អាមេរិក៖ សហរដ្ឋអាមេរិកនឹងបាត់បង់ប្រាក់ចំណូលពីវិស័យទេសចរណ៍អន្តរជាតិចំនួន ១២,៥ ពាន់លានដុល្លារសម្រាប់នៅក្នុងឆ្នាំ ២០២៥ នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសុក្រ ទី១៦ ខែឧសភា។ ការធ្លាក់ចុះប្រាក់ចំណូលនេះ ក៏ជាការធ្លាក់ចុះប្រាក់ចំណូលដ៏ច្រើនមិនធ្លាប់មានចំពោះសហរដ្ឋអាមេរិកផងដែរ បើគិតក្នុងរយៈពេលជាច្រើនឆ្នាំចុងក្រោយនេះ។ សូមបញ្ជាក់ជូនថា ខ្លឹមសារនៃការចុះផ្សាយនេះគឺជាលទ្ធផលនៃសិក្សានិងវិភាគ ដែលត្រូវបាធ្វើឡើងដោយក្រុមប្រឹក្សាទេសចរណ៍និងការធ្វើដំណើរពិភពលោក (World Travel and Tourism Council)  និងក្រុមហ៊ុន Oxford Economics។ ប្រភពខាងលើបានបន្តថា ការធ្លាក់ចុះប្រាក់ចំណូលពីវិស័យទេសចរណ៍អន្តរជាតិរបស់អាមេរិកនៅពេលនេះបានកើតឡើងស្របពេលដែរ លោកប្រធានាធិបតី ដូណាល់ ត្រាំ កំពុងអនុវត្តច្បាប់យ៉ាងតឹងរឹងចំពោះជនអន្តោប្រវេសន៍ខុសច្បាប់ អាមេរិកកំពុងមានបញ្ហានយោបាយជាមួយបណ្តាប្រទេសមួយចំនួន អាមេរិកកំពុងអនុវត្តច្បាប់ដំឡើងពន្ធគយយ៉ាងខ្ពស់ ពលរដ្ឋនៅតាមបណ្តាប្រទេសមួយចំនួនកំពុងធ្វើពហិការមិនប្រើប្រាស់ផលិតផលសហរដ្ឋអាមេរិក ឬមិនធ្វើដំណើរទៅកាន់សហរដ្ឋអាមេរិកជាដើម៕

អាមេរិក៖ ស្ទូឌីយ៉ូហូលីវូដ (Hollywood ) និងសហជីពតំណាងឱ្យអ្នកធ្វើការងារក្នុងវិស័យភាពយន្តនៅអាមេរិកបានរួមគ្នាស្នើសុំឱ្យលោក ដូណាល់ ត្រាំ ផ្តល់ការលើកលែងពន្ធចំពោះការផលិតខ្សែភាពយន្តនៅអាមេរិក នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃអង្គារ ទី១៣ ខែឧសភា។ ការស្នើសុំនេះត្រូវបានធ្វើឡើងបន្ទាប់ពីលោកប្រធានាធិបតី ដូណាល់ ត្រាំ កាលពីសប្តាហ៍មុននេះបានប្រកាសថា​ លោកចង់យកពន្ធចំពោះខ្សែភាពយន្តដែលផលិតនៅក្រៅទឹកដីអាមេរិករហូតដល់អត្រា ១០០%។ ប្រភពខាងលើបានបន្តថា នៅក្នុងសេចក្តីស្នើសុំការលើកលែងពន្ធរួមគ្នាពីសំណាក់ស្ទូឌីយ៉ូហូលីវូដ និងសហជីពខាងលើនេះក៏មានការចុះហត្ថលេខាពីសំណាក់កំពូលតារាសម្តែង លោក Sylvester Stallone (រ៉ាំបូ) និង លោក Jon Voight ផងដែរ ដែលបុគ្គលល្បីៗទាំង ២រូបនេះ

