ថៃ៖ ប្រទេសថៃកំពុងប្រឈមនឹងការរាតត្បាតជំងឺផ្តាសាយក្នុងកម្រិតដ៏ខ្ពស់មួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃពុធ ទី១៩ ខែកុម្ភៈ។ គិតត្រឹមពេលនេះតួលេខអ្នកឆ្លងជំងឺផ្តាសាយនៅក្នុងប្រទេសថៃបានកើនឡើងដល់ចំនួន ១០៧,៥៧០ករណី ខណៈនៅក្នុងនោះក៏មានអ្នកស្លាប់បាត់បង់ជីវិតចំនួន ៩ករណីផងដែរ។ បើតាមក្រសួងសុខភាពសាធារណៈថៃបានបញ្ជាក់ថា ក្រុមពលរដ្ឋដែលងាយឆ្លងជំងឺផ្តាសាយខ្ពស់ជាងគេគឺកុមារដែលមានអាយុចន្លោះពី ១០ឆ្នាំ ដល់ ១៤ ឆ្នាំ យ៉ាងណាក្តីនៅក្នុងចំណោមជនរងគ្រោះដែលបានស្លាប់បាត់បង់ជីវិតទាំង ៩នាក់នោះ ក៏មានជនរងគ្រោះម្នាក់ជាមនុស្សចំណាសមានអាយុ ៨៦ឆ្នាំផងដែរ។ ប្រភពខាងលើនេះបានបន្តថា ទីតាំងដែលកំពុងរងការរាតត្បាតនៃជំងឺផ្តាសាយខ្លាំងបំផុតនោះគឺមានចំនួន ១០ ដូចជា៖ ១៖ ទីក្រុងបាងកក ២៖ ខេត្ត Phayao ៣៖ ខេត្ត

វៀតណាម៖ សភាវៀតណាមនៅក្នុងថ្ងៃពុធ ទី១៩ ខែកុម្ភៈ បានអនុម័តកញ្ចប់ថវិកាចំនួន ៨ពាន់លានដុល្លារដើម្បីសាងសងផ្លូវរត់ភ្លើងដោយពីផ្ទាល់ពីប្រទេសវៀតណាមទៅកាន់ប្រទេសចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ តាមផែនការគឺគម្រោងសាងសងផ្លូវរត់ភ្លើងដែលមានតម្លៃដ៏មហាសាលនេះនឹងត្រូវចាប់ផ្តើមនៅក្នុងឆ្នាំ២០២៥ នេះ ហើយគ្រោងនឹងបញ្ចប់ការសាងសង់នៅក្នុងឆ្នាំ២០៣០។ ប្រភពខាងលើបានបន្តថា ផ្លូវរត់ភ្លើងមួយខែ្សនេះមានប្រវែង ៣៩០គីឡូម៉ែត្រ តភ្ជាប់ពីទីក្រុង Haiphong ដែលជាទីក្រុងកំពុងផែដ៏មានសក្តានុពលមួយស្ថិតភាគខាងជើងប្រទេសវៀតណាម ទៅកាន់តំបន់ Hekou ដែលស្ថិតនៅក្នុងខេត្ត Yunnan នៃប្រទេសចិន។ បើតាមអ្នកនាំពាក្យឱ្យសភាវៀតណាមបានបង្ហាញសុទិដ្ឋិនិយមថា ក្រោយបញ្ចប់ការសាងសង់រួចផ្លូវរត់ភ្លើងមួយខ្សែនេះនឹងក្លាយជាមធ្យោបាយធ្វើដំណើរយ៉ាងងាយស្រួលនិងឆាប់រហ័សសម្រាប់ពលរដ្ឋចិននិងពលរដ្ឋវៀតណាម ហើយជាងនេះទៅទៀតវាក៏បានរួមចំណែកជួយជម្រុញវិស័យពាណិជ្ជកម្មនិងការដឹកជញ្ជូនរនៃប្រទេសទាំង ២ ឱ្យកាន់តែមានសក្តានុពលផងដែរ៕  អត្ថបទ៖ ភក្តី ប្រភព៖ Channel News Asia  

