កូរ៉េខាងជើងបានបាញ់បង្ហោះមីស៊ីលជាថ្មីម្ដងទៀត ប៉ុន្មានម៉ោងបន្ទាប់ពីយល់ព្រមបន្តកិច្ចពិភាក្សានុយក្លេអ៊ែរជាមួយអាមេរិក

កូរ៉េខាងជើងបានបាញ់មីស៊ីលមិនស្គាល់អត្តសញ្ញាណជាច្រើន ដែលត្រូវបានរកឃើញដោយឆ្មាំសមុទ្ររបស់ជប៉ុន និងយោធាកូរ៉េខាងត្បូង ប៉ុន្មានម៉ោងបន្ទាប់ពីក្រុងព្យុងយ៉ាងបាននិយាយថា ខ្លួននឹងបន្តកិច្ចពិភាក្សានុយក្លេអ៊ែរជាមួយសហរដ្ឋអាមេរិក។ ទីភ្នាក់ងារព័ត៌មានយ៉ុនហាប់បានរាយការណ៍ថា យ៉ាងហោចណាស់គ្រាប់ផ្លោងពីរត្រូវបានបាញ់ចេញពីតំបន់វ៉ុនសាន ក្នុងកាងវ៉ុនភាគខាងកើត ឆ្ពោះទៅសមុទ្រនៃតំបន់សេដ្ឋកិច្ចផ្តាច់មុខរបស់ជប៉ុន (EEZ) នៅឆ្នេរសមុទ្រនៃខេត្ត Shimane ៕

អត្ថបទ៖ លីដា