យោងតាមការចុះផ្សាយរបស់សារពត៌មាន The Sun បានអោយដឹងថា៖ ក្លឹបមេឃខៀវ Manchester City នឹងអនុញ្ញាតអោយខ្សែការពារ John Stones ចាកចេញពីក្លឹបនៅក្នុងពេលបញ្ចប់រដូវកាលនេះ។

ខ្សែការពារសញ្ជាតិអង់គ្លេសរូបនេះមិនទាន់បានបង្ហាញខ្លួនអោយក្លឹបមេឃខៀវ Manchester City ក្នុងការប្រកួតពានរង្វាន់ Premier League ក្នុងជម្រើសដំបូងម្ដងឡើយគិតចាប់តាំងពីខែមករាកន្លងមកក្រោមការដឹកនាំរបស់លោក Pep Guardiola ធ្វើអោយខ្សែការពាររូបនេះសម្ដែងការមិនពេញចិត្តនិងមានបំណងចង់ចាកចេញពីក្លឹបនៅក្នុងពេលបញ្ចប់រដូវកាលនេះ។

ដូចគ្នានឹងការចង់ចាកចេញរបស់ខ្សែការពារ John Stones នៅក្នុងពេលបញ្ចប់រដូវកាលនេះ ក្លឹបកាំភ្លើងធំ Arsenal និងក្លឹបហង្សក្រហម Liverpool កំពុងត្រៀមប្រជែងដណ្ដើមខ្សែការពាររូបនេះពីក្លឹបមេឃខៀវ Manchester City។ ក្លឹបមេឃខៀវ Manchester City ដាក់តម្លៃខ្លួនខ្សែការពារសញ្ជាតិអង់គ្លេសរូបនេះនៅក្នុងតម្លៃផ្ទេរ 47.5 លានផោន ប្រសិនបើមានក្លឹបណាចង់បានខ្សែការពាររូបនេះ។

បុត្រ

ប្រភព៖ Goal