ហ្វីលីពីនសម្រេចហាមឃាត់ហ្គេម GoreBox ជាបន្ទាន់ ក្រោយរកឃើញថា ខ្មាន់កាំភ្លើងម្នាក់ក្នុងករណីបាញ់រះក្នុងសាលារៀនគឺជាអ្នកលេងហ្គេមនេះយ៉ាងងប់ងល់
ហ្វីលីពីន៖ អាជ្ញាធរហ្វីលីពីនសម្រេចហាមឃាត់ហ្គេម GoreBox ជាបន្ទាន់ ក្រោយប៉ូលិសបានរកឃើញថា ខ្មាន់កាំភ្លើងម្នាក់ក្នុងចំណោម ២នាក់ ដែលបានបើកការបាញ់ប្រហារនៅក្នុងសាលារៀនកាលពីចុងសប្តាហ៍កន្លងទៅ គឺជាអ្នកលេងហ្គេមបែបបាញ់ប្រហារតាម Online មួយនេះយ៉ាងងប់ងល់បំផុត។ គួររម្លឹកជូនថា ហេតុការណ៍បាញ់ប្រហារដ៏កម្រខាងលើនេះបានកើតឡើងកាលពីថ្ងៃទី២២ ខែមិថុនា នៅក្នុងសាលារៀនមួយកន្លែងក្នុងទីក្រុង Tacloban នៃខេត្ត Leyte ភាគខាងជើងប្រទេសប្រទេសហ្វីលីពីន។
ក្រុមខ្មាន់កាំភ្លើងគឺជាកូនសិស្សនៅក្នុងសាលារៀន ដែលជាកន្លែងកើតហេតុខាងលើនេះផ្ទាល់តែម្តង ហើយពួកគេមានអាយុត្រឹម ១៤ឆ្នាំ និង ១៥ឆ្នាំប៉ុណ្ណោះ។ បើយោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា ក្រុមខ្មាន់កាំភ្លើងបានប្រើប្រាស់កាំភ្លើងខ្លី ដែលជារបស់ពួកគេតែម្តង ហើយពួកគេបានបើកការបាញ់ប្រហារទៅកាន់ហ្វូងសិស្សសាលាក្នុងពេលដំណាលគ្នា។ ករណីបាញ់ប្រហារទាំងកម្រោលនេះបានបណ្តាលឱ្យកូនសិស្សចំនួន ៣នាក់បានស្លាប់បាត់បង់ជីវិតនៅហ្នឹងកន្លែងកើតហេតុ ខណៈកូនសិស្សចំនួន ២០នាក់ផ្សេងទៀតបានរងរបួស៕
អត្ថបទ៖ ភក្តី
ប្រភព៖ The Strait Time