ថៃ៖ អាជ្ញាធរសុខាភិបាលថៃបានចេញសេចក្តីព្រមានអំពីគ្រោះថ្នាក់នៃជំងឺកូវីដ-១៩ ជាថ្មីម្តងទៀត នេះបើយោងតាមការចុះផ្សាយ​របស់បណ្តាញសារព័ត៌មាន បាងកកប៉ុស្តិ៍ នៅក្នុងថ្ងៃអង្គារ​ ទី១៣ ខែឧសភា។ ការចេញសេចក្តីព្រមាននេះត្រូវបានធ្វើឡើង ក្រោយអាជ្ញាធរថៃបានរកឃើញជនរងគ្រោះ ដែលបានស្លាប់បាត់បង់ជីវិតដោយសារជំងឺកូវីដ-១៩ ចំនួន ៦នាក់ នៅក្នុងរយៈពេល ១សប្តាហ៍ចុងក្រោយនេះ។ គួរកត់សម្គាល់ថា ជំងឺកូវីដ-១៩ ដែលហាក់បានបាត់ខ្លួនអស់រយៈពេលប្រហែល ២-៣ឆ្នាំមកហើយនោះ ពេលនេះបានកំពុងតែផ្ទុះការរាតត្បាតជាថ្មីម្តងទៀតនៅក្នុងប្រទេសថៃ និងបានបំប្លែងខ្លួនទៅជាមេរោគថ្មីមួយប្រភេទទៀត ដែលអាចបង្កការចម្លងលឿនជាងមេរោគចាស់ទៅទៀត។ បើតាមលោកវេជ្ជបណ្ឌិត​ Thira Woratanarat ប្រធានមហាវិទ្យាល័យវេជ្ជសាស្ត្រ នៃសាកលវិទ្យាល័យជូឡាឡុងកនបានបញ្ជាក់ថា គិតត្រឹមចន្លោះពីថ្ងៃទី ៤ ខែឧសភា ដល់ថ្ងៃទី ១០ ខែឧសភា មានអ្នកឆ្លងជំងឺកូវីដ-១៩នៅទូទាំងប្រទេសថៃចំនួន

តៃវ៉ាន់៖ តៃវ៉ាន់បានធ្វើការបាញ់សាកល្បងប្រព័ន្ធរ៉ុកកែតដ៏ទំនើបបំផុតមួយជាលើកដំបូង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time កាលពីយប់ថ្ងៃចន្ទ ទី១២ ខែឧសភា។ ប្រព័ន្ធរ៉ុកកែតដ៏ទំនើប ដែលតៃវ៉ាន់បានប្រើប្រាស់ក្នុងការបាញ់សាកល្បងនោះមានឈ្មោះថា High Mobility Artillery Rocket Systems ឬអាចប្រែសម្រួលថា ជាប្រព័ន្ធរ៉ុកកែតកាំភ្លើងធំចល័តកម្រិតខ្ពស់។ ប្រភពខាងលើបានបន្តថា ប្រព័ន្ធរ៉ុកកែត High Mobility Artillery Rocket Systems គឺជាបច្ចេកវិទ្យាដ៏ទំនើបចុងក្រោយរបស់សហរដ្ឋអាមេរិក ហើយប្រព័ន្ធអាវុធប្រភេទនេះក៏កំពុងត្រូវបានក្រុមយោធាអ៊ុយក្រែនប្រើប្រាស់ក្នុងការធ្វើសង្គ្រាមជាមួយរុស្ស៊ីផងដែរ។ គួររម្លឹកជូនថា តៃវ៉ាន់បានបញ្ជាទិញប្រព័ន្ធរ៉ុកកែត High Mobility Artillery Rocket Systems

