លោក ដូណាល់ ត្រាំ ព្យាករណ៍ថា ពលរដ្ឋអាមេរិកប្រមាណជា ១០០ ០០0 នាក់ អាចនឹងត្រូវស្លាប់ ដោយសារកូវីដ ១៩

អាមេរិក៖  ប្រធានាធិបតីអាមេរិក ដូណាល់ត្រាំ បានលើកឡើងថា ពលរដ្ឋអាមេរិកប្រមាណជា ១០០ ០០០ នាក់អាចនឹងត្រូវស្លាប់ ដោយសារកូវីដ ១៩ នេះបើយោងតាមការចុះផ្សាយរបស់សារព័ត៌មាន channelnewsasia។ ការបង្ហាញជូនអំពីតួលេខអ្នកស្លាប់ដូចខាងលើនេះ ត្រូវបានធ្វើឡើងក្នុងអំឡុងពេលដែលលោក ដូណាល់ ត្រាំ បានចំណាយពេលជាង ២ ម៉ោង ដើម្បីឲ្យក្រុមអ្នកសារព័ត៌មាន FOX News សម្ភាសន៍គាត់នៅឯទីក្រុងវ៉ាស៊ីនតោន។ បើតាមលោក ដូណាល់ ត្រាំ បានបញ្ជាក់ថា ពលរដ្ឋអាមេរិកចន្លោះពី ៧៥ ០០០​ នាក់ ទៅ ១០០ ០០០ នាក់អាចនឹងត្រូវស្លាប់ មុនពេលដែលគេអាចយកឈ្នះលើមេរោគកូវីដ ១៩ បានទាំងស្រុង។

ក្រៅតែពីបានបង្ហាញជូនការព្យាករណ៍អំពីតួលេខអ្នកស្លាប់ដូចខាងលើនេះ លោក ដូណាល់ត្រាំ ក៏បានប្រកាសនូវដំណឹងល្អមួយចំនួនផងដែរ ដូចជាលទ្ធភាពនៃការបើកសាលារៀននិងសាកលវិទ្យាល័យឡើងវិញនៅក្នុងអំឡុងខែ សីហា ហើយអ្វីដែលជាដំណឹងល្អបំផុតនោះ គឺ លោក ដូណាល់ត្រាំ បានអះអាងថា អាមេរិកនឹងរកឃើញវ៉ាក់សាំងការពារមេរោគកូវីដ ១៩ នៅចុងឆ្នាំនេះផងដែរ។ សូមបញ្ជាក់ជូនថា គិតមកទល់នឹងពេលនេះអាមេរិកមានអ្នកឆ្លងមេរោគកូវីដ ១៩ សរុបចំនួន ១ ១៨៨ ១២២ ករណី ស្លាប់ ៦៨ ៥៩៨ ករណី និងជាសះស្បើយចំនួន ១ ១៥៤ ០១៤ ករណីផងដែរ៕

អត្ថបទ៖ ភក្តី

ប្រភព៖ channelnewsasia