មន្ត្រីសាខាកាំកុងត្រូលខេត្តស្វាយរៀង ចុះត្រួតពិនិត្យ និងស្រាវជ្រាវករណីពុលអាហារនៅហាងខារ៉ាអូខេមួយក្នុងក្រុងបាវិត
- October 10, 2019
ខេត្តស្វាយរៀង ៖ នៅថ្ងៃពុធ ១១កើត ខែអស្សុជ ឆ្នាំកុរ ព.ស ២៥៦៣ ត្រូវនឹងថ្ងៃទី៩ ខែតុលា ឆ្នាំ២០១៩ មន្ត្រីសាខាកាំកុងត្រូលខេត្តស្វាយរៀង ដោយមានការសហការពីសមត្ថកិច្ច អាជ្ញាធរដែនដី និងតំណាងម្ចាស់ហាង បានធ្វើការត្រួតពិនិត្យ និងស្រាវជ្រាវរកមូលហេតុ ករណីពុលអាហារនៅខារ៉ាអូខេ «ហ្វាងថាងលាំងហ្វាន់ស័រ» ក្នុងក្រុងបាវិត ខេត្តស្វាយរៀងដែលបណ្តាលឱ្យ បុគ្គលិកហាងចំនួន ២៥នាក់បានពុល បន្ទាប់ពីបរិភោគអាហារ ។
ក្នុងសកម្មភាពនេះ មន្ត្រីជំនាញបានសាកសួរព័ត៌មានពីជនរងគ្រោះ ពិនិត្យកន្លែងចម្អិនអាហារ និងបានដកយកវត្ថុធាតុដេីមនិងគ្រឿងផ្សំអាហារចំនួន ៣ មុខ រួមមាន មី ស្ពៃតឿ និងទឹកស៊ុប បញ្ជូនមកមន្ទីរពិសោធន៍អគ្គនាយកដ្ឋានដើម្បីវិភាគ រកសារធាតុពុល ។ បន្ថែមពីនេះ មន្ត្រីជំនាញបានចុះពិនិត្យទីតាំងចែកចាយគ្រឿងឧបភោគបរិភោគដែលផ្គត់ផ្គង់ឱ្យហាងខារ៉ាអូខេ និងបានដកយកគំរូផលិតផលមួយចំនួន បញ្ជូនមកវិភាគនៅមន្ទីរពិសោធន៍ដើម្បីស្វែងរកសារធាតុគីមីហាមឃាត់ដែលធ្វើអោយប៉ះពាល់ដល់សុខភាពប្រជាពលរដ្ឋ៕
ប្រភព៖ អគ្គនាយកដ្ឋានកាំកុងត្រូល
- Share This Post: