ថៃ៖ ក្រុមប្រឹក្សាវេជ្ជសាស្រ្ដថៃបានសម្រេចព្យួរការងារវេជ្ជបណ្ឌិតចំនួន ២រូប ជុំវិញករណីបានរំលោភលើក្រមសីលធម៌ក្នុងពេលព្យាបាលអតីតនាយករដ្ឋមន្ត្រីថៃ គឺលោក ថាក់ស៊ីន ស៊ីណាវ៉ាត្រា នាពេលកន្លងមក នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី៩ ខែឧសភា។ គួររម្លឹកជូនថា រឿងរ៉ាវចម្រូងចម្រាសនេះបានកើតឡើងតាំងពីអំឡុងខែសីហា ឆ្នាំ២០២៣ម្លេះ ពោលគឺនៅពេលដែលលោក ថាក់ស៊ីន ស៊ីណាវ៉ាត្រា ត្រូវត្រឡប់ចូលក្នុងប្រទេសថៃវិញ ក្រោយការនិរទេសខ្លួនអស់រយៈពេលជាងមួយទសវត្សរ៍។ ក្នុងពេលធ្វើមាតុភូមិនិវត្តន៍នោះ ថាក់ស៊ីន ស៊ីណាវ៉ាត្រា វ័យ ៧៥ឆ្នាំ ត្រូវប្រឈមនឹងការទទួលទោសជាប់ពន្ធនាគាររយៈពេល ៨ឆ្នាំ ជុំវិញការចោទប្រកាន់អំពីករណីពុករលួយនិងការរំលោភអំណាចក្នុងពេលបំពេញការងារជានាយករដ្ឋមន្ត្រីថៃ។ យ៉ាងណាក្តី ក្រោយពេលបញ្ជូនទៅដល់មន្ទីរឃុំឃាំងបានបន្តិចប៉ុណ្ណោះ លោក ថាក់ស៊ីន ស៊ីណាវ៉ាត្រា ក៏ត្រូវបានផ្ទេរឱ្យទៅសម្រាកព្យាបាលនៅក្នុងបន្ទប់ពេទ្យឯកជនមួយ

វ៉ាទីកង់៖ មេដឹកនាំប្រទេសជាច្រើននៅជុំវិញពិភពលោកបានសម្តែងនូវការស្វាគមន៍ចំពោះវត្តមានរបស់លោក Robert Francis Prevost ដែលត្រូវបានគេបោះឆ្នោតឱ្យក្លាយជាសម្តេចប៉ាបថ្មីសម្រាប់ដឹកនាំអ្នកកាន់សាសនាកាតូលិកប្រមាណជា ១,៤ពាន់លាននាក់នៅជុំវិញពិភពលោក នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ​ ទី៩​ ខែឧសភា។ ចាប់ពីពេលនេះតទៅសម្តេចប៉ាបថ្មី​នឹងត្រូវបានប្រសិទ្ធនាមថា សម្តេច​​​ប៉ាបឡេអុងទី​១៤ (Pope Leo XIV )។ ប្រភពខាងលើបានបន្តថា សម្តេច​​​ប៉ាបឡេអុងទី​១៤ ដែលមានព្រះជន្មាយុ​ ៦៩ព្រះវស្សា បានក្លាយជាសម្តេច​​​ប៉ាប​លើក​ទី១ក្នុងប្រវត្តិសាស្រ្ត ​ដែលមាន​ដើមកំណើតជាជនជាតិអាមេរិក។​ ភ្លាមៗក្រោយពិភពលោកបានរកឃើញប្រមុខដឹកនាំកំពូលរបស់អ្នកកាន់សាសនាកាតូលិកនេះ លោកប្រធានាធិបតីអាមេរិក ដូណាល់​ ត្រាំ​ បានសម្តែងនូវការអបអរយ៉ាងខ្លាំង និងបាន​និយាយ​ថា វា​ជា​កិត្តិយសធំធេង​ណាស់ចំពោះអាមេរិកដែលមាន​ជនជាតិរបស់ខ្លួន​ត្រូវ​បានជ្រើសរើស​ជា​សម្តេចប៉ាបដូចនេះ។ សូមបញ្ជាក់ជូនថា សម្តេច​​​ប៉ាបឡេអុងទី​១៤ ត្រូវ​បាន​ក្រុមមន្រ្តីសង្ឃ​កាតូលិក​ចំនួន​១៣៣អង្គនៅក្នុងពិភពលោក​​បោះឆ្នោត​ជ្រើសរើសឱ្យ​បន្ត​វេន​ពីសម្តេច​ប៉ាបហ្វ្រង់ស័រ ​ដែលបាន​សុគត​កាលពីថ្ងៃទី ២១​មេសាក​ន្លងទៅ៕ អត្ថបទ៖

