ជប៉ុនផ្តល់ថវិកាជាង ១លានដុល្លារអាមេរិក សម្រាប់ការលើកកម្ពស់សហគមន៍តាមរយៈការបោសសម្អាតមីន និងពង្រឹងការថែទាំសុខភាពសហគមន៍

ភ្នំពេញ៖ នៅថ្ងៃទី៤ ខែតុលា រដ្ឋាភិបាលជប៉ុនបានយល់ព្រមផ្តល់ថវិកាសរុបចំនួន ១,០៥២,២៩៨ ដុល្លារអាមេរិកសម្រាប់អង្គការទទួលជំនួយចំនួនពីរក្រោមក្របខ័ណ្ឌជំនួយឥតសំណងសម្រាប់គម្រោងអង្គការក្រៅរដ្ឋាភិបាលជប៉ុន៖ ៨៤៣,១៥៦ ដុល្លារអាមេរិកសម្រាប់អង្គការសកម្មភាពកម្ចាត់មីនជប៉ុន (JMAS) ដើម្បីអនុវត្តគម្រោង “ការលើកកម្ពស់ការអភិវឌ្ឍសហគមន៍រួមជាមួយការបោសសម្អាតមីន ក្នុងខេត្តបន្ទាយមានជ័យ (ឆ្នាំទី៣)” និង ២០៩,១៤២ ដុល្លារអាមេរិកសម្រាប់អង្គការមូលនិធិជប៉ុន-ភីអេចស៍ (PHJ) ដើម្បីអនុវត្តគម្រោង “ការពង្រឹងការថែទាំសុខភាពសហគមន៍និងបណ្តាញគាំទ្រសម្រាប់កុមារក្នុងខេត្តកំពង់ចាម (ឆ្នាំទី១)”៕

ប្រភព៖ ស្ថានទូតជប៉ុននៅកម្ពុជា