ម្ចាស់ជើងឯកក្នុងក្របខ័ណ្ឌ  English Premier League ក្លឹប Manchester City បានតាមប្រមាញ់ដើម្បីចុះកុងត្រានាំយកខ្សែបម្រើរបស់ក្លឹប Real Madrid កីឡាករ Isco នេះបើតាមសារព័ត៌មានជាច្រើនបានចុះផ្សាយ។ គួរបញ្ជាក់ផងដែរលោកអ្នកចាត់ការទូទៅ Pep Gurdiala សម្លឹងឃើញកីឡាករសញ្ជាតិអេស្ប៉ាញ Isco ដើម្បីយកមកជំនួសតំណែងកីឡាករ David Silva ដែលនឹងត្រូវចាកចេញនៅរដូវកាលបន្ទាប់មួយទៀតនេះ។

តាមរយៈការរាយការណ៍របស់ Marco បានលើកឡើងថាស្ថានភាពរបស់កីឡាករ Isco នៅក្នុងក្លឹប Real Madrid ដូចជាមិនសូវល្អនោះទេ ដោយមើលឃើញថាកីឡាកររូបនេះដូចជាមិនស្ថិតនៅក្នុងជម្រើសរបស់លោកអ្នកចាត់ការសញ្ជាតិបារាំង Zinedine Zidane សម្រាប់រដូវកាលថ្មីនោះទេ។ ជាមួយគ្នានេះដែរលោក Zidane បានទាក់ទង់នឹងចង់បានកីឡាករខ្សែបម្រើជាច្រើនដូចជា Paul Pogba, Christian Eriksen នឹងកីឡាករជាច្រើនទៀត ដែលទំនងជាអាចយកមកជំនួសតំណែកកីឡាករ Isco នៅក្នុងតំបន់ប្រយុទ្ធកណ្តាល។

គួរបញ្ជាក់បន្ថែមផងដែរថាក្លឹបមេឃខៀវ Manchester City កំពុងតែត្រូវកាខ្សែបម្រើកណ្តាលថ្មីដើម្បីយកមកជំនួសតំណែងកីឡាករចាស់វស្សា David Silva ខណៈដែរកីឡាករមួយរូបទៀត Fernadinho អាចនឹងចាកចេញពីក្លឹបក្នុងពេលឆាប់ៗនេះផងដែរ។ ទោះជាយ៉ាងនេះក្តី ពួកគេបានចុះកិច្ចព្រមព្រៀងជាមួយក្លឹប Atletico Madrid សម្រាប់កីឡាករខ្សែបម្រើកណ្តាល Rodri ប៉ុន្តែកីឡាកររូបនេះមើលទៅហាក់ដូចជាលេងបម្រើការពារច្រើនជាង ហើយអាចយកមកជំនួសកីឡាករ Fernadinho បាន។

ទនឹ្ទមនឹងនេះផងដែរ David Silava បានប្រកាសរួចរាល់ហើយថានៅក្នុងរដូវកាល ២០១៩-២០ នេះជារដូវកាលទី១០ និងជារដូវកាលចុងក្រោយរបស់លោកជាមួយក្លឹបហើយគាត់នឹងចាកចេញនៅក្នុងពេលដែលបញ្ជប់រដូវកាលនេះ។ តួយ៉ាង ក្លឹប Real Madrid បានដាក់តំលៃលើកីឡាករ Isco ក្នុងតំលៃ ៨០លានអឹរ៉ូប៉ុន្តែបើតាមភ្នាក់ងារសារព័ត៌មានរបស់ប្រទេសអេស្ប៉ាញ Man City មិនទាន់បានចរចាឬដាក់តំលៃណាមួយជាមួយកីឡាកររូបនេះនៅឡើយទេ៕

អត្ថបទ៖ សុគុណា
ប្រភព៖ FoxSportAsia