កាដាណា៖ យ៉ាងហោចណាស់មានមនុស្សចំនួន ១១នាក់បានស្លាប់បាត់បង់ជីវិតនៅក្នុងហេតុការណ៍មានបុរសម្នាក់បានបើករថយន្តបំបុកចូលក្នុងកម្មវិធីជប់លៀងមួយនៅក្នុងប្រទសកាណាដា​ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី២៨​ ខែមេសា។ ហេតុការណ៍គួរឱ្យតក់ស្លុតនេះបានកើតឡើងនៅក្នុងទីក្រុង Vancouver ភាគខាងលិច នៃប្រទេសកាណាដា ខណៈពិធីជប់លៀងនោះគឺកំពុងរៀបចំឡើងនៅតាមដងផ្លូវ។ ជនសង្ស័យត្រូវបានប៉ូលិសឃាត់ខ្លួនបានភ្លាមៗ ហើយចំពោះអត្តសញ្ញាណវិញគឺអាជ្ញាធរកាណាដាបញ្ជាក់ត្រឹមថា ជនសង្ស័យមានអាយុ ៣០ឆ្នាំ ជាជនជាតិកាណាថា និងបានប្រើប្រាស់រថយន្តម៉ាក Audi SUV ពណ៌ខ្មៅមួយគ្រឿងក្នុងពេលធ្វើសកម្មភាពនោះ។ ប្រភពខាងលើបានបន្តថា គិតត្រឹមពេលនេះអាជ្ញាធរកាណាដានៅមិនទាន់រកឃើញ មូលហេតុពិតប្រាកដដែលជាជម្រុញឱ្យជនសង្ស័យធ្វើសកម្មភាពបែបនេះឡើយ ខណៈការសន្និដ្ឋានបឋមគឺជនសង្ស័យទំនងជាមនុស្សមានបញ្ហាសតិស្មារតី ហើយសកម្មភាពនេះមិនជាប់ពាក់ព័ន្ធនឹងហេតុផលភេរវកម្មឡើយ៕ អត្ថបទ៖ ភក្តី ប្រភព៖ Channel News Asia

កូរ៉េខាងជើង៖ ខណៈដែរបណ្តាប្រទេសជាច្រើននៅជុំវិញពិភពលោកកំពុងប្រឈមនឹងវិបត្តិនៃសង្គ្រាមពាណិជ្ជកម្មសកលនោះ ប្រទេសកូរ៉េខាងជើងឯណោះវិញបានរៀបចំកម្មវិធីបង្ហាញនាវាចម្បាំងយ៉ាងអធិកអធមមួយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី២៦ ខែមេសា។ នាវាចម្បាំងដែលជាសមិទ្ធផលថ្មីមួយនៅក្នុងវិស័យយោធាកូរ៉េខាងជើងនោះមានឈ្មោះថា Choe Hyon។ ប្រភពខាងលើបានបន្តថា នាវាចម្បាំងពិសេសមួយនេះមានទម្ងន់រហូតដល់ ៥,០០០តោន និងប្រើពេលសាងសង់អស់រយៈពេលប្រមាណជា ៤០០ថ្ងៃ។ នាវាចម្បាំង Choe Hyon ក៏ត្រូវបានទីក្រុងព្យុងយ៉ាងបញ្ជាក់ផងដែរថា ជាសព្វាវុធដ៏ទំនើបនិងមានអានុភាពខ្លាំងក្លាជាមួយបច្ចេកវិទ្យាជាន់ខ្ពស់បំផុត ដែលអាចផ្ទុកមីស៊ីលបាញ់បានទាំងក្នុងសមុទ្រ និងទៅលើអាកាស ព្រមទាំងបំពាក់គ្រាប់បែកនុយក្លេអ៊ែរតាក់ទិករយៈចម្ងាយខ្លីទៀតផង។ ថ្លែងនៅក្នុងកម្មវិធីបង្ហាញនាវាខាងលើនេះ លោក គីម ជុងអ៊ុន បានបញ្ជាក់ថា វិស័យយោធាកូរ៉េខាងជើងបានបន្តរីកចម្រើនឥតឈប់ឈរ ហើយគិតត្រឹមពេលនេះកូរ៉េខាងមានសព្វាវុធទំនើបៗគ្រប់គ្រាន់ដើម្បីប្រយុទ្ធប្រឆាំងជាមួយប្រទេសធំៗនៅលើពិភពលោក ដែលមានបំណងចង់បង្កការគំរាមគំហែងមកលើដែនដីកូរ៉េខាងជើង៕ អត្ថបទ៖ ភក្តី ប្រភព៖ The

