ឯកឧត្តមឧបនាយករដ្ឋមន្ត្រី ហោ ណាំហុង សន្យានឹងជួយឧបត្ថម្ភ ក្មេងស្រីកម្សត់ ស៊ិន ស្រីហង្ស ជារៀងរាល់ខែរហូតដល់រៀនចប់ថ្នាក់ទី១២ និងសាកលវិទ្យាល័យ

កុមារី​ម្នាក់​ជាមនុស្សពិការដៃជេីងពីកំណេីតហេីយ​ព្យាយាមតស៊ូ​រៀនសូត្របានពូកែផងនោះ​ ត្រូវបានមហាជនជាច្រើនបានសម្តែងក្តីអាណិតអាសូរ និងកោតសរសើរចំពោះការតស៊ូរៀនសូត្របានពូកែ។ ក្មេងស្រីកម្សត់មានឈ្មោះ ស៊ិន​ ស្រីហង្ស​ អាយុ​ ១៧ឆ្នាំ​ ជាសិស្សពូកែរៀនថ្នាក់ទី​ ១១​ នៃវិទ្យាល័យសំឡូត​ ខេត្តបាត់ដំបង​ជាកុមារីពិការដៃជេីងពីកំណេីត។ នៅថ្ងៃនេះផងដែលប្អូនស្រីក៏បានជួបជាមួយនឹង ឯកឧត្តមឧបនាយករដ្ឋមន្ត្រី ហោ ណាំហុង រដ្ឋមន្ត្រី​ក្រសួងការ​បរទេស​ និង លោកជំទាវ។

ក្នុងនោះផងដែលដោយមានការអាណិតអាសូរខ្លាំងពេកចំពោះក្មេងស្រី ស៊ិន ស្រីហង្ស ឯកឧត្តមឧបនាយករដ្ឋមន្ត្រី ហោ ណាំហុង បានឧបត្ថម្ភថវិកាចំនួន១២លានរៀល ហើយសន្យានឹងជួយឧបត្ថម្ភ ប្រចាំជារៀងរាល់ខែ រហូតដល់រៀនចប់ថ្នាក់ទី១២ និងបន្ដរៀននៅសាកលវិទ្យាល័យ ដែលនាងបាន ប្ដេជ្ញារៀនអោយចប់សាកលវិទ្យាល័យ៕

ដោយ៖ ណារ៉ែន