អង់គ្លេស/ចិន៖ តម្លៃភាគហ៊ុននៅក្នុងទីផ្សារពិភពលោកបានកើនឡើងគួរឱ្យកត់សម្គាល់ ក្រោយចិននិងអាមេរិកបានយល់ព្រមកាត់បន្ថយពន្ធរវាងប្រទេសទាំង ២ក្នុងអត្រាយ៉ាងច្រើន នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងរសៀលថ្ងៃចន្ទ ទី១២ ខែឧសភា។ ភ្លាមៗក្រោយការបញ្ចុះអត្រាពន្ធគយរវាងប្រទេសមហាអំណាចទាំង ២ខាងលើនេះ ទីផ្សារភាគហ៊ុននៅក្នុងតំបន់អាស៊ីបានកើនឡើងជាង ៣% ខណៈទីផ្សារភាគហ៊ុននៅតំបន់អឺរ៉ុប និងអាមេរិកបានកើនឡើងជាង ១%។ សូមបញ្ជាក់ជូនថា លទ្ធផលនៃកិច្ចចរចាររវាងប្រទេសចិននិងអាមេរិក ដែលបានរៀបចំឡើងនៅក្នុងទីក្រុងសឺណេវប្រទេសស្វីលបានបង្ហាញថា សហរដ្ឋអាមេរិកយល់ព្រមបញ្ចុះអត្រាពន្ធនាំចូលពីប្រទេសចិន ពីអាត្រា ១៤៥% មកសល់ត្រឹម ៣០% ខណៈចិនយល់ព្រមបញ្ចុះអត្រាពន្ធនាំចូលពីអាមេរិក ពីអត្រា ១២៥% មកដល់ត្រឹម ១០% និងសម្រេចពួរអត្រាពន្ធ ២៤% ក្នុងរយៈពេល

ស្វីល៖ ​ចិននិងសហរដ្ឋអាមេរិកបានយល់ព្រមបន្ថយអត្រាពន្ធគយរវាងគ្នាទៅវិញទៅមកក្នុងកម្រិតយ៉ាងច្រើន នេះបើយោងតាមការចុះផ្សាយរបស់បណ្តាញសារព័ត៌មាន South China Morning Post នៅក្នុងថ្ងៃចន្ទ ទី១២ ខែឧសភា។ សេចក្តីសម្រេចខាងលើនេះគឺផ្លែផ្កា ដែលបានកើតចេញពីកិច្ចចរចារពិសេសមួយរវាងតំណាងប្រទេសចិននិងអាមេរិក ដែលកំពុងរៀបចំឡើងនៅក្នុងទីក្រុងសឺណែវ នៃប្រទេសស្វីស។ នៅក្នុងសេចក្តីថ្លែងការរួមគ្នាមួយបានបញ្ជាក់ថា ចិននិងអាមេរិកបានយល់ព្រមដកអត្រាពន្ធចំនួន ៩១% និងសម្រេចព្យួរអត្រាពន្ធចំនួន ២៤% ក្នុងរយៈពេល ៩០ថ្ងៃ ខណៈអត្រាពន្ធចំនួន ២០% របស់សហរដ្ឋអាមេរិក ដែលត្រូវបានកំណត់ដោយលោកប្រធានាធិបតី ដូណាល់ ត្រាំ កាលពីអំឡុងខែមករាកន្លងមកនោះ គឺនៅបន្តមានមានសុពលភាពដដែល។ ដូចនេះគិតត្រឹមពេលនេះ គឺអត្រាពន្ធគយរបស់អាមេរិកចំពោះផលិតចិនត្រូវចុះនៅសល់ត្រឹម ៣០% ខណៈអត្រាពន្ធគយរបស់អាជ្ញាធរចិនចំពោះផលិតអាមេរិកបានចុះនៅសល់ត្រឹម ១០%។

ចិន៖ តំបន់ទីបេ ប្រទេសចិនបានទទួលរងនូវការវាយប្រហារដោយគ្រោះរញ្ជួយដីកម្រិត ៥,៥រ៉ិចទ័រកាលពីព្រឹកមិញនេះ នេះបើយោងតាមការចុះផ្សាយរបស់បណ្តាញសារព័ត៌មាន Channel News Asia នៅក្នុងថ្ងៃចន្ទ ទី១២ ខែឧសភា។ គ្រោះរញ្ជួយដីបានកើតឡើងនៅក្នុងក្រុង Shigatse នៅម៉ោងប្រមាណជា ៥ និង១១នាទីព្រឹក (ម៉ោងនៅក្នុងតំបន់) ដែលបានបង្កើតភាពញ័រក្នុងដីជម្រៅប្រមាណជា ១០គីឡូម៉ែត្រ។ យ៉ាង​ណាក្តី រហូតមកទល់នឹងពេលនេះនៅមិនទាន់មានរបាយការណ៍ណាមួយបង្ហាញថា មានជនរងគ្រោះ ឬមានការខូចខាតហេដ្ឋរចនាសម្ព័ន្ធយ៉ាងណានៅឡើយទេ។ គួររម្លឹកជូនថា កាលពីខែមករាកន្លងទៅស្រុក Tingri ក្នុងតំបន់ទីបេ ក៏បានរងនូវការវាយប្រហារដោយគ្រោះរញ្ជួយដីម្តងដែរ ដោយនៅពេលនោះគ្រោះរញ្ជួយដីបានកើតឡើងក្នុងកម្រិត ៦,៨រ៉ិចទ័រ និងបានបណ្តាលឱ្យមានមនុស្សជាង ១២០នាក់បានស្លាប់បាត់បង់ជីវិត៕  អត្ថបទ៖ ភក្តី ប្រភព៖ Channel News