ចិន៖ ក្រុមហ៊ុន ByteDance ដែលជាក្រុមហ៊ុនគ្រប់គ្រងលើបណ្តាញសង្គម TikTok កំពុងពិចារណាអំពីជម្រើសនៃសាងសង់មជ្ឈមណ្ឌលរក្សាទុកទិន្នន័យរបស់ខ្លួនដ៏ធំមួយនៅក្នុងប្រទេសប្រេស៊ីល​ដោយចំណាយប្រាក់យ៉ាងច្រើន នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃសៅរ៍ ទី២៦ ខែមេសា។ តាមគម្រោងការនិយោគនេះនឹងត្រូវធ្វើឡើងជាច្រើនដំណាក់កាល ដោយនៅក្នុងដំណាក់កាលទី ១ គឺក្រុមហ៊ុន ByteDance ចង់បង្កើតមជ្ឈមណ្ឌលរក្សាទុកនិន្នន័យក្នុងទំហំ ៣០០មេហ្គាវ៉ាត់។ ប្រភពខាងលើបានបន្តថា បន្ទាប់ពីគម្រោងទី១ ទទួលបានជោគជ័យ គឺក្រុមហ៊ុនយក្សរបស់ចិនមួយនេះនឹងបន្តពង្រីងការសាងសង់មជ្ឈមណ្ឌលរក្សាទុកនិន្នន័យរបស់ខ្លួនរហូតដល់ទំហំ ៩០០មេហ្គាវ៉ាត់ផងដែរ។ យ៉ាងណាក្តី គិតត្រឹមពេលនេះតំណាងរបស់ក្រុមហ៊ុន ByteDance នៅមិនទាន់ចេញមកបញ្ជាក់លម្អិតអំពីគម្រោងខាងលើនេះនៅឡើយទេ ថានឹងត្រូវចាប់ផ្តើមនៅពេលនេះ និងចំណាយអស់ថវិកាក្នុងទំហំប៉ុណ្ណានោះ។ សូមរម្លឹកជូនផងដែរថា កាលពីអំឡុងខែកុម្ភៈកន្លងទៅនេះ ក្រុមហ៊ុន ByteDance

ក្រុមហ៊ុនផលិតទូរស័ព្ទ Apple គ្រោងប្តូរទីតាំងដំឡើងទូរស័ព្ទ iPhone សម្រាប់លក់នៅអាមេរិកពីប្រទេសចិនទៅកាន់ប្រទេសឥណ្ឌាទាំងស្រុងតែម្តង នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia កាលពីយប់ថ្ងៃសុក្រ ទី២៥ ខែមេសា។ បើគ្មានអ្វីប្រែប្រួលទេ គម្រោងផ្លាស់ប្តូរដ៏ធំនេះនឹងត្រូវចាប់ផ្តើមធ្វើឡើងនៅដើមឆ្នាំក្រោយនេះតែម្តង ខណៈគិតត្រឹមពេលនេះក្រុមហ៊ុនបានធ្វើការផ្លាស់ប្តូរនេះបានមួយផ្នែកហើយ។ ជុំវិញគម្រោងផ្តាស់ប្តូរដ៏ធំនេះ តំណាងរបស់ក្រុមហ៊ុន Apple នៅមិនទាន់បានបញ្ជាក់លម្អិតពីការសម្រេចនេះជាសាធារណៈនៅឡើយទេ តែគេអាចយល់បានថា ទំនងជាបណ្តាលមកពីបញ្ហាចម្រូងចម្រាសចំពោះអត្រាពន្ធគយរវាងរដ្ឋាភិបាលចិននិងរដ្ឋបាលអាមេរិក។ គួររម្លឹកជូនថា នាពេលកន្លងមក ក្រុមហ៊ុន Apple មានរោងចក្រដំឡើងទូរស័ព្ទ iPhone ជាច្រើនកន្លែងនៅក្នុងប្រទេសចិន សម្រាប់ចែកចាយទៅកាន់ទីផ្សារផ្សេងៗនៅលើពិភពលោក ខណៈទូរស័ព្ទទាំងនោះត្រូវបានកំណត់ដោយច្បាប់ពាណិជ្ជកម្មថា ជាផលិតផលផលិតនៅក្នុងប្រទេសចិន។ យ៉ាងណាក្តី ថ្មីៗនេះសហរដ្ឋអាមេរិកបានប្រកាសដំឡើងពន្ធនាំចូលលើផលិតផលចិនក្នុងអត្រាដ៏ខ្ពស់ ដែលកត្តានេះបានធ្វើឱ្យប៉ះពាល់ដល់ក្រុមហ៊ុនជាច្រើនដែលត្រូវនាំផលិតផលពីប្រទេសចិនទៅលក់នៅក្នុងសហរដ្ឋអាមេរិក៕  អត្ថបទ៖ ភក្តី

