សំរាមរាយប៉ាយ ដែលហូរពីអូរ និងប្រឡាយចូលទៅសមុទ្រ ឥលូវនេះត្រូវបានអាជ្ញាធរសម្អាតរួចហើយ

ក្រុងព្រះសីហនុ៖ បន្ទាប់ពីមានភ្លៀងធ្លាក់ជាប់គ្នាជារៀងរាល់ថ្ងៃ នៅតាមតំបន់ឆ្នេរអូរឈើទាល ស្ថិតក្នុងសង្កាត់លេខ ៤ ក្រុងព្រះសីហនុ មានសំរាមអណ្តែតមកទើរ​តាមបណ្តោយឆ្នេរយ៉ាងច្រើន​ ធ្វើឲ្យបាត់សោភ័ណភាពឆ្នេរ និងប៉ះពាល់បរិស្ថាននៅទីតាំងតំបន់នោះយ៉ាងខ្លាំង។

ថ្ងៃទី​១៨ ខែកញ្ញា ឆ្នាំ២០១៩​ លោ​ក​ ម៉ាង​ ស៊ីណេត​ អភិបាលរងខេត្តព្រះសីហនុ បានដឹកនាំក្រុមការងារ​ ចុះប្រមូល​ និងសម្អាតកាកសំណល់ផ្សេងៗ និងសំរាមនៅចុងឆ្នេរអូរឈើទាល ម្តុំខាងមុខអតីតព្រះរាជដំណាក់ក្នុងសង្កាត់លេខ ក្រុងព្រះសីហនុ ។ កាកសំណល់និងសំរាមដែលកកនៅលើឆ្នេរនេះ មន្ត្រីសាលាខេត្តព្រះសីហនុថ្លែងថា កើតឡើង បន្ទាប់ពីភ្លៀងធ្លាក់ជាប់ៗគ្នាច្រើនថ្ងៃ ក៍មានសំរាមជាច្រើនបានហូរតាមទឹកអូរ ប្រឡាយ ចេញពីក្នុងក្រុងធ្លាក់ចូលសមុទ្រ៕

ប្រភព៖ លោក Huy Bunleng