ជប៉ុន ឈរនៅលើតារាងលេខ៣ និង សឹង្ហបូរី ឈរលើតារាងលេខ៤ ជាប្រទេសដែលរកឃើញអ្នកផ្ទុកមេរោគ Coronavirus ច្រើនជាងគេបន្ទាប់ពីចិន

នាព្រឹកថ្ងៃទី ៣០ ខែមករា ឆ្នាំ២០២០ នេះ យោងតាមកាសែត channelnewsasia បានអោយដឹងថា ចំនួនអ្នកផ្ទុកមេរោគ Coronavirus កើនឡើងដល់ ៧៨១០នាក់ និងអ្នកស្លាប់កើនឡើងដល់ ១៧០នាក់ គិតត្រឹមម៉ោង ៨ និង ៥៩នាទីព្រឹកថ្ងៃទី ៣០ មករា នេះ។ ក្នុងនោះដែរប្រទេសជប៉ុន ឈរលើលំដាប់លេខ៣ ខណៈពេលដែល សឹង្ហបូរី ឈរលើលំដាប់ថ្នាក់លេខ៤ នៅលើតារាងជាប្រទេសដែលរកឃើញអ្នកផ្ទុកមេរោគ Coronavirus ច្រើនជាងគេនៅលើពិភពលោក បន្ទាប់ពីប្រទេសចិន។

គួរបញ្ជាក់ផងដែរថា ការផ្ទុះរីករាលដាលនៃជំងឺផ្លូវដង្ហើមថ្មី Coronavirus នេះប្រទេសចិនបានរកឃើញអ្នកផ្ទុកមេរោគដល់ទៅ ៧៧១១នាក់ និងស្លាប់ ១៧០នាក់ ខណៈពេលដែលប្រទេសផ្សេងៗនៅលើពិភពលោកមិនទាន់មានអ្នកស្លាប់ដោយសារមេរោគនេះនៅឡើយទេ៕