អូស្រ្តាលី៖ ខណៈដែលពិភពលោកកំពុងចាប់អារម្មណ៍ខ្លាំងទៅលើកម្មវិធីបញ្ញាសិប្បនិម្មិត DeepSeek អាជ្ញាធរអូស្រ្តាលីនៅក្នុងថ្ងៃអង្គារ ទី៤ ខែកុម្ភៈនេះ បានសម្រេចហាមឃាត់គ្រប់ប្រព័ន្ធបច្ចេកវិទ្យា និងឧបករណ៍អេឡិចត្រូនិចរបស់រដ្ឋាភិបាល​ទាំងអស់មិនឱ្យប្រើប្រាស់កម្មវិធីរបស់ប្រទេសចិនមួយនេះឡើយ។ យោងតាមការចុះផ្សាយរបស់បណ្តាញសារព័ត៌មាន The Strait Time បានបញ្ជាក់ថា ការសម្រេចហាមឃាត់នេះ គឺត្រូវបានធ្វើឡើងក្នុងគោលបំណងសំខាន់តែមួយគត់ គឺការពារសន្តិសុខជាតិ។ សូមរម្លឹកជូនថា កាលពីដើមសប្តាហ៍កន្លងមកនេះ រដ្ឋាភិបាលតៃវ៉ាន់ ក៏បានចេញបទបញ្ជាយ៉ាងតឹងរឹងហាមឃាត់គ្រប់ស្ថាប័នជាតិទាំងអស់មិនឱ្យប្រើប្រាស់កម្មវិធីបញ្ញាសិប្បនិម្មិត DeepSeek នេះដែរ ក្នុងហេតុផលដើម្បីការពារសន្តិខុសជាតិដូចគ្នា ពោលគឺការពារការលួចតាមដាន ឬ លួចប្រមូលយកព័ត៌មានសំខាន់ៗរបស់ជាតិពីសំណាក់កម្មវិធី DeepSeek នេះតែម្តង។ សូមបញ្ជាក់ជូនថា ក្រៅតែពីកោះតៃវ៉ាន់និងអូស្រ្តាលី ប្រទេសបារាំង អ៊ីតាលី កូរ៉េខាងត្បូង និងប្រទេសអៀរឡង់ ក៏កំពុងតាមដានយ៉ាងចិត្តទុកដាក់ចំពោះកម្មវិធី DeepSeek ផងដែរ ដើម្បីធ្វើឱ្យប្រាកដថា

កូរ៉េខាងត្បូង៖ អាជ្ញាធរនៃប្រទេសកូរ៉េខាងត្បូងបានចេញសេចក្តីព្រមានជាផ្លូវការមួយឱ្យពលរដ្ឋមានការប្រុងប្រយ័ត្នខ្ពស់ចំពោះបញ្ហាអាកាសធាតុដែលអាចនឹងចុះត្រជាក់ខ្លាំងក្នុងទីក្រុងសេអ៊ូល នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី៤ ខែកុម្ភៈ។​ សេចក្តីព្រមានខាងលើនេះត្រូវបានធ្វើឡើងក្រោយសីតុណ្ហភាពនៅពេលព្រឹកព្រលឹមក្នុងទីក្រុងសេអ៊ូលបានធ្លាក់ចុះដល់កម្រិតក្រោម -១៥អង្សាសេក្នុងរយៈពេល ២ថ្ងៃជាប់គ្នាមកហើយ។ បន្ថែមពីការធ្លាក់ចុះសីតុណ្ហភាពជារួមរហូតដល់កម្រិត -១៥អង្សាសេហើយ នៅក្នុងថ្ងៃអង្គារ ​ទី៤ ខែកុម្ភៈនេះ ទីក្រុងសេអ៊ូលក៏បានជួបប្រទះនូវបញ្ហាខ្យល់ត្រជាក់ (Wind Chill) បោកបក់ជារឿយៗផងដែរ ដោយខ្យល់ត្រជាក់នោះបាននាំយកសីតុណ្ហភាពត្រជាក់រហូតដល់ -២២អង្សាសេឯណោះ។ យ៉ាងណាក្តី ខ្យល់ត្រជាក់នេះគ្រាន់តែបោកបក់ឆ្លងកាត់មួយភ្លែតៗតែប៉ុណ្ណោះ ហើយបន្ទាប់ពីខ្យល់ត្រជាក់នេះរសាត់បាត់ទៅ សីតុណ្ហភាពក៏បានត្រលប់មកកាន់កម្រិត -១៥អង្សាសេ។ អ្វីដែលជារឿងគួរឱ្យគត់សម្គាល់បន្ថែមទៀតនោះ គឺអាជ្ញាធរឧតុនិយមកូរ៉េខាងត្បូងបានបានព្យាករណ៍ថា សីតុណ្ហភាពនៅក្នុងទីក្រុងសេអ៊ូលនឹងបន្តធ្លាក់ចុះនៅក្នុងកម្រិតខ្ទង់ -១២អង្សាសេក្នុងរយៈពេលជាច្រើនថ្ងៃបន្ថែមទៀតផងដែរ៕ អត្ថបទ៖ ភក្តី ប្រភព៖ The Strait

ចិន៖ ធ្លាប់តែឃើញគេធ្វើឱ្យគូស្នេហ៍ទទួលបានអារម្មណ៍ភ្ញាក់ផ្អើលតាមរយៈការដាក់បង្កប់ចិញ្ចៀនសុំរៀបការនៅក្នុងនំខេក បុរសជនជាតិចិនម្នាក់ក៏បានព្យាយាមធ្វើសកម្មភាពដូចគ្នានេះទៅកាន់មិត្តស្រីរបស់គាត់ដែរ តែលទ្ធផលគាត់បែរជាមិនសមប្រកបទៅវិញ។ យោងតាមការចុះផ្សាយរបស់បណ្តាញសារព័ត៌មាន South China Morning Post បានបញ្ជាក់ថា រឿងរ៉ាវហួសចិត្តនេះត្រូវបានអ្នកលេងបណ្តាញសង្គមចិនធ្វើការចែករំលែកពេញបណ្តាញអ៊ីនធឺណិត ខណៈអត្តសញ្ញាណរបស់បុរសនិងស្រី្តជាគូស្នេហ៍មិនត្រូវបានបានគេបង្ហាញសាធារណៈឡើយ។ យោងតាមអ្នកប្រើប្រាស់បណ្តាញអ៊ីនធឺណិតចិនម្នាក់ឈ្មោះ Liu រស់នៅក្នុងខេត្ត Sichuan ភាគខាងត្បូងប្រទេសចិនបានឱ្យដឹងថា ហេតុការណ៍ដ៏ហួសចិត្តនេះបានកើតឡើងក្រោយមានបុរសម្នាក់បានទិញនំខេកមួយដោយដាក់បង្កប់នូវចិញ្ចៀនមាសមួយវង់​នៅក្នុងនំនោះ ហើយយកវាទៅជូនមិត្តស្រ្តីគាត់។ អ្វីដែលគាត់រំពឹងទុកនោះ គឺមិត្តស្រ្តីរបស់គាត់នឹងប្រទះឃើញចិញ្ចៀនដោយចៃដន្យក្នុងពេលកាត់នំ​ ហើយភ្លាមនោះគាត់នឹងលុតជង្គង់សុំនាងរៀបការតែម្តង ពោលគឺធ្វើដូចសកម្មភាពដែលគាត់ធ្លាប់បានមើលឃើញនៅក្នុងខ្សែភាពយន្តអីចឹងដែរ។ យ៉ាងណាក្តីអ្វីដែលបានកើតឡើងជាក់ស្តែងនោះគឺថា ក្រោយពេលកាត់នំភ្លាម ស្រី្តជាគូស្នេហ៍មិនបានឃើញចិញ្ចៀននោះទេ ហើយដោយគាប់ចួននាងកំពុងឃ្លានផងនោះ នាងក៏បានញ៉ាំនំខេកនោះយ៉ាងលឿនដោយបានទំពារទាំងចិញ្ចៀននោះឱ្យបែបជាច្រើនបំណែកនិងស្ទើរតែបានលេបបំណែកចិញ្ចៀនចូលទៅក្នុងពោះទៀតផង តែសំណាងល្អនាងបានខ្ជាក់មកវិញទាន់ បើមិនដូចនោះទេនាងទំនងជាត្រូវស្លាក់ចិញ្ចៀននោះស្លាប់តែម្តង។ ហេតុការណ៍នេះអាចជាមេរៀនមួយសម្រាប់លោកអ្នកឱ្យត្រូវចេះប្រុងប្រយ័ត្ននិងចងចាំថា សកម្មភាពពិតជាក់ស្តែងអាចនឹងមិនងាយស្រួលធ្វើដូចសកម្មភាពនៅក្នុងខ្សែភាពយន្តនោះទេ៕ អត្ថបទ៖ ភក្តី ប្រភព៖

