អ្នកចាត់ការទូទៅរបស់ក្លឹបអធិរាជស Real Madrid ដែលទើបតែនឹងត្រឡប់មកវិញលោក Zinedine Zidane បានកត់សំគាល់កីឡាកររបស់ Chelsea មួយរូបគឺ Marcos Alonso ដើម្បីយកមកជំនួសតំណែងរបស់ខ្សែការពារស្លាប់ឆ្វេងសញ្ជាតិប្រេសុីល Marcelo បន្ទាប់ពីធ្វើមិនបានល្អសោះនៅក្នុងរដូវកាលនេះក្នុងទឹកដី Bernabeu។ ជាមួយគ្នានេះដែរ មានគេរាយការណ៍ថាគ្រូបង្វឹកចាស់លោក Solari បានទម្លាក់កៅអីរបស់ Marcelo និងជំនួសវិញដោយកីឡាករ Sergio Reguilon វិញ ក៏ដូចគ្នាទៅនឹងលោក Zidane ផងដែរ ដោយមើលទៅមិនសប្បាយចិត្តនឹងទម្រង់លេងរបស់  Marcelo មានការធ្លាក់ចុះជាខ្លាំង។ ហើយមួយវិញទៀតនោះ Marcelo ហាក់ដូចជាមានការអន់ចិត្តដែលអវត្តមានលើកការប្រកួតធំជាច្រើន ដែលជាហេតុធ្វើអោយកីឡាកររូបនេះបណ្តោយខ្លួនគាត់អោយធ្លាក់ចុះទៅតាមនឹងដែរ បន្ទាប់ពីបានលើកពាន Champions League ៣ដងជាប់គ្នា។

ជាលទ្ធផល គ្រូបង្វឹកសញ្ជាតិបារាំងលោក Zidane បានស្របតាមគំនិតរបស់លោក Solari ដែលជាអតីតគ្រូបង្វឹករបស់ Real Madrid ថាការជំនួសកន្លែងរបស់ Marcelo គឺជារឿងត្រឹមត្រូវ តែគាត់មិនគិតថាយកកីឡាករ Sergio Requilion មកជំនួសនោះទេផ្ទុយទៅវិញគ្រូបង្វឹកសញ្ជាតិបារាំងបានសម្លឹងឃើញខ្សែការពារស្លាប់ឆ្វេងរបស់តោខៀវ Chelsea Marcos Alonso ។ ប៉ុន្តែទោះបីជាយ៉ាងណាក៏ដោយ​ ក្រុមតោខៀវ Chelsea ត្រូវបានហាមឃាត់មិនអោយទិញកីឡាករ រយៈពេលពីររដូវកាល លុះត្រាណាតែក្លឹប Chelsea កុំលក់ខ្សែប្រយុទ្ធរបស់ខ្លួន Eden Harzard អោយទៅក្លឹប Real Madrid បើមិនដូច្នេះទេការដោះដូរនេះអាចនឹងមិនកើតឡើងនោះទេ៕

អត្ថបទ៖ សុគុណា
ប្រភព៖ FoxSportAsia