លោក Jose Mourinho ត្រៀមខ្លួនក្នុងការចុះហត្ថលេខានាំយក Aaron Ramsey មកកាន់ទឹកដី Old Trafford ប្រសិនបើ Arsenal មិនព្រមផ្ដល់កុងត្រាថ្មីអោយ Ramsey ទេ

គ្រូបង្វឹករបស់ក្លឹបបិសាចក្រហម Manchester United លោក Jose Mourinho ត្រៀមខ្លួនក្នុងការដណ្ដើមយកខ្សែបម្រើ Aaron Ramsey ពីក្លឹបកាំភ្លើងធំ Arsenal ប្រសិនបើ Arsenal មិនព្រមបន្ដកុងត្រាថ្មីជាមួយនឹងខ្សែបម្រើសញ្ជាតិវ៊ែលរូបនេះ។

ខ្សែបម្រើ Ramsey នៅសល់កុងត្រាតែ 1 ឆ្នាំទៀតតែប៉ុណ្ណោះជាមួយនឹងក្លឹបកាំភ្លើងធំ Arsenal។ ហើយលោក Jose Mourinho គិតថា Ramsey អាចនឹងជាជំនួយដ៏ល្អសម្រាប់ជួយដល់កីឡាករ Alexis Sanchez និងខ្សែបម្រើ Paul Pogba។

ក្លឹបតោខៀវ Chelsea ក៏មានចំណាប់អារម្មណ៍ចង់បានខ្សែបម្រើរូបនេះដូចគ្នា។ គិតមកដល់ពេលនេះក្លឹបកាំភ្លើងធំ Arsenal មិនទាន់ផ្ដល់កិច្ចសន្យាបន្ដកុងត្រាថ្មីដល់ខ្សែបម្រើ Aaron Ramsey នៅឡើយទេ ខណៈដែលកុងត្រារបស់គេនឹងបញ្ចប់នៅក្នុងឆ្នាំ 2019។

បុត្រ

ប្រភព៖ Goal