ជប៉ុន៖ ក្រុមហ៊ុនផលិតរថយន្តខ្នាតយក្សរបស់ជប៉ុន​ Nissan ប្រឈមនឹងការខាតបង់ប្រាក់រហូតដល់ ៥,៣ពាន់លានដុល្លារនៅក្នុងឆ្នាំ ២០២៤-២០២៥ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia។ ចំនួនទឹកប្រាក់ដែលត្រូវខាតបង់ខាងលើនេះគឺលទ្ធផលនៃការព្យាករណ៍ពីសំណាក់ក្រុមអ្នកជំនាញផ្នែកហិរញ្ញវត្ថុរបស់ក្រុមហ៊ុន Nissan ផ្ទាល់តែម្តង ខណៈរបាយការណ៍នេះក៏ត្រូវបានចេញផ្សាយជាសាធារណៈផងដែរ។ បើតាមលោក Ivan Espinosa នាយកប្រតិបត្តិរបស់ក្រុមហ៊ុន Nissan បានបញ្ជាក់ថា មានហេតុផលមួយចំនួនដែលធ្វើឱ្យក្រុមហ៊ុន Nissan ត្រូវខាតបង់ប្រាក់ក្នុងបរិមាណដ៏ច្រើនមិនធ្លាប់មានខាងលើនេះ ដូចជា៖ -ក្រុមហ៊ុនកំពុងមានវិបត្តិបំណុលយ៉ាងខ្លាំង -ការលក់រថយន្ត Nissan នៅក្នុងទីផ្សារចិនកំពុងជាប់គាំង -ការរងឥទ្ធិពលអាក្រក់ពីច្បាប់ដំឡើងពន្ធនាំចូលអាមេរិករបស់លោក ដូណាល់ ត្រាំ សូមរម្លឹកជូនថា កាលពីអំឡុងខែកុម្ភៈក្រុមហ៊ុន Nissan ធ្លាប់បានបញ្ចេញរបាយការណ៍ហិរញ្ញវត្ថុដោយបញ្ហាថា ក្រុមហ៊ុនបានខាតបង់ប្រាក់អស់ចំនួន ៨០ពាន់លានយេន (៥៥៩លានដុល្លារ)

អាមេរិក៖ ផ្សារ Online របស់លោកប្រធានាធិបតីអាមេរិក ដូណាល់ ត្រាំ បានដាក់លក់មួកគួរឱ្យចាប់អារម្មណ៍បំផុតមួយ ពោលគឺមាននិមិត្តសញ្ញា “Trump 2028” ដែលជាឆ្នាំនៃការបោះឆ្នោតជ្រើសរើសប្រធានាធិបតីសហរដ្ឋអាមេរិកក្នុងអាណត្តិបន្ទាប់ទៀត នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃសុក្រ ទី២៥ ខែមេសា។ មួកពណ៌ក្រហមជាមួយនិងសារនយោបាយគួរឱ្យភ្ញាក់ផ្អើលនេះត្រូវបានដាក់លក់ក្នុងតម្លៃរហូតដល់ ៥០ដុល្លារ។ គួរបញ្ជាក់ជូនថា យោងទៅតាមច្បាប់រដ្ឋធម្មនុញ្ញនៅសហរដ្ឋអាមេរិកបានកំណត់ឱ្យប្រធានាធិបតីម្នាក់អាចកាន់តំណែងកំពូលមួយនេះបានត្រឹមតែ ២អាណត្តិប៉ុណ្ណោះ បើទោះជាអាណត្តិនៃការដឹកនាំនោះជាប់គ្នា ឬមិនជាប់គ្នាក៏ដោយ។ ដូចនេះសម្រាប់លោកប្រធានាធិបតី ដូណាល់ ត្រាំ ដែលចង់ឈរឈ្មោះជាបេក្ខភាពប្រធានាធិបតីអាមេរិកនៅក្នុងអាណត្តិបន្ទាប់ទៀតនោះ គឺជារឿងផ្ទុយពីច្បាប់រដ្ឋធម្មនុញ្ញទាំងស្រុង ដ្បិតរូបគាត់ធ្លាប់បានកាន់តំណែង ២អាណត្តិរួចមកហើយ ពោលគឺអាណត្តិឆ្នាំ ២០១៧-២០២១ និងអាណត្តិ ឆ្នាំ២០២៥-២០២៩។ សូមរម្លឹកជូនថា