អាមេរិក៖ លោកមហាសេដ្ឋី Bill Gates បានសន្យាថា នឹងបរិច្ចាគប្រាក់ទាំងអស់ដែលគាត់រកបានពេញមួយជីវិតនៅក្នុងរយៈពេល ២ទសវត្សរ៍ទៀត នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃសុក្រ ទី៩​ខែឧសភា។ ចំពោះអ្នកដែលមានសំណាងអាចទទួលបានការបរិច្ចាគពីលោក Bill Gates នៅក្នុងឆ្នាំ ២០៤៥នោះ គឺក្រុមប្រជាពលរដ្ឋក្រីក្រីបំផុតនៅលើពិភពលោក។ ប្រភពខាងលើបានបន្តថា​ គិតត្រឹមពេលបច្ចុប្បន្ននេះព្រទ្យសម្បត្តិសរុបរបស់លោកមហាសេដ្ឋី Bill Gates វ័យ ៦៩ឆ្នាំ គឺមានប្រមាណជា ២០០ពាន់លានដុល្លារ ហើយលោកក៏មានមូលធិនិសប្បុរសធម៌មួយ ដែលតែងតែជួយលើកកម្ពស់ការស្រាវជ្រាវក្នុងផ្នែកវេជ្ជសាស្រ្ត ជួយប្រជាពលរដ្ឋក្រីក្រ និងកុមារកំព្រានៅជុំវិញពិភពលោកផងដែរ។​ នៅត្រឹមឆ្នាំ ២០២៦ ខាងមុខនេះ មូលនិធិសប្បុរសធម៌របស់លោក Bill Gates មានថវិកាប្រមាណជា

ហុងកុង៖ ស្រ្តីម្នាក់ត្រូវបានតុលាការហុងកុងកាត់ទោសឱ្យជាប់ពន្ធនាគាររយៈពេល ២៤០ថ្ងៃ ជុំវិញករណីក្លែងបន្លំសញ្ញាប័ត្របរិញ្ញាបត្រដើម្បីដាក់ពាក្យចូលរៀនថ្នាក់ឧត្តមសិក្សា នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃព្រហស្បតិ៍ ទី៨ ខែឧសភា។ ស្រ្តីរូបនេះមានឈ្មោះថា Li Sixuan មានអាយុ ២៨ឆ្នាំ និងជាពលរដ្ឋចិនដីគោក។ ប្រភពខាងបានបញ្ជាក់ថា ក្នុងការដាក់ពាក្យចូលរៀនថ្នាក់ឧត្តមសិក្សាផ្នែកភាសាវិទ្យានៅក្នុងសាកលវិទ្យាល័យហុងកុង (Hong Kong University) អ្នកនាង Li Sixuan បានប្រើប្រាស់សញ្ញាប័ត្របរិញ្ញាបត្រក្លែងក្លាយមួយសន្លឹក ដោយបញ្ជាក់ថារូបគាត់បានបញ្ចប់ការសិក្សាថ្នាក់បរិញ្ញាប័ត្រមកពីសាកលវិទ្យាល័យ Ivy League សហរដ្ឋអាមេរិក។ យ៉ាងណាក្តី រដ្ឋបាលរបស់សាកលវិទ្យាល័យហុងកុងបានពិនិត្យឃើញអំពីករណីខុសប្រក្រតីនេះ និងបានរាយការណ៍ជូនអាជ្ញាធរក្រុងហុងកុង ដើម្បីចាត់វិធានការទៅតាមផ្លូវច្បាប់ ហើយនៅបំផុតគឺអ្នកនាង

