លោក ដូណាល់ ត្រាំ បង្ហោះសារនៅលើបណ្តាញសង្គមថា គាត់គឺជា «ប្រធានាធិបតីស្តីទីនៃប្រទេសវេណេស៊ុយអេឡា»

អាមេរិក៖ លោកប្រធានាធិបតីអាមេរិក ដូណាល់ ត្រាំ បានបង្ហោះនៅលើបណ្តាញសង្គម Truth Social ដោយប្រកាសថា រូបគាត់គឺជាអ្នកគ្រប់គ្រងបណ្តោះអាសន្ននៃប្រទេសវេណេស៊ុយអេឡា នេះបើយោងតាមការចុះផ្សាយរបស់បណ្តាញសារព័ត៌មាន MTV កាលពីយប់ថ្ងៃទី១២ ខែមករា។

តាមរយៈបណ្តាញសង្គមដដែលនេះ លោក ដូណាល់ ត្រាំ ក៏បានចែករំលែករូបថតរបស់លោកពីគេហទំព័រ Wikipedia ដោយសរសេរថា «ប្រធានាធិបតីស្តីទីនៃប្រទេសវេណេស៊ុយអេឡា»។ សកម្មភាពរ​បស់លោក ដូណាល់ ត្រាំ ត្រូវបានគេឃើញថា គឺជាការសើចចំអកយ៉ាងខ្លាំងទៅកាន់លោកស្រី Delcy Rodriguez អនុប្រធាធិបតីវេណេស៊ុយអេឡា ដែលបានឡើងដឹកនាំប្រទេសវេណេស៊ុយអេឡា ក្រោយការចាប់ខ្លួនលោកប្រធានាធិបតីវេណេស៊ុយអេឡា Nicolas Maduro និងភរិយារបស់គាត់កាលពីថ្ងៃទី៣ ខែមករា​កន្លងទៅនេះ ដោយកងកម្លាំងអាមេរិក៕

អត្ថបទ៖ ភក្តី

ប្រភព៖ MTV