺម៉ង់ Eintracht Frankfurt ។ គួរបញ្ជាក់ផងដែរថា ខ្សែប្រយុទ្ធសញ្ជាតិសឺប៊ីរូបនេះកំពុងតែឡើងជើងខ្លាំង ហើយអាចនឹងប្តូរមកកាន់ពហុកីឡាដ្ឋាន Bernabue នៅក្នុងពេលឆាប់ៗនេះ។

នាពេលថ្មីនេះ Frankfurt ទើបនឹងប្រកាសថា បានចុះកុងត្រាជាមួ Jovic ជាកីឡាករពេញសិទ្ធរបស់ខ្លួន។ គួរអោយដឹងផងដែរថាកីឡាករវ័យ ២១ឆ្នាំរូបនេះបានចំនាយពេល១រដូវកាលកន្លះជាមួយក្លឹបអាឡឺម៉ង់មួយនេះ បន្ទាប់ពីបានខ្ចីជើងពីក្លឹប SL Benfica ប្រទេសប៉ុកទុយហ្គាល។ ខណៈពេលនេះដែរ Jovic បានលក់ទៅអោយក្លឹបនៅអាឡឺម៉ង់ក្នុងតំលៃ ៦លានអឺរ៉ូ ហើយកំពុងសម្លឹងរកលក់វិញដើម្បីយកចំនេញសម្រាប់ក្លឹប។ ហើយនៅពេលនេះ តំលៃខ្លួនរបស់ Jovic អាចនឹងលក់ចេញក្នុងចន្លេាះតំលៃពី ៥០លានអឺរ៉ូ ទៅ ៦០លានអឺរ៉ូ។ គួរបញ្ជាក់ផងដែរថា Jovic រកបាន ២៥គ្រាប់សម្រាប់ក្លឹបរបស់គាត់នៅក្នុងរដូវកាលនេហ ហើយជាកីឡាករដែលរកគ្រាប់បាល់បានច្រើនជាងគេលំដាប់ទីពីរ ទាំងនៅក្នុងលីគកំពូលរបស់អាឡឺម៉ង់ និងនៅក្នុងពានអឺរ៉ុបលំដាប់ទីពីរផងដែរ៕

អត្ថបទ៖ សុគុណា
ប្រភព៖ FoxSportsAsia