កូរ៉េខាងជើង៖ ប្រទេសកូរ៉េខាងជើងបានបាញ់មីស៊ីលផ្លោងរយៈចម្ងាយខ្លីជាច្រើនគ្រាប់នៅក្នុងថ្ងៃព្រហស្បតិ៍ ទី៨ ខែឧសភា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ ការបាញ់មីស៊ីលផ្លោងទាំងនោះត្រូវបានចាប់ផ្តើមឡើងនៅម៉ោង ៨ និង ១០នាទីព្រឹក ចេញពីតំបន់សមុទ្រ Wonsan នៃប្រទេសកូរ៉េខាងជើង ឆ្ពោះទៅកាន់តំបន់សមុទ្ររបស់ប្រទេសជប៉ុន។ គួររម្លឹកជូនថា ការបាញ់មីស៊ីលខាងលើនេះត្រូវបានធ្វើឡើងមួយសប្តាហ៍ប៉ុណ្ណោះបន្ទាប់ពីប្រមុខដឹកនាំនៃប្រទេសកូរ៉េខាងជើងគឺលោក គីម ជុងអ៊ុន បានបង្ហាញនាវាចម្បាំងដ៏ទំនើបបំផុតមួយ ដែលមានទម្ងន់រហូតដល់ ៥,០០០តោន និងបំពាក់ដោយប្រព័ន្ធអាវុធយ៉ាងពិសេសផងដែរ។ គួរកត់សម្គាល់ថា កូរ៉េខាងជើងនៅតែបន្តបង្ហាញពីភាពរីកចម្រើនក្នុងវិស័យយោធារបស់ខ្លួន បើទោះជាក្នុងបរិបថដែលពិភពលោកកំពុងមានបញ្ហាអ្វីកើតឡើងដ៏ដោយ៕ អត្ថបទ៖ ភក្តី ប្រភព៖ Channel News Asia

ប៉ាគីស្ថាន៖ ប៉ាគីស្ថានបានប្រកាសថា នឹងសងសឹកទៅកាន់ឥណ្ឌាវិញដោយការវាយប្រហារតាមផ្លូវអាកាស នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រសហ្បតិ៍ ទី៨ ខែឧសភា។ ការប្រកាសនេះត្រូវបានធ្វើឡើងស្របពេលដែលអាជ្ញាធរប៉ាគីស្ថានបានអះអាង យ៉ាងហោចណាស់មានពលរដ្ឋខ្លួនចំនួន ៣១នាក់បានស្លាប់បាត់បង់ជីវិតដោយសារការវាយប្រហារពីសំណាក់កងកម្លាំងឥណ្ឌា។ ដោយឡែកភាគខាងឥណ្ឌាវិញក៏បានបញ្ជាក់ផងដែរថា គិតត្រឹមពេលនេះការវាយប្រហារពីសំណាក់កងកម្លាំងប៉ាគីស្ថាន បានបណ្តាលឱ្យពលរដ្ឋខ្លួនចំនួន ១២នាក់ត្រូវស្លាប់បាត់បង់ជីវិតផងដែរ។ ដូចនេះគិតត្រឹមពេលចុះផ្សាយនេះ តួលេខអ្នកស្លាប់បាត់បង់ជីវិតដោយការវាយប្រហារគ្នារវាងកងកម្លាំងនៃប្រទេសឥណ្ឌានិងកងកម្លាំងនៃប្រទេសប៉ាគីស្ថានបានកើនឡើងដល់ ៤៣នាក់ហើយ ខណៈជម្លោះរវាងប្រទេសដែលជាអតីតបងប្អូននឹងគ្នាកំពុងឡើងកម្តៅកាន់តែខ្លាំងឡើងៗ៕ អត្ថបទ៖ ភក្តី ប្រភព៖ The Strait Time  