អាមេរិក៖ យ៉ាងហោចណាស់មានមនុស្សចំនួន ១៤នាក់បានស្លាប់បាត់បង់ជីវិតដោយសារឥទ្ធិពលរបស់ព្យុះព្រិលទឹកកកដែលកំពុងកើតមានឡើងនៅក្នុងតំបន់ភាគខាងកើតនិងភាគកណ្តាល នៃសហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី១៨ ខែកុម្ភៈ។ ក្រៅតែពីបានបណ្តាលឱ្យមានអ្នកស្លាប់បាត់បង់ជីវិតហើយ ឥទ្ធិពលរដ្ឋរបស់ព្យុះព្រឹលកកក៏បានបណ្តាលឱ្យពលរដ្ឋជាច្រើននាក់ផ្សេងទៀតកំពុងរងផលប៉ះដោយប្រយោលផងដែរ តួយ៉ាងពលរដ្ឋប្រមាណជា ៥០,០០០នាក់កំពុងរស់នៅដោយគ្មានភ្លើងអគ្គិសនីប្រើប្រាស់។ បើតាមអាជ្ញាធរឧតុនិយមអាមេរិកបានបញ្ជាក់ថា នៅក្នុងតំបន់ដែលកំពុងរងសម្ពាធពីបញ្ហាព្យុះព្រឹលទឹកកកខាងលើនេះ មានរដ្ឋចំនួន ២ ដែលបានរងផលប៉ះពាល់ខ្លាំងគេ គឺរដ្ឋ Montana​ និងរដ្ឋ North Dakota ដែលសីតុណ្ហភាពបានចុះត្រជាក់ដល់កម្រិត -៥១អង្សាសេ និងអមជាមួយព្រឹលធ្លាក់ក្នុងបរិមាណយ៉ាងច្រើនបំផុត។ ប្រភពខាងលើបានបន្ត នៅចំពោះមុនស្ថានភាពគ្រោះថ្នាក់នេះអាជ្ញាធរក៏បានដាក់ពង្រាយក្រុមអ្នកជួយសង្គ្រោះជាច្រើននាក់នៅតាមទីតាំងងាយរងគ្រោះមួយចំនួនផងដែរ ដើម្បីងាយស្រួលធ្វើអន្តរាគមន៍ជួយសង្គ្រោះប្រជាពលរដ្ឋឱ្យបានទាន់ពេលវេលា​ ហើយជាលទ្ធផលនៅក្នុងរយៈពេល ២៤ម៉ោងចុងក្រោយនេះ គឺមានពលរដ្ឋជាង ១,០០០នាក់

កាណាដា៖ យ៉ាងហោចណាស់មានមនុស្សចំនួន ១៨នាក់បានរងរបួស នៅក្នុងហេតុការណ៍មានយន្តហោះដឹកអ្នកដំណើរមួយគ្រឿងបានក្រឡាប់ នេះបើយោងតាមការចុះផ្សាយរបស់បណ្តាញសារព័ត៌មាន CNN នៅក្នុងថ្ងៃអង្គារ ទី១៨ ខែកុម្ភៈ។ ហេតុការណ៍គ្រោះថ្នាក់នេះបានកើតឡើងនៅក្នុងព្រលានយន្តហោះអន្តរជាតិ Toronto Pearson International Airport ដែលស្ថិតនៅក្នុងប្រទេសកាណាដា។ ប្រភពខាងលើបានបន្តថា យន្តហោះដែលបានជួបគ្រោះថ្នាក់មួយគ្រឿងនេះគឺជាយន្តហោះដឹកអ្នកដំណើររបស់ក្រុមហ៊ុនអាកាសចរណ៍ Delta Air Lines ដែលមានទិសដៅធ្វើដំណើរចេញពីទីក្រុង Minnesota សហរដ្ឋអាមេរិក និងមានផ្ទុកអ្នកដំណើរសរុបចំនួន ៨០នាក់។ បើតាមអាជ្ញាធរអាកាសចរណ៍កាណាដាបានឱ្យដឹងថា រហូតមកទល់នឹងពេលនេះគេនៅមិនទាន់ដឹងច្បាស់ពីមូលហេតុជាក់លាក់ដែលបង្កឱ្យយន្តហោះត្រូវជួបគ្រោះថ្នាក់ដូចនេះឡើយ តែអ្វីដែលគេបានមើលឃើញជាក់ស្តែងនោះ គឺយន្តហោះបានហោះហើរក្នុងលក្ខណៈឃ្លីងឃ្លោងនៅអំឡុងពេលកំពុងព្យាយាមធ្វើការចុះចត ហើយបន្ទាប់ពីបានរត់នៅលើព្រលានយន្តហោះបានបន្តិចក៏ត្រូវក្រឡាប់តែម្តង៕ អត្ថបទ៖ ភក្តី ប្រភព៖ CNN

អាមេរិក៖ យ៉ាងហោចណាស់មានមនុស្សចំនួន​ ៩នាក់បានស្លាប់បាត់បង់ជីវិតដោយសារតែជំនន់ទឹកភ្លៀងនៅអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន BBC នៅក្នុងថ្ងៃចន្ទ ទី១៧ ខែកុម្ភៈ។ តំបន់ដែលកំពុងរងការវាយប្រហារដោយជំនន់ទឹកភ្លៀងក្នុងកម្រិតដ៏គ្រោះថ្នាក់នេះ​ រួមមានរដ្ឋ Kentucky និងរដ្ឋ Georgia ដែលស្ថិតនៅប៉ែកអាគ្នេយ៍ នៃសហរដ្ឋអាមេរិក។ បើតាមអាជ្ញាធរអាមេរិកបានបញ្ជាក់ថា នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងអស់នោះគឺមានទាំងកុមារនិងមនុស្សវ័យចំណាស់​ ហើយហេតុផលនៃករណីស្លាប់គឺភាគច្រើនបង្កឡើងដោយសារការលង់ទឹក តែក៏មានករណីស្លាប់មួយបានកើតឡើងគួរឱ្យកត់សម្គាល់ដែរ ពោលគឺមានបុរសម្នាក់ត្រូវបានដើមឈើបាក់សង្កត់ពីលើបណ្តាលឱ្យស្លាប់ទាំងដែលរូបគាត់កំពុងដេកលក់នៅលើគ្រែយ៉ាងស្កប់ស្កល់ក្នុងពេលយប់។ ក្រៅតែពីបណ្តាលឱ្យមានអ្នកស្លាប់អស់ជាច្រើននាក់ហើយ គ្រោះធម្មជាតិនេះក៏បានបណ្តាលឱ្យពលរដ្ឋអាមេរិកជាច្រើននាក់ផ្សេងទៀតកំពុងរងផលប៉ះពាល់ដោយប្រយោលដែរ ដូចជាត្រូវជាប់នៅក្នុងផ្ទះមិនអាចចេញទៅណាបាន ពិបាកធ្វើដំណើរ ខកខានទៅធ្វើការងារ និងគ្មានភ្លើងអគ្គីសនីប្រើប្រាស់ជាដើម៕ អត្ថបទ៖ ភក្តី ប្រភព៖  BBC

