ពិធីបុណ្យភ្ជុំបិណ្ឌរយៈពេល៣ថ្ងៃ ភ្ញៀវទេសចរជាង២៤ម៉ឺននាក់ មកលេងខេត្តសៀមរាប

ខេត្តសៀមរាប៖ នៅថ្ងៃទី៣០ ខែកញ្ញា ឆ្នាំ២០១៩ នេះ លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាប បានឲ្យដឹងថា ភ្ញៀវទេសចរជាតិ និងអន្តរជាតិ មកទស្សនាខេត្តសៀមរាប ក្នុងរយៈពេល៣ថ្ងៃនៃពិធីបុណ្យភ្ជុំបិណ្ឌ មានចំនួនសរុប២៤៤.០៧៥នាក់ កើនឡើង ៥,០១​ភាគរយ បើប្រៀបធៀបរយៈពេលដូចគ្នាទៅនឹងឆ្នាំ២០១៨ ដែលមានចំនួនសរុប២៣២.៤២២នាក់ ក្នុងនោះភ្ញៀវទេសចរជាតិ មានចំនួនប្រមាណជាង២៣ម៉ឺននាក់ កើនឡើង ៩,៥២ភាគរយ បើប្រៀប​ធៀបទៅនឹងឆ្នាំ២០១៨ ដែលមានចំនួនជាង២១ម៉ឺននាក់ និង ភ្ញៀវទេសចរអន្តរជាតិ ចំនួន១៤.០៧៥នាក់ ថយចុះ ៣៧,២៣ភាគរយ បើប្រៀបធៀបនឹងឆ្នាំ២០១៨ ដែលមានចំនួន២២.៤២២នាក់ ៕

ប្រភព៖ មន្ទីរព័ត៌មានខេត្តសៀមរាប