ទីក្រុងអ៊ីស្លាម៉ាបាដ៖ យ៉ាងហោចណាស់មានមនុស្សចំនួន ៣៦នាក់បានស្លាប់បាត់បង់ជីវិតក្នុងការវាយប្រហារគ្នារវាងកងកម្លាំងនៃប្រទេសឥណ្ឌានិងកងកម្លាំងនៃប្រទេសប៉ាគីស្ថាន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី៧ ខែឧសភា។ នៅក្នុងចំណោមអ្នកបាត់បង់ជីវិតទាំងអស់នោះគឺមានពលរដ្ឋស៊ីវិលចំនួន ២៦នាក់បានស្លាប់ដោយការវាយប្រហារពីសំណាក់កងកម្លាំងឥណ្ឌា។ ដោយឡែកអ្នកស្លាប់ក្រៅពីចំនួនខាងលើនេះ​គឺបានស្លាប់ដោយសារតែវាយប្រហារពីខាងសំណាក់កងកម្លាំងនៃប្រទេសប៉ាគីស្ថានត្រឡប់មកវិញ។ គួររម្លឹកជូនថា ការវាយប្រហារគ្នាបានផ្ទុះឡើងតាំងពីពេលយប់មិញម្លេះ ហើយនៅក្នុងការវាយប្រហារនោះមានទាំងការប្រើកាំភ្លើងធំ និងមីស៊ីលផ្លោងផងដែរ។ សូមរម្លឹកជូនថា រឿងរ៉ាវចម្រូងចម្រាសរវាងប្រទេសឥណ្ឌានិងប៉ាគីស្ថាននៅពេលនេះបានផ្តើមចេញពីករណី មានការបាញ់សម្លាប់អ្នកទេសចរឥណ្ឌាជាច្រើននាក់នៅតំបន់កាស្មៀ ខណៈប្រទេសទាំង ២នេះ តែងមានជម្លោះជាមួយគ្នាជាយូរឆ្នាំមកហើយ និងធ្លាប់បានប្រយុទ្ធគ្នាជាច្រើនដងផងដែរ៕ អត្ថបទ៖ ភក្តី ប្រភព៖ The Strait Time

តៃវ៉ាន់៖ យន្តហោះដឹកអ្នកដំណើរជាច្រើននៅក្នុងតំបន់អាស៊ីនត្រូវបង្ខំចិត្តប្តូរផ្លូវហោះហើរ ឬក៏ត្រូវលុបចោលជើងហោះហើរតែម្តង ដោយសារតែការវាយប្រហារគ្នារវាងកម្លាំងនៃប្រទេសឥណ្ឌានិងប៉ាគីស្ថាន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី៧ ខែឧសភា។ ក្រុមហ៊ុនអាកាសចរណ៍ EVA Air របស់តៃវ៉ាន់បានបញ្ជាក់ថា នឹងធ្វើការកែសម្រួលគ្រប់ជើងហោះហើររបស់ក្រុមហ៊ុនខ្លួនទាំងទៅនិងមកតំបន់អឺរ៉ុប ដើម្បីបញ្ចៀសគ្រោះថ្នាក់ផ្សេងៗ ដែលអាចកើតមានឡើងដោយយថាហេតុ។ គួរកត់សម្គាល់ថា កាលពីយប់មិញនេះការវាយប្រហារមួយបានកើតឡើងរវាងកងកម្លាំងនៃប្រទេសឥណ្ឌានិងកងកម្លាំងនៃប្រទេសប៉ាគីស្ថាន ខណៈខាងប៉ាគីស្ថានបានបញ្ជាក់ថា ខ្លួនបានបាញ់ទម្លាក់យន្តហោះចម្បាំងរបស់ឥណ្ឌាបានជាច្រើនគ្រឿង។ សូមរម្លឹកជូនថា រឿងរ៉ាវចម្រូងចម្រាសរវាងប្រទេសឥណ្ឌានិងប៉ាគីស្ថាននៅពេលនេះបានផ្តើមចេញពីករណី មានការបាញ់សម្លាប់អ្នកទេសចរណ៍ឥណ្ឌាជាច្រើននាក់នៅតំបន់កាស្មៀ ខណៈប្រទេសទាំង ២នេះ តែងមានជម្លោះជាមួយគ្នាជាយូរឆ្នាំមកហើយ និងធ្លាប់បានប្រយុទ្ធគ្នាជាច្រើនដងផងដែរ៕ អត្ថបទ៖ ភក្តី ប្រភព៖ The Strait Time