ថៃ៖ លោកស្រី ផែថងថាន ស៊ីណាវ៉ាត្រ នាយករដ្ឋមន្ត្រីថៃ ត្រូវបានបញ្ជូនទៅកាន់មន្ទីរពេទ្យទីក្រុងបាងកកភ្លាមៗកាលពីយប់មិញនេះដោយសារតែអាការៈគ្រុនក្តៅខ្លាំង នេះបើយោងតាមការចុះផ្សាយរបស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃសុក្រ ទី២៥ ខែមេសា។ គួរកត់សម្គាល់ថា បញ្ហាសុខភាពរបស់លោកផែថងថាន ស៊ីណាវ៉ាត្រ បានកើតឡើងក្រោយពេលដែលលោកស្រីទើបបានបញ្ចប់ដំណើរទស្សនកិច្ចរយៈពេល ២ថ្ងៃនៅក្នុងប្រទេសកម្ពុជា។ បើតាមលោក Jirayu Huangsab អ្នកនាំពាក្យរដ្ឋាភិបាលបានឱ្យដឹងថា ជំនួបនិងភារកិច្ចមួយចំនួនរបស់លោកស្រីនាយករដ្ឋមន្ត្រី ផែថងថាន ស៊ីណាវ៉ាត្រ ដែលត្រូវបំពេញនៅក្នុងថ្ងៃសុក្រនេះត្រូវបានលុបចោលនិងពន្យាពេលទាំងអស់ ដ្បិតលោកស្រីនៅមិនទាន់អាចត្រឡប់ទៅបំពេញការងារបានជាធម្មតាវិញនៅឡើយទេ។ យ៉ាងណាក្តី រហូតមកទល់នឹងពេលនេះគេនៅមិនទាន់ទទួលបានព័ត៌មានលម្អិតបន្ថែមអំពីស្ថានភាពសុខភាពជាក់ស្តែងរបស់លោកស្រីនាយករដ្ឋមន្រី្តវ័យ ៣៨ឆ្នាំរូបនេះពីខាងមន្ទីរពេទ្យបាននៅឡើយទេ៕ អត្ថបទ៖ ភក្តី ប្រភព៖ បាងកកប៉ុស្តិ៍

វៀតណាម៖ វៀតណាមនិងអាមេរិកបានចាប់ផ្តើមបើកកិច្ចចរចាជាផ្លូវការអំពីបញ្ហានៃការដំឡើងពន្ធគយលើទំនិញ ដែលត្រូវនាំចូលទៅកាន់សហរដ្ឋអាមេរិកហើយ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍ ទី២៤ ខែមេសា។ គួរបញ្ជាក់ជូនថា ក្នុងការអនុវត្តច្បាប់ពន្ធគយថ្មីដែលត្រូវបានប្រកាសឡើងដោយលោកប្រធានាធីបតី ដូណាល់ ត្រាំ កាលពីពេលថ្មីៗនេះ គឺប្រទេសវៀតណាមត្រូវប្រឈមនឹងការបង់ពន្ធចំពោះទំនិញរបស់ខ្លួនក្នុងអត្រា ៤៦%។ ប្រភពខាងលើបានបន្តថា កិច្ចចរចារផ្លូវការខាងលើនេះគឺត្រូវបានធ្វើឡើងតាមរយៈការហៅទូរស័ព្ទដោយផ្ទាល់ពីសំណាក់លោក Nguyen Hong Dien រដ្ឋមន្ត្រីក្រសួងពាណិជ្ជកម្មវៀតណាម ទៅកាន់លោក  Jamieson Greer ដែលជាអ្នកតំណាងពាណិជ្ជកម្មអាមេរិក។ ទន្ទឹមនឹងការចរចារនេះភាគីវៀតណាមក៏បានចុះកិច្ចព្រមព្រៀងបញ្ជាទិញយន្តហោះដឹកអ្នកដំណើរប្រភេទ Boeing 737 Max ចំនួន ៥០គ្រឿងពីសហរដ្ឋអាមេរិកផងដែរ។ គួរកត់សម្គាល់ថា អាមេរិកគឺជាទីផ្សារដ៏ធំមួយសម្រាប់វៀតណាមនៅក្នុងចំណោមទីផ្សារធំៗចំនួន ២ផ្សេងទៀតគឺប្រទេសចិននិងម៉ិចស៊ីកូ ហើយនាពេលកន្លងមកវៀតណាមនិងអាមេរិកធ្លាប់មានទំនាក់ទំនងពាណិជ្ជកម្មជាមួយគ្នាក្នុងទំហំទឹកចំនួន