ឥណ្ឌា៖​ យ៉ាងហោចណាស់មានអ្នកដំណើរចំនួន ១៨នាក់បានស្លាប់បាត់បង់ជីវិតនៅក្នុងហេតុការណ៍រត់ជាន់គ្នានៅក្នុងស្ថានីយរថភ្លើងមួយកន្លែងក្នុងប្រទេសឥណ្ឌា នេះបើយោងតាមការចុះផ្សាយរបស់បណ្តាញសារព័ត៌មាន NDTV នៅក្នុងថ្ងៃអាទិត្យ​ ទី១៦ ខែកុម្ភៈ។ នៅក្នុងចំណោមជនរងគ្រោះដែលបានស្លាប់បាត់បង់ជីវិតទាំងអស់នោះ គឺរួមមានជនរងគ្រោះជាកុមារចំនួន ៥នាក់ ស្រ្តីអាយុ ៧០ឆ្នាំម្នាក់ និងក្រៅពីនេះគឺសុទ្ធតែជាក្រុមពលរដ្ឋពេញវ័យ ដែលមានអាយុចន្លោះពី ២៥ឆ្នាំ ដល់ ៤៧ឆ្នាំ។ ក្រៅតែពីបានរកឃើញអ្នកស្លាប់នៅកន្លែងកើតហេតុហើយ ហេតុការណ៍អកុសលនេះក៏បានបណ្តាលឱ្យមានមនុស្សចំនួន ១៥ផ្សេងទៀតបានរងរបួសផងដែរ ខណៈនៅក្នុងនោះមានអ្នកដំណើរចំនួន ៣នាក់បានរងរបួសធ្ងន់ធ្ងរនិងត្រូវបញ្ជូនទៅសង្គ្រោះនៅមន្ទីរពេទ្យជាបន្ទាន់។ ប្រភពខាងលើបានបន្តថា ស្ថានីយរថភ្លើងដែលជាកន្លែងកើតហេតុខាងលើនេះមានទីតាំងស្ថិតនៅក្នុងទីក្រុង New Delhi​ ហើយជើងរថយន្តភ្លើងដែលក្រុមអ្នកដំណើរសម្រុកនាំគ្នាទៅជិះនេះគឺជាជើងរថភ្លើងមានទិសដៅធ្វើដំណើរឆ្ពោះទៅកាន់ទីក្រុង Prayagraj ដែលជាកន្លែងកំពុងមានការរៀបចំពិធីបុណ្យបែបសាសនាដ៏ធំមួយមានឈ្មោះថា ពិធីបុណ្យ Maha Kumbh។ បើតាមអាជ្ញាធរឥណ្ឌាបានបញ្ជាក់ថា ហេតុផលដែលនាំឱ្យមានការរត់ជាន់គ្នាគឺដោយសារអ្នកដំណើរម្នាក់ៗសុទ្ធតែប្រញាប់ទៅចូលរួមពិធីបុណ្យ Maha Kumbh ទើបធ្វើឱ្យពួកគេសម្រុករត់ចូលទៅក្នុងរងភ្លើងព្រមៗគ្នាដោយខ្លាចខកខានមិនបានចូលរួមពិធីបុណ្យ ហើយជាអកុសលក៏មានការជាន់គ្នាតែម្តង៕  

អាមេរិក៖ លោកប្រធានាធិបតីអាមេរិក ដូណាល់ ត្រាំ និងលោកប្រធានាធិបតីរុស្ស៊ី វ្ល៉ាឌីមៀ ពូទីន នឹងជួបគ្នានៅក្នុងប្រទេសអារ៉ាប៊ីសាអូឌីតក្នុងពេលឆាប់ៗនេះ ដើម្បីពិភាក្សាអំពីបញ្ហាសង្គ្រាមនៅអ៊ុយក្រែន នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី១៣​ ខែកុម្ភៈ។ យ៉ាងណាក្តី កាលបរិច្ឆេទជាក់លាក់នៃកិច្ចពិភាក្សាដ៏មានសារៈសំខាន់នេះ នៅមិនទាន់មានការបង្ហាញជូននៅឡើយទេ។ ប្រភពខាងលើបានបន្តថា ការបញ្ជាក់អំពីគម្រោងនៃការរៀបចំកិច្ចពិភាក្សាខាងលើនេះត្រូវបានធ្វើឡើងដោយលោកប្រធានាធិបតីអាមេរិក ដូណាល់ ត្រាំ ផ្ទាល់តែម្តង