យ៉ាប់ហើយបង De Gea រដូវកាលនេះ ដល់ថ្នាក់ Manchester United កំពុងសម្លឹងកីឡាករម្នាក់ដើម្បីយកមកជំនួសតំណែង Devid De Gea

ថ្មីៗនេះ មានព័ត៌មានមួយបានលើកឡើងថា ក្រុមបិសាចក្រហមManchester United កំពុង​ពិចារណា​​ចង់​ទិញ​ផ្ដាច់​កុងត្រា​យកអ្នក​ចាំ​ទី​ Jan Oblak របស់ Atletico Madrid តែ​ម្ដង ដើម្បីមកជំនួសតំណែង David De Gea។ ជាក់ស្តែង កីឡាករអ្នកចាំទីដៃទីមួយ ហើយក៏ជាអ្នកចាំទីល្អម្នាក់នៅក្នុងលោក DeVid De Gea ហាក់ដូចជារបូតគ្រាប់បាល់ និងបង្កកំហុសជាច្រើននៅក្នុងរដូវកាលនេះដែលជាហេតុធ្វើអោយក្លឹបមានការមិនសូវសប្បាយចិត្តជាមួយអ្នកចាំទីវ័យក្មេងសញ្ជាតិអេស្ប៉ាញ។ ដោយហេតុនេះហើយមានពាក្យចរចាមអារ៉ាមជាច្រើនដែលបាននិយាយពីការចាកចេញនៅក្នុងរដូវកាលក្រោយខាងមុនេះ។

គួរបញ្ជាក់ផងដែរថា អ្នកចាំទី Devid De Gea បានចូលមកលេងនៅក្នុងក្លឹបបិសាចក្រហមចាប់តាំងពីឆ្នាំ២០១១មកម្ល៉េះហើយបានជួយក្លឹបឈ្នះពានជាច្រើនតាំងពីជំនាន់តា Sir Alex Fugason នៅជាគ្រូបង្វឹកមកម៉្លេះ និងបានក្លាយជាកីឡាករឆ្នើមប្រចាំក្លឹប ក៏ដូចជាប្រចាំជម្រើសជាតិអេស៉្បាញផងដែរ។ ចំណែកឯកីឡាករ Jan Obalk ឯណោះវិញបានចូលរួមជាមួយក្លឹប Atletico Madrid តាំងពីឆ្នាំ២០១៤មកម្ល៉េះ ហើយអាចជាជម្រើសទីមួយដែលជាគោលដៅរបស់ក្លឹបបិសាចក្រហមដើម្បីយកមកដោះស្រាយបញ្ហាមួយចំនួនដែលកើតឡើងនៅក្នុងក្លឹប ខណៈដែរក្លឹបកំពុងត្រូវការកែប្រែទម្រង់ដើម្បីត្រៀមសម្រាប់រដូវកាលក្រោយ៕

អត្ថបទ៖ សុគុណា