យោងតាមសារពត៌មាន The Mirror បានចេញផ្សាយអោយដឹងថា៖ ក្លឹបមេឃខៀវ Manchester City បានងាកទិសដៅរបស់គេមករកខ្សែបម្រើ Riyad Mahrez សារជាថ្មី បន្ទាប់ពីក្លឹបមេឃខៀវ Manchester City បរាជ័យក្នុងការផ្ទេរខ្សែបម្រើ Riyad Mahrez ម្ដងរួចហើយកាលពីពេលទីផ្សារដោះដូរកីឡាកររដូវរងារកន្លងទៅ។

គ្រូបង្វឹករបស់ក្លឹបមេឃខៀវ Manchester City លោក Pep Guardiola បានបរាជ័យក្នុងការផ្ទេរខ្សែបម្រើសញ្ជាតិអាល់ហ្សេរីរូបនេះម្ដងរួចហើយកាលពីខែមករាកន្លងទៅ បន្ទាប់ពីក្លឹបកញ្ជ្រាងខៀវ Leicester City បដិសេធសំណើររបស់លោក Pep Guardiola។

កាលពីពេលថ្មីៗនេះក្លឹបមេឃខៀវ Manchester City កំពុងត្រៀមកញ្ចប់លុយទិញកីឡាករ 5 នាក់នៅក្នុងពេលទីផ្សារដោះដូរកីឡាកររដូវក្ដៅខាងមុខនេះបើក ក្នុងចំណោមកីឡាករទាំង 5 នាក់នោះក៏មានឈ្មោះកីឡាករ Riyad Mahrez ដែរ។ លោក Pep Guardiola បានងាកមករកខ្សែបម្រើរូបនេះសារជាថ្មី និងត្រៀមកញ្ចប់លុយដល់ទៅ 60លានផោន ក្នុងការដេញថ្លៃខ្សែបម្រើ Riyad Mahrez ម្ដងទៀតនៅក្នុងពេលទីផ្សារដោះដូរកីឡាកររដូវក្ដៅខាងមុខនេះបើកទ្វារ។

បុត្រ

ប្រភព៖ Goal