ក្រោយពីរូបលោកបានជជែកគ្នារតាមរយៈទូរស័ព្ទដោយផ្ទាល់ជាមួយលោកប្រធានាធិបតីរុស្ស៊ី  វ្ល៉ាឌីមៀ ពូទីន។ គួរកត់សម្គាល់ថា នាពេលកន្លងមកលោក ដូណាល់ ត្រាំ ធ្លាប់បានសន្យាថា ក្រោយពេលលោកបានចូលកាន់តំណែងជាប្រធានាធិបតីអាមេរិកភ្លាម គឺលោកនឹងជួយសម្របសម្រួលក្នុងការបញ្ចប់សង្គ្រាមនៅអ៊ុយក្រែនភ្លាម

សហភាពអឺរ៉ុប ប្រទេសកាណាដា និងប្រទេសម៉ិចស៊ិកូ បានធ្វើការថ្កោលទោសយ៉ាងខ្លាំងចំពោះលោកប្រធានាធិបតីអាមេរិក​ ដូណាល់ ត្រាំ ដែលសម្រេចអនុវត្តច្បាប់ដំឡើងពន្ធលើផលិតផលដែកថែប និងអាលុយមីញ៉ូម នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី១២ ខែកុម្ភៈ។ នៅក្នុងសេចក្តីថ្កោលទោសនោះ សហភាពអឺរ៉ុប កាណាដា និងម៉ិចស៊ិកូ ក៏បានលើកឡើងផងដែរថា ច្បាប់ដំឡើងពន្ធរបស់អាមេរិនេះកំពុងតែបង្កើតឱ្យមានសង្គ្រាមពាណិជ្ជកម្មនៅលើពិភពលោក។ គួររម្លឹកជូនថា កាលពីថ្ងៃម្សិលមិញលោក ដូណាល់ ត្រាំ បានចុះហត្ថលេខាលើក្រឹត្យពិសេសមួយ ដែលបើកផ្លូវឱ្យអាជ្ញាធរអាមេរិកផ្តើមគិតគិតពន្ធនាំចូលចំពោះផលិតផលថែប និងអាលុយមីញ៉ូមមកពីគ្រប់ប្រទេសទាំងអស់ចាប់ពីខែក្រោយទៅក្នុងអត្រា ២៥% ដែលជាអត្រាពន្ធនាំចូលដ៏ខ្ពស់មួយ​ ដ្បិតអត្រាពន្ធចាស់គឺមានត្រឹមតែ ១០% ប៉ុណ្ណោះ ហើយប្រទេសមួយចំនួនថែមទាំងត្រូវបានលើកលែងពន្ធចំពោះផលិតផលទាំងនេះទៀតផង។ សូមបញ្ជាក់ជូនថា នាពេលកន្លងមកអាមេរិកបាននាំចូលដែកថែម

អាមេរិក៖ យ៉ាងហោចណាស់មានមនុស្សម្នាក់បានស្លាប់បាត់បង់ជីវិតនៅក្នុងហេតុការណ៍មានយន្តហោះមួយគ្រឿងបានធ្លាក់ទៅបុកយន្តហោះមួយគ្រឿងផ្សេងទៀតនៅក្នុងព្រលានយន្តហោះ Scottsdale ដែលស្ថិតនៅក្នុងរដ្ឋ Arizona សហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន CNN នៅក្នុងថ្ងៃអង្គារ ទី១១​ ខែកុម្ភៈ។ ក្រៅតែពីបានបណ្តាលឱ្យមានអ្នកស្លាប់ម្នាក់ហើយ ហេតុការណ៍អកុសលនេះក៏បានបណ្តាលឱ្យមានមនុស្សចំនួន ៤នាក់ផ្សេងទៀតរងរបួសផងដែរ។ ប្រភពខាងលើបានបញ្ជាក់ថា យន្តហោះដែលបានធ្លាក់នោះគឺជាយន្តហោះអាជីវកម្មខ្នាតតូចមួយគ្រឿង