អាមេរិក៖ កិច្ចចរចារអំពីបញ្ហាពាណិជ្ជកម្មរវាងសហរដ្ឋអាមេរិក និងចិន​ នឹងត្រូវរៀបចំឡើងនៅប្រទេសស្វីសក្នុងសប្តាហ៍នេះហើយ នេះបើយោងតាមការបញ្ជាក់ពីសំណាក់មន្ត្រីជាន់ខ្ពស់អាមេរិក ដែលត្រូវបានចុះផ្សាយបន្តដោយណ្តាញសារព័ត៌មាន Channel News Asia នៅក្នុងថ្ងៃពុធ ទី៧ ខែឧសភា។ យ៉ាងណាក្តី របៀបវារៈលម្អិតនៃជំនួបដ៏ពិសេសនេះនៅមិនទាន់ត្រូវបានបង្ហាញជូនសាធារណៈនៅឡើយទេ។ ប្រភពខាងលើបានបន្តថា ភាគីអាមេរិកនឹងចាត់ឱ្យលោក Scott Bessent ដែលជាលេខាធិការរតនាគារ និងលោក Jamieson Greer ដែលជាតំណាងពាណិជ្ជកម្មអាមេរិក ឱ្យទៅចូលរួមក្នុងកិច្ចចរចារនេះ ខណៈដំណាងមកពីភាគីខាងប្រទេសចិនវិញគឺលោក He Lifeng ដែលជាឧបនាយករដ្ឋមន្ត្រីនៃសាធារណរដ្ឋប្រជាមានិតចិន។ សូមបញ្ជាក់ជូនថា គិតត្រឹមពេលនេះគឺសហរដ្ឋអាមេរិកបានប្រកាសយកពន្ធនាំចូលលើផលិតផលចិនក្នុងអត្រាំ ១៤៥% ខណៈភាគីចិនវិញបានកំណត់យកពន្ធនាំចូលលើផលិតអាមេរិកក្នុងអត្រា ១២៥%៕ អត្ថបទ៖ ភក្តី ប្រភព៖ Channel

វៀតណាម៖ ខណៈដែលទុរេនកំពុងមានតម្លៃខ្ពស់នៅតាមទីផ្សារក្នុងប្រទេសមួយចំនួន នោះ ទុរេនមួយប្រភេទនៅក្នុងប្រទេសវៀតណាមកំពុងតែធ្លាក់ថ្លៃយ៉ាងខ្លាំង ពោលគឺថោកជាង ១ដុល្លារក្នុងមួយគីឡូក្រាម នេះបើយោងតាមការចុះផ្សាយរបស់បណ្តាញសារព័ត៌មាន Fructidor ។ ទុរេនវៀតណាម ដែលកំពុងប្រឈមនឹងការធ្លាក់ថ្លៃនោះគឺទុរេនពូជ Ri6 ហើយតម្លៃរបស់គឺត្រឹម ០,៩៨ ដុល្លារប៉ុណ្ណោះក្នុងមួយគីឡូក្រាម សម្រាប់ការទៅទិញដល់ចម្ការ។ ប្រភពខាងលើបានបន្តថា បើធ្វើការប្រៀបធ្រៀបតម្លៃរបស់ទុរេន Ri6 នៅក្នុងពេលបច្ចុប្បននេះទៅនឹងតម្លៃកាលពីខែមុនគឺវាបានធ្លាក់ចុះចន្លោះពី​ ០,២០-០,៥៩ ដុល្លារក្នុងមួយគីឡូក្រាម ហើយវាក៏ជាការធ្លាក់ចុះតម្លៃដ៏ច្រើនគួរកត់សម្គាល់មួយផងដែរ។ ដើម្បីឆ្លើយតបនឹងបញ្ហាធ្លាក់ចុះតម្លៃទុរេនពូជ Ri6 នេះ ម្ចាស់ចំការជាច្រើននៅវៀតណាមបានសម្រេចយកទុរេននៅដាក់លក់នៅតាមដងផ្លូវវិញម្តង ខណៈការដាក់លក់ទុរេនតាមដងផ្លូវនេះអាចធ្វើឱ្យតម្លៃទុរេនឡើងដល់ ១,១៧-២,៣៤ ដុល្លារក្នុងមួយគីឡូក្រាម អាស្រ័យទៅតាមគុណភាពរបស់ទុរេន៕   អត្ថបទ៖ ភក្តី ប្រភព៖ Fructidor