រដ្ឋបាលខេត្តកោះកុង ផ្អាកមិនឲ្យរថយន្តដឹកធ្ងន់ៗឆ្លងផ្លូវជាតិមួយនេះរយៈពេល២ថ្ងៃ ដើម្បីការពារគ្រឹះថ្នល់

យោងតាមសេចក្តីជូនដំណឹងរបស់រដ្ឋបាលខេត្តកោះកុងបានឲ្យដឹងថា ដោយសារតែផ្លូវជាតិលេខ៤៨រងការខូចខាត មានកន្លែងខ្លះមានទឹកហូរកាត់ និងបាក់ស្រុតគ្រឹះ ព្រោះតែមានភ្លៀងធ្លាក់ច្រើនជាបន្តបន្ទាប់ ដូច្នេះរដ្ឋបាលខេត្តកោះកុងស្នើដល់ម្ចាស់ក្រុមហ៊ុន និងអ្នកបើកបរយានយន្តធន់ធ្ងន់ទាំងអស់ ផ្អាកការដឹកទំនិញធ្ងន់ៗរយៈពេល០២ថ្ងៃ គឺថ្ងៃទី១៨ និងថ្ងៃទី១៩ ខែកញ្ញា ដើម្បីការពារគ្រឹះថ្នល់ ដែលទើបនឹងជួសជុលរួចឲ្យមានសភាពរឹងមាំ ទើបអាចអនុញ្ញាតឲ្យបើកបរវិញបាន៕

អត្ថបទ៖ សេម