ប្រភេទ Learjet 35A មានផ្ទុកមនុស្សចំនួន ៤នាក់  ខណៈយន្តហោះមួយគ្រឿងផ្សេងទៀតក៏ជាយន្តហោះអាជីវកម្មខ្នាតតូចដូចគ្នាដែរ តែជាប្រភេទ Gulfstream G200 ហើយយន្តហោះមួយគ្រឿងនេះត្រូវបានគេចតចោលក្នុងព្រលានយន្តហោះអស់រយៈពេលជាយូរមកហើយមុនពេលកើតហេតុ។ រហូតមកទល់នឹងពេលនេះគេនៅមិនទាន់ដឹងច្បាស់អំពីមូលហេតុដែលបណ្តាលឱ្យយន្តហោះ Learjet 35A ត្រូវធ្លាក់ក្នុងអំឡុងពេលព្យាយាមចុះចតក្នុងព្រលានយន្តហោះដូចនេះទេ ហើយអត្តសញ្ញាណជនរងគ្រោះក៏នៅមិនទាន់មានការបញ្ជាក់ដែរ តែអ្វីដែលបានដឹងនោះគឺត្រឹមថា នៅក្នុងចំណោមជនរងគ្រោះទាំងអស់គឺមានជនរងគ្រោះ ២នាក់ជាអ្នកបើកបរយន្តហោះ ជនរងគ្រោះ ២នាក់ជាអ្នកដំណើរ និងម្នាក់ទៀតគឺបុគ្គលិកកំពុងបម្រើការងារនៅក្នុងព្រលានយន្តហោះ Scottsdale

ចិន៖ ច្បាប់គិតពន្ធនាំចូលលើទំនិញមួយចំនួនរបស់អាមេរិកពីសំណាក់រដ្ឋាភិបាលចិនបានចូលជាធរមាននៅក្នុងថ្ងៃនេះហើយ ខណៈសង្គ្រាមពាណិជ្ជកម្មពិភពលោកក៏កំពុងត្រូវបានក្រុមអ្នកជំនាញមើលឃើញថា កំពុងតែចាប់ផ្តើមកើតឡើងបណ្តើរៗដែរ​​ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី ១០ ខែកុម្ភៈ។ គួរបញ្ជាក់ជូនថា សេចក្តីព្រាងច្បាប់ស្តីអំពីពន្ធគយថ្មីលើទំនិញអាមេរិក ត្រូវបានរដ្ឋាភិបាលចិនប្រកាសតាំងតែពីថ្ងៃទី ៤ សប្តាហ៍មុនម្លេះ ខណៈច្បាប់នេះត្រូវបានអនុវត្តឡើងដើម្បីជាការឆ្លើយតបទៅនឹងអាមេរិក ដែលទើបអនុវត្តច្បាប់ដំឡើងពន្ធនាំចូលលើផលិតផលចិនចំនួន ១០%បន្ថែមទៀត ពីលើអត្រាពន្ធចាស់។ ច្បាប់គិតពន្ធលើទំនិញអាមេរិកនេះនឹងត្រូវអនុវត្តចំពោះមុខទំនិញសំខាន់ៗមួយចំនួនដូចជា ធ្យូងថ្ម និងឧស្ម័នធម្មជាតិរាវ (LNG) ដែលនឹងត្រូវគិតពន្ធនាំចូលប្រទេសចិនក្នុងអត្រា​ ១៥% ។ ដោយឡែកទំនិញអាមេរិកមួយចំនួនទៀតដូចជា ប្រេងឆៅ ផលិតផលកសិកម្ម រថយន្តភីកអាប់​ និងទំនិញទូទៅជាច្រើនមុខផ្សេងទៀតនឹងត្រូវគិតពន្ធនាំចូលក្នុងអត្រាត្រឹមតែ ១០%ប៉ុណ្ណោះ។ ប្រភពខាងលើបានបន្តថា សម្រាប់នៅជុំទី