លោក ដូណាល់ ត្រាំ មិនសប្បាយចិត្តនឹងប្រទេសចិននោះទេ ហើយចោទថាចិនគួរតែទប់ស្កាត់កូវីដ១៩ ឱ្យឆាប់ជាងនេះ

តាមការចុះផ្សាយរបស់ The Straits Times បានឱ្យដឹងថា ប្រធានាធិបតីអាមេរិកលោក ដូណាល់ ត្រាំ បាននិយាយនៅថ្ងៃច័ន្ទ ទី២៧ ខែមេសា ឆ្នាំ២០២០នេះថា ប្រទេសចិនគួរតែអាចបញ្ឈប់វីរុស COVID-19 មុនពេលដែលវានឹងរាលដាលពាសពេញពិភពលោក។ លោកបាននិយាយថា រដ្ឋបាលរបស់លោកកំពុងធ្វើការស៊ើបអង្កេតយ៉ាងស្វិតស្វាញលើអ្វីដែលបានកើតឡើង។

លោក ដូណាល់ ត្រាំ បានថ្លែងនៅក្នុងសន្និសីទសារព័ត៌មាននៅសេតវិមានថា៖ «យើងកំពុងធ្វើការស៊ើបអង្កេតយ៉ាងស្វិតស្វាញ … យើងមិនសប្បាយចិត្តនឹងប្រទេសចិនទេ»។ លោកបន្ថែមថា មានវិធីជាច្រើន ដែលអ្នកអាចគ្រប់គ្រងវាបាន។ លោកក៏បាននិយាយដែរថា ចិនគួរតែអាចបញ្ឈប់វីរុស COVID-19 មុនពេលដែលវាបានចម្លងចេញទៅទូទាំងពិភពលោក៕

អត្ថបទ៖ លីដា
ប្រភព៖ The Straits Times