ព្យុះស៊ីក្លូន Amphan បានសម្លាប់មនុស្សយ៉ាងហើចណាស់ ១៥នាក់ នៅក្នុងប្រទេសឥណ្ឌា និងបង់ក្លាដែស

យោងតាមការចុះផ្សាយរបស់ BBC បាននិយាយថា ព្យុះស៊ីក្លូន Amphan បានធ្វើឱ្យមានការបាក់ដីនៅភាគខាងកើតប្រទេសឥណ្ឌា និងបង់ក្លាដែស ដែលវាបានសម្លាប់មនុស្សយ៉ាងហោចណាស់ ១៥នាក់ នៅពេលដែលវាបោកបក់ទៅតំបន់ឆ្នេរសមុទ្រធ្វើឱ្យមានខ្យល់ និងភ្លៀងយ៉ាងខ្លាំង។ ដើមឈើបានដួលរលំ ដំបូលផ្ទះបានរបើក និងខូចខាតទ្រពសម្បត្តជាច្រើន នៅតាមតំបន់នានាដែលរងផលប៉ះពាល់របស់ប្រទេសទាំង២។

មុនពេលដែលព្យុះបានវាយប្រហារ​ មានមនុស្សជិត ៣ លាននាក់ បានភៀសខ្លួនចេញពីតំបន់តាមដំណើរផ្លូវរបស់ព្យុះ ហើយក្នុងចំណោមពួកគេភាគច្រើនគឺនៅបង់ក្លាដែស។ ខណៈវីរុស​ COVID-19 គឺជាបញ្ហាសម្រាប់ប្រទេសទេសទាំង២ស្រាប់ផងនោះ វាបានធ្វើឱ្យការជម្លៀសកាន់តែរាំងស្ទះ។

ព្យុះកំណាចនេះគឺជាព្យុះស៊ីក្លូនដំបូងបង្អស់ដែលបានកើតឡើងនៅឈូងសមុទ្របេងហ្គាល់ ចាប់តាំងពីព្យុះស៊ីក្លូនចុងក្រោយបង្ហាញខ្លួននៅឆ្នាំ១៩៩៩។ ទោះបីជាកម្លាំងខ្យល់បក់របស់វាចុះខ្សោយក៏ដោយ ក៏វានៅតែត្រូវបានគេចាត់ចូលជាព្យុះស៊ីក្លូនកំណាចមួយដដែល។ ព្យុះស៊ីក្លូន Amphan បានចាប់ផ្តើមវាយប្រហារតំបន់សាន់ដារប៊ែន (Sundarbans) ដែលជាតំបន់កោងកាងជុំវិញព្រំដែនឥណ្ឌា-បង់ក្លាដែស ដែលមានប្រជាជនចំនួន ៤ លាននាក់កំពុងរស់នៅ មុនពេលឆ្លងទៅភាគខាងជើង និងខាងជើងឆ្ពោះទៅទិសខាងលិច។ វាកំពុងមានកម្លាំងខ្យល់បក់បោករហូតដល់ទៅ ១៨៥ គីឡូម៉ែត្រក្នុងមួយម៉ោង ហើយនឹងវាយប្រហារបង់ក្លាដែសបន្ថែមទៀតនៅថ្ងៃព្រហស្បតិ៍៕

អត្ថបទ៖ លីដា
ប្រភព៖ BBC