អាមេរិក៖ អតីតទាហានអាមេរិកម្នាក់ត្រូវបានតុលាការកាត់ទោសឱ្យជាប់ពន្ធនាគារយៈពេល ៧ឆ្នាំ ជុំវិញករណីបានលក់ព័ត៌មានសម្ងាត់ជាតិឱ្យទៅប្រទេសចិន នេះបើយោបតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃព្រហស្បតិ៍​ ទី២៤ ខែមេសា។ អតីតទាហានអាមេរិករូបនេះមានឈ្មោះថា Korbein Schultz មានឋានៈជាពលបាល និងមានជំនាញជាអ្នកវិភាគការសម្ងាត់ទាក់ទងនឹងសន្តិសុខជាតិ។ ប្រភពខាងលើបានបន្តថា ពេលនៅបម្រើការងារឱ្យក្រសួងការពារជាតិអាមេរិក ពលបាល Korbein Schultz បានលួចផ្តល់ឯកសារសម្ងាត់របស់យោធាអាមេរិកយ៉ាងហោចណាស់ ចំនួន ៩២ករណីទៅកាន់បណ្តាញចារកម្មចិន ដែលមានមូលដ្ឋានការងារស្ថិតនៅក្នុងទីក្រុងហុងកុង ដើម្បីជាថ្នូរនឹងការទទួលប្រាក់ចំនួន ៤២,០០០ដុល្លារ។ ឯកសារសំខាន់ៗទាំងនោះរួមមាន ព័ត៌មានទាក់ទងនឹងប្រព័ន្ធសព្វាវុធនិងយុទ្ធសាស្ត្រ និងយុទ្ធសាស្ត្រយោធារបស់សហរដ្ឋអាមេរិក៕ អត្ថបទ៖ ភក្តី ប្រភព៖ The Strait Time

ស្វីស៖ អង្គការសុខភាពពិភពលោក (WHO) បានបង្ហាញគម្រោងកាត់បន្ថយបុគ្គលិកមួយចំនួនដោយសារបញ្ហាថវិកា នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃពុធ ទី២៣ ខែមេសា។  យ៉ាងណាក្តី អង្គការសុខភាពពិភពលោកមិនបានបញ្ជាក់អំពីចំនួនបុគ្គលិកជាក់លាក់ដែលត្រូវកាត់បន្ថយនោះទេ ខណៈគិតត្រឹមពេលនេះអង្គការដែលមានមូលដ្ឋានៅក្នុងប្រទេសស្វីសមានបណ្តាញបុគ្គលិកនៅជុំវិញពិភពលោកជាង​ ៨,០០០នាក់។ បើតាមលោក Tedros Adhanom Ghebreyesus ប្រធានអង្គការសុខភាពពិភពលោកបានឱ្យដឹងថា​ កាលពីឆ្នាំ ២០២២ សហរដ្ឋអាមេរិកធ្លាប់បានផ្តល់ជំនួយជាទឹកប្រាក់ចំនួន ១,៣ពាន់លានដុល្លារឱ្យអង្គការសុខភាពពិភពលោកសម្រាប់ធ្វើប្រតិបត្តិការណ៍នៅក្នុងឆ្នាំ២០២៣។ ប៉ុន្តែនៅក្នុងឆ្នាំ២០២៤ អាមេរិកមិនបានផ្តល់ប្រាក់ជំនួយនោះទេ ហើយនៅក្នុងឆ្នាំ២០២៥នេះ​ ក៏អាមេរិកគ្មានគម្រោងបន្តផ្តល់ជំនួយនេះដែរ។ ផ្ទុយទៅវិញកាលពីអំឡុងខែមករាកន្លងទៅ លោកប្រធានាធិបតីអាមេរិក ដូណាល់ ត្រាំ បានបង្ហាញពីផែនការដកខ្លួនចេញពីសមាជិករបស់អង្គការមួយនេះទៀតផង។ នៅចំពោះមុខការខ្វះខាតថវិកានេះ គឺអង្គការសុខភាពពិភពលោកគ្មានជម្រើសណា ក្រៅពីបង្ខំចិត្តកាត់បន្ថយបុគ្គលិកនិងកាត់បន្ថយប្រតិបត្តិការណ៍របស់ខ្លួននោះទេ៕