យោងតាមសារពត៌មាន The Sun បានចុះផ្សាយអោយដឹងថា៖ ក្លឹបបិសាចក្រហម Manchester United សង្ឃឹមថានឹងអាចចុះហត្ថលេខាទិញខ្សែប្រយុទ្ធ Dries Mertens ពីក្លឹប Napoli នៅក្នុងរដូវក្ដៅខាងមុខនេះ។

ខ្សែប្រយុទ្ធសញ្ជាតិប៊ែលហ្ស៊ិកវ័យ 30 ឆ្នាំរូបនេះគឺជាកីឡាករឆ្នើមម្នាក់នៅក្នុងចំណោមកីឡាករល្អនៅក្នុងលីគកំពូលអ៊ីតាលីរយៈពេលប៉ុន្មានឆ្នាំចុងក្រោយនេះ។ នៅក្នុងរយៈពេល 2 រដូវកាលចុងក្រោយនេះខ្សែប្រយុទ្ធ Dries Mertens បានសុតបញ្ចូលនៅក្នុងលីគកំពូល Italia Serie A ដល់ទៅ 45 គ្រាប់ឯណោះ ហើយរូបគេក៏ជាបេក្ខភាពប្រជែងដណ្ដើមស្បែកជើងមាសនៅក្នុងរដូវកាលកន្លងទៅ។

តម្លៃខ្លួនរបស់ខ្សែប្រយុទ្ធ Mertens ត្រូវបានក្លឹប Napoli ដាក់តម្លៃខ្លួនដល់ទៅ 25លានផោន ប្រសិនបើមានក្លឹបនៅក្នុងស្រុកឫនៅក្រៅស្រុកមានចំណាប់អារម្មណ៍ចង់ទិញខ្សែប្រយុទ្ធរូបនេះ។ កីឡាករ Mertens កំពុងត្រូវបានក្លឹបធំៗនៅក្នុងទ្វីបអឺរ៉ុបចាប់អារម្មណ៍រួមមានទាំងក្លឹបបិសាចក្រហម Manchester United ផងដែរ។

បុត្រ

ប្រភព៖ Goal