អាមេរិក៖ ក្រុមហ៊ុន Salesforce របស់សហរដ្ឋអាមេរិកបានប្រកាសកាត់បន្ថយបុគ្គលិកចំនួន ១,០០០នាក់ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី៤ ខែកុម្ភៈ។ ការប្រកាសកាត់បន្ថយបុគ្គលិកក្នុងចំនួនដ៏ច្រើននេះត្រូវបានគេមើលឃើញថា បានកើតឡើងស្របពេលដែលក្រុមហ៊ុនបច្ចេកវិទ្យាដ៏ធំមួយនេះកំពុងត្រូវការបុគ្គលិកផ្នែកលក់ជាច្រើននាក់ ដើម្បីលក់ផលិតផលបញ្ញាសិប្បនិម្មិត (AI) ថ្មីរបស់ខ្លួនផងដែរ។ បើតាមតំណាងក្រុមហ៊ុន Salesforce បានបញ្ជាក់ថា ការបញ្ឈប់បុគ្គលិកក្នុងចំនួន ១,០០០នាក់នៅដើមឆ្នាំ ២០២៥ នេះ គឺត្រូវបានធ្វើឡើងស្របតាមតម្រូវការជាក់ស្តែងរបស់ក្រុមហ៊ុន ដ្បិតក្រុមបុគ្គលិកនេះទាំងនេះគឺជាក្រុមអ្នកបម្រើការងារនៅក្នុងផ្នែកដែលពុំមានភាពចាំបាច់ខ្លាំងសម្រាប់ក្រុមហ៊ុនទៀតនោះទេ។ ក្នុងន័យដូចគ្នានេះ ការជ្រើសរើសបុគ្គលិកផ្នែកលក់ថ្មីមួយចំនួនក៏ត្រូវបានធ្វើឡើងតាមភាពចាំបាច់របស់ក្រុមហ៊ុនដែរ ដោយនៅក្នុងពេលនេះក្រុមហ៊ុនកំពុងត្រូវការបុគ្គលិកមានជំនាញផ្នែកលក់ជាច្រើននាក់សម្រាប់ធ្វើទីផ្សារនិងលក់ផលិតផលបញ្ញាសិប្បនិម្មិត (AI)ថ្មីរបស់ក្រុមហ៊ុន។ សូមបញ្ជាក់ជូនថា គិតត្រឹមពេលនេះក្រុមហ៊ុន Salesforce ដែលមានមូលដ្ឋាននៅក្នុងទីក្រុង San Francisco រដ្ឋ

តៃវ៉ាន់៖ អាជ្ញាធរតៃវ៉ាន់បានចេញបទបញ្ជាហាមឃាត់គ្រប់ស្ថាប័នជាតិមិនឱ្យប្រើប្រាស់កម្មវិធីបញ្ញាសិប្បនិម្មិត DeepSeek របស់ចិននោះទេ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃចន្ទ ទី៣​ ខែកុម្ភៈ។ ការហាមឃាត់យ៉ាងតឹងរឹងនេះត្រូវបានធ្វើឡើងដើម្បីការពារសន្តិសុខជាតិ ពោលគឺការពារការលួចតាមដានឬលួចប្រមូលយកព័ត៌មានសំខាន់ៗរបស់ជាតិពីសំណាក់កម្មវិធី DeepSeek នេះតែម្តង។ គួររម្លឹកជូនថា​ ការសម្រេចហាមឃាត់មិនឱ្យប្រើប្រាស់កម្មវិធីអេឡិចត្រូនិចរបស់ចិននេះមិនមែនជារឿងថ្មីឡើយ ដ្បិតនាពេលកន្លងមកបណ្តាប្រទេសធំៗមួយចំនួនរួមទាំងសហរដ្ឋអាមេរិកផងដែរបានចោទប្រកាន់ដូចៗគ្នាថា កម្មវិធីមួយចំនួនរបស់ចិន ដូចជា TikTok និងប្រព័ន្ធកាមេរ៉ាសុវត្ថិភាពម៉ាកល្បីៗមួយចំ​នួន គឺជាបណ្តាញចារកម្មរបស់ចិន ពោលគឺកម្មវិធីទាំងនេះមានសមត្ថភាពអាចលួចប្រមូលយកទិន្នន័យរបស់អ្នកប្រើប្រាស់ដើម្បីផ្តល់ទៅឱ្យរដ្ឋាភិបាលចិន។ សូមបញ្ជាក់ជូនថា ក្រៅតែពីកោះតៃវ៉ាន់ គិតត្រឹមពេលនេះប្រទេសបារាំង អ៊ីតាលី កូរ៉េខាងត្បូង និងប្រទេសអៀរឡង់ក៏កំពុងតាមដានយ៉ាងចិត្តទុកដាក់ចំពោះកម្មវិធី DeepSeek ផងដែរ ដើម្បីធ្វើឱ្យប្រាកដថាកម្មវិធីដ៏ឆ្លាតវ័យនេះអាចលួចតាមដានទិន្នន័យផ្ទាល់ខ្លួនរបស់អ្នកប្រើប្រាស់បានឬអត់៕ អត្ថបទ៖ ភក្តី

ហុងកុង៖ ទីផ្សារភាគហ៊ុនរបស់ក្រុមហ៊ុនធំៗជាច្រើននៅតំបន់អាស៊ីបានបន្តធ្លាក់ចុះគួរឱ្យកត់សម្គាល់ដោយសារច្បាប់ដំឡើងពន្ធនាំចូលថ្មីរបស់សហរដ្ឋអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៣ ខែកុម្ភៈ។ គួរកត់សម្គាល់ថា ភាពរង្គោះរង្គើនៃតម្លៃហ៊ុននេះបានចាប់ផ្តើមកើតមានឡើងអស់រយៈពេល ២សប្តាហ៍មកហើយ ពោលគឺចាប់តាំងពីពេលដែលលោក ដូណាល់ ត្រាំ បានស្បថចូលកាន់ដំណែងជាប្រធានាធិបតីអាមេរិកម្លេះ ខណៈក្នុងរយៈពេលប៉ុន្មានថ្ងៃចុងក្រោយនេះគឺតម្លៃហ៊ុនបានធ្លាក់ចុះខ្លាំងគួរឱ្យកត់សម្គាល់តែម្តង។ សូមបញ្ជាក់ជូនថា ការធ្លាក់ចុះតម្លៃហ៊ុននៅតំបន់អាស៊ីគួរឱ្យកត់សម្គាល់នេះ គឺបានកើតឡើងក្រោយសហរដ្ឋអាមេរិកបានប្រកាសអនុវត្តច្បាប់ដំឡើងពន្ធនាំចូលពីប្រទេសម៉ិចស៊ិកូនិងកាណាដាចំនួន ២៥%​ ខណៈអត្រាពន្ធនាំចូលពីប្រទេសចិនត្រូវដំឡើង ១០%​ បន្ថែមទៀតពីលើពន្ធអត្រាពន្ធចាស់ ដែលធ្វើឱ្យចិនត្រូវបង់ពន្ធនាំចូលចំពោះផលិតផលខ្លួនដែលត្រូវនាំទៅលក់នៅអាមេរិកក្នុងអត្រាចន្លោះពី ១៥-៦០% តាមមុខទំនិញផ្សេងៗគ្នា។ ប្រភពខាងលើនេះបានបន្តថា ការធ្លាក់ចុះនៃតម្លៃភាគហ៊ុននៅតំបន់អាស៊ីដែលគួរឱ្យកត់សម្គាល់នោះរួមមាន៖ -តម្លៃហ៊ុននៅក្នុងទីក្រុងតៃប៉ិ បានធ្លាក់ចុះជាង ៣% -តម្លៃហ៊ុននៅក្នុងទីក្រុងសេអ៊ូល ទីក្រុងតូក្យូ

(ឥណ្ឌូណេស៊ី)៖ អាជ្ញាធរឥណ្ឌូណេស៊ីបានសម្រេចដកតួនាទីមន្ត្រីអន្តោប្រវេសន៍ចំនួន ៣០នាក់ ជុំវិញករណីជំរិតទារប្រាក់ពីអ្នកដំណើរជនជាតិចិន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី៣ ខែកុម្ភៈ។ មន្ត្រីអន្តោប្រវេសន៍ទាំង ៣០នាក់នោះគឺជាមន្ត្រីកំពុងប្រើប្រាស់ការងារនៅក្នុងព្រលានយន្តហោះអន្តរជាតិ Soekarno-Hatta International Airport ខណៈអត្តសញ្ញាណរបស់ពួកគាត់មិនត្រូវបានបង្ហាញជូនជាសាធារណៈឡើយ។ ប្រភពខាងលើនេះបានបន្តថា វិធានការដកតួនាទីមន្ត្រីទទួលបន្ទុកផ្នែកត្រួតពិនិត្យជនប្រវេសន៍នេះត្រូវបានធ្វើឡើង ក្រោយស្ថានទូតចិនប្រចាំនៅក្នុងប្រទេសឥណ្ឌូនេស៊ីបានដាក់ពាក្យបណ្តឹងផ្លូវការមួយទៅកាន់អាជ្ញាធរឥណ្ឌូនេស៊ី ដោយនៅក្នុងពាក្យបណ្តឹងនោះបានបញ្ជាក់ថា ករណីដែលមន្ត្រីអន្តោប្រវេសន៍ឥណ្ឌូណេស៊ីបានទារប្រាក់បន្ថែមក្រៅផ្លូវការពីក្រុមអ្នកដំណើរចិនមានរហូតដល់ ៤៤ករណីនារយៈពេលថ្មីៗនេះ។ យ៉ាងណាក្តី ប្រភពខាងលើមិនបានបញ្ជាក់អំពីចំនួនទឹកប្រាក់ជាក់ស្តែងដែលមន្ត្រីអន្តោប្រវេសន៍ឥណ្ឌូនេស៊ីបានជំរិតទារបន្ថែមពីក្រុមអ្នកដំណើរជនជាតិចិនឡើយ ខណៈស្ថានទូតចិនបានបញ្ជាក់ត្រឹមថា ករណីជំរិតទារប្រាក់នេះគឺជាករណីដែលពលរដ្ឋចិននិងរដ្ឋាភិបាលចិនមិនអាចទទួលយកបាននោះទេ ហើយអាជ្ញាធរឥណ្ឌូណេស៊ីត្រូវតែចាត់វិធានការតាមផ្លូវច្បាប់ជាបន្ទាន់៕ អត្ថបទ៖ ភក្តី ប្រភព៖ Channel News Asia

កូរ៉េខាងត្បូង៖ តារាសម្តែងដែលដើរតួជាម្តាយនៅក្នុងរឿង “Squid Game”  ម្នាក់បានស្លាប់បាត់បង់ជីវិត ក្នុងរយៈពេលត្រឹមតែ៣ខែបន្ទាប់ពីគ្រូពេទ្យបានរកឃើញថា លោកស្រីមានជំងឺមហារីកក្រពះ នេះបើយោងតាមការចុះផ្សាយរបស់បណ្តាញសារព័ត៌មាន Daily Mail នៅក្នុងថ្ងៃទី២ ខែកុម្ភៈ។ តារាសម្តែងស្រ្តីរូបនេះមានឈ្មោះពិតថា Lee Joo-Sil និងមានអាយុ ៨១ឆ្នាំ គិតត្រឹមពេលដែលរូបគាត់បានទទួលមរណភាព។ សម្រាប់នៅក្នុងរឿង “Squid Game” លោកស្រី Lee Joo-Sil បានសម្តែងជាតួអង្គឈ្មោះ Park Mal Soon ដែលត្រូវជាតួអង្គម្តាយរបស់លោក Hwang Jun Ho (Wi Ha Joon) និងជាម្តាយចុងរបស់លោក Hwang In

ថៃ៖ អាជ្ញាធរថៃគ្រោងបង្កើនភោជនីយដ្ឋានដែលមានបន្ទប់ការពារធូលីឱ្យមានចំនួនរហូតដល់ ២០,០០០កន្លែងនៅទូទាំងប្រទេសក្នុងរយៈពេល ៣ខែទៀត នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអាទិត្យ ទី២ ខែកុម្ភៈ។ ការជូនដំណឹងអំពីគម្រោងខាងលើនេះត្រូវបានធ្វើឡើងបន្ទាប់ពីទីក្រុងបាងកក និងខេត្តសំខាន់ៗមួយចំនួនរបស់ថៃ ទើបទទួលរងការវាយប្រហារយ៉ាងធ្ងន់ធ្ងរពីបញ្ហាខ្យល់កខ្វក់ PM2.5 ឬជាបញ្ហាដែលនៅក្នុងបរិយាកាសមានផ្ទុកនូវលម្អងធូលីច្រើនលើសពីកម្រិតស្តង់ដាសុវត្ថិភាព។ បើតាមនាយកដ្ឋានសុខាភិបាលថៃបានបញ្ជាក់ថា ការបង្កើតឱ្យមានភោជនីយដ្ឋានមានបន្ទប់ការពារធូលីនេះ គឺដើម្បីធានាថាក្រុមពលរដ្ឋដែលព្រួយបារម្ភអំពីបញ្ហាសុខភាពខ្លាំង ឬក្រុមពលរដ្ឋងាយរងគ្រោះពីបញ្ហាខ្យល់កខ្វក់នៅតែអាចមានឱ្យកាសអាចចេញទៅញ៉ាំអាហារនៅខាងក្រៅបានជាធម្មតា ទោះជានៅក្នុងអំឡុងពេលកំពុងមានបញ្ហាខ្យល់កខ្វក់កើតឡើងក៏ដោយ។ ប្រភពខាងលើនេះបានបន្តថា គិតត្រឹមពេលនេះភោជនីយដ្ឋានមានបន្ទប់ការពារធូលី ដែលកំពុងបើកដំណើរការ គឺមានចំនួនត្រឹមតែ ២៣៤កន្លែងប៉ុណ្ណោះ ដោយនៅក្នុងនោះ ៥០កន្លែងគឺស្ថិតនៅក្នុងទីក្រុងបាងកក ហើយក្រៅពីនេះគឺតាមបណ្តាខេត្តមួយចំនួនជាប់ទីក្រុងបាងកក។ លោកវេជ្ជបណ្ឌិត Thiti Sawaengtham នាយករងនៃនាយកដ្ឋានសុខាភិបាលបានឱ្យដឹងថា ដើម្បីទទួលបានភោជនីយដ្ឋានមានបន្ទប់ការពារធូលី អាជ្ញាធរនឹងបញ្ជូនក្រុមអ្នកជំនាញទៅធ្វើការងារផ្ទាល់ជាមួយម្ចាស់ភោជនីយដ្ឋាន ដើម្បីពន្យល់ពីលក្ខខណ្ឌទៅកាន់ពួកគាត់និងរបៀបរៀបចំបន្ទប់ការពារធូលីឱ្យស្របទៅតាមស្តង់ដា​

អូស្រ្តាលី៖ តំបន់ភាគខាងជើងនៃរដ្ឋ​ Queensland​ ប្រទេសអូស្រ្តាលី កំពុងទទួលនូវទឹកជំនន់ក្នុងកម្រិតដ៏គ្រោះថ្នាក់មួយ​ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអាទិត្យ ទី២​ ខែកុម្ភៈ​។ ទឹកជំនន់ដែលកំពុងបង្កការគំរាមគំហែងដល់អាយុជីវិតពលរដ្ឋជាច្រើននាក់នេះ គឺជាជំនន់ទឹកភ្លៀង ដែលបានកើតឡើងយ៉ាងឆាប់រហ័ស ក្រោយតំបន់ខាងលើនបានទទួលរងនូវសម្ពាធទឹកភ្លៀងយ៉ាងច្រើនក្នុងរយៈពេលប៉ុន្មានថ្ងៃចុងក្រោយនេះ។ បើតាមអាជ្ញាធរអូស្រ្តាលីបានបញ្ជាក់ថា គិតត្រឹមពេលនេះជំនន់ទឹកភ្លៀងបានបណ្តាលឱ្យពលរដ្ឋអូស្រ្តាលីម្នាក់ត្រូវស្លាប់បាត់បង់ជីវិត ខណៈពលរដ្ឋជាង ១១,០០០នាក់ផ្សេងទៀតត្រូវបង្ខំចិត្តធ្វើការជម្លៀសខ្លួនចេញពីផ្ទះសម្បែងរបស់ពួកគេជាបន្ទាន់ ដើម្បីទៅស្នាក់នៅកន្លែងមានសុវត្ថិភាពជាបណ្តោះអាសន្នសិន។ បើតាមការិយាល័យឧតុនិយមអូស្រ្តាលីបានបញ្ជាក់ថា យោងតាមការព្យាករណ៍គឺភ្លៀងនឹងបន្តធ្លាក់ខ្លាំងជាច្រើនថ្ងៃបន្ថែមទៀត ហើយគ្រោះថ្នាក់ដែលបង្កឡើងដោយទឹកជំនន់ក៏អាចមានកាន់ធ្ងន់ធ្ងរបន្ថែមទៀតផងដែរ៕ អត្ថបទ៖ ភក្តី ប្រភព៖ The Strait Time