(Update) អ្នកផ្ទុកមេរោគ Coronavirus កើនដល់ជាង 6ពាន់នាក់ ខណៈអ្នកស្លាប់កើនដល់ 132នាក់ ស្របពេលប្រទេសថៃស្ថិតនៅលើតារាងលេខ2 ដែលមានអ្នកផ្ទុកមេរោគច្រើនជាងគេ

គិតត្រឹមព្រឹកថ្ងៃទី 29 ខែមករា ឆ្នាំ2020 នេះចំនួនអ្នកផ្ទុកមេរោគ Coronavirus បានកើនដល់ជាង 6ពាន់ ខណៈអ្នកស្លាប់កើនដល់ 132នាក់ ហើយប្រទេសថៃនៅតែស្ថិតនៅលើតារាងលេខ2 ដដែល ដែលមានអ្នកជំងឺច្រើនជាងគេបន្ទាប់ពីចិន នេះបើតាមការចុះផ្សាយរបស់កាសែត channelnewsasia។ បើតាមរោគសញ្ញាដែលបង្ហាញដោយកញ្ចក់ Monitor បានបង្ហាញអោយដឹងថា មានមនុស្សប្រមាណជាង 9ពាន់នាក់ទៀតកំពុងសង្ស័យថាបានឆ្លងមេរោគ Coronavirus ហើយដោយសារតែការគម្រាមកំហែងពីមេរោគនេះ ទើបគេកាត់បន្ថយជើងហោះហើរទៅកាន់ប្រទេសចិន ហើយបុគ្គលិកក្រុមហ៊ុនធំៗ ត្រូវបានរឹតត្បិតចំពោះការធ្វើដំណើរទៅកាន់ប្រទេសចិនដូចគ្នា។

បើតាមរបាយការណ៍ CNBC បានអោយដឹងថា សហរដ្ឋអាមេរិកបានសម្រេចផ្អាកចោលទាំងស្រុងនូវជើងហោះហើររបស់ខ្លួនទៅកាន់ប្រទេសចិន ដោយសារតែជំងឺមួយនេះ។