ថ្មីៗនេះ ក្រុមបិសាចក្រហមបានចាញ់ក្នុងទឹកដីខ្លួនឯងក្នុងលទ្ធផល២ទល់០នៅក្នុងទីក្រុង Manchester ពេលប៉ះក្រុមដែលមកពីមូលដ្ឋានដូចគ្នាគឺក្រុម  Man City នោះវាគ្មានអ្វីដែលត្រូវធ្វើអោយលោកគ្រូបង្វឹក Liverpool នោះទេខណៈដែលក្រុមលោកកំពុងតែប្រឹងដើម្បីបានលើកពាននៅក្នុងរដូវកាលនេះ។ បន្ថែមពីនេះដែរ លោក Jurden Klopp បាននិយាយថាគាត់មិនដែលរំពឹងថាក្រុមបិសាចក្រហមអាចឈ្នះនៅពេលប៉ះជាមួយ Machester City នោះទេសម្រាប់ពាន Premier League។

អ្វីដែលក្រុមហង្សក្រហមសង្ឃឹមនោះគឺ Man Utd អាចបានមួយពិន្ទុពីការប្រកួតនៅថ្ងៃពុធមុននេះ ប៉ុន្តែកូនក្រុមរបស់លោក Ole Gunnar Solskjear បានចាញ់ក្នុងលទ្ធផល២ទល់នឹងសូន្យ នៅក្នុងទឹកដី Old Trafford ទៅវិញ។ ហើយបន្ទាប់ពីឈ្នះកាលពីថ្ងៃពុធមុននេះ Man Ctiy បានឡើងមកឈរលេខមួយវិញដោយមាន១ពិន្ទុលើកក្រុមហង្សក្រហម Liverpool ខណៈដែរក្រុមនេះមានតែបីប្រកួតប៉ុណ្ណោះមុនចប់រដូវកាល។

ជាមួយគ្នានេះដែរ លោក Jurden Klopp បានលើកឡើងយ៉ាងហំថា ” បើសិនជាអ្នកគិតថា បិសាចក្រហមអាចធ្វើអោយក្រុម Man City ឈឺចាប់់នោះប្រហែលជាពិបាកហើយព្រោះក្រុម Man City ល្អពេកហើយ។ ខ្ញុំបានអង្គុយមុខទូរទស្សន៍ហើយមើលការប្រកួតនេះ តែខ្ញុំដូចជាអត់មានអារម្មណ៍ភ័យខ្លាចសូម្បីតែបន្តិច ឧទាហរណ៍ដូចពេលដែល Lingard! ម៉េចបានធ្វើបែបនេះជាដើម”។ ហើយរូបគាត់បានរៀបរាប់បន្ថែមទៀតថា ”ឥឡូវនេះខ្ញុំសង្ឃឹមថាខ្ញុំអាចរកបាន៩៧ពិន្ទុពេលដែលចប់រដូវកាល ហើយប្រសិនបើពួកយើងអាចធ្វើបាននោះ គឺយើងធ្វើបានល្អបំផុតនៅក្នុងរដូវកាលនេះ និងទោះជាអ្នកណានិយាយអ្វីក៏ដោយមកលើពួកយើង ខ្ញុំមិនខ្វល់អ្វីទាំងអស់”៕

អត្ថបទ៖ សុគុណា
ប្រភព៖ GivemeSport