អាមេរិក៖ រដ្ឋបាលចំណីអាហារ និងឱសថអាមេរិកបានអនុម័តឱ្យប្រើ​ប្រាស់ឧបករណ៍ធ្វើតេស្តរកជំងឺមហារីកមាត់ស្បូននៅតាមផ្ទះជាលើកដំបូង នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃសៅរ៍ ទី១០ ខែឧសភា។ ឧបករណ៍ធ្វើតេស្តេពិសេសនេះមានឈ្មោះថា “Teal Wand” និងត្រូវបានអភិវឌ្ឍឡើងដោយក្រុមហ៊ុន Teal Health ដែលជាក្រុមហ៊ុនមានគោលដៅផ្តោតលើការកម្ពស់សុខភាពស្រ្តីជាចម្បង។ ប្រភពខាងលើបានបន្តថា ការប្រើប្រាស់ “Teal Wand” គឺមានភាពងាយស្រួលបំផុត ដោយគ្រាន់តែយកឧបករណ៍នេះទៅដាក់នៅប្រដាប់ភេទរបស់មនុស្សស្រី ហើយវានឹងអាចផ្តល់ព័ត៌អំពីជំងឺមហារីកមាត់ស្បូនដោយខ្លួនឯងដោយមិនចាំបាច់ទៅមន្ទីរពិសោធន៍នោះទេ។ បើតាមអាជ្ញាធរអាមេរិកបានបង្ហាញសុទិដ្ឋិនិយមថា ​ឧបករណ៍ “Teal Wand” នឹងក្លាយជាជំនួយការដ៏ឆ្លាតវ័យមួយសម្រាប់មនុស្សស្រីជាច្រើននៅលើពិភពលោក ដ្បិតវាអាចផ្តល់ព័ត៌មានអំពីជំងឺមហារីកមាត់ស្បូនបានយ៉ាងឆាប់រហ័ស និងងាយស្រួល ហើយជាពិសេសនេះវាក៏អាចជួយជម្រុញទឹកចិត្តដល់ស្រ្តីមួយចំនួនឱ្យបន្តតាមដានសុខភាពខ្លួនឯងបានជាប្រចាំផងដែរ ក្នុងករណីដែលពួកគាត់គ្មានពេលគ្រប់គ្រាន់សម្រាប់ទៅមន្ទីរពេទ្យ។ សូមបញ្ជាក់ជូនថា​ ជំងឺមហារីកមាត់ស្បូនគឺជាឃាតករលាក់មុខដ៏កាចសាហាវមួយ ដែលបានសម្លាប់ស្រ្តីរាប់សែននាក់នៅជុំវិញពិភពលោកជារៀងរាល់ឆ្នាំ៕ អត្ថបទ៖

ស្រីលង្កា៖ យ៉ាងហោចណាស់មានមនុស្សចំនួន​ ៦នាក់បានស្លាប់បាត់បង់ជីវិតក្នុងហេតុការណ៍ធ្លាក់ឧទ្ធម្ភាគចក្រមួយគ្រឿងនៅក្នុងប្រទេសស្រីលង្កា នេះបើយោងតាមការចុះផ្សាយរបស់បណ្តាញសារព័ត៌មាន The Strait Time នៅក្នុងថ្ងៃទី៩ ខែឧសភា។ ឧទ្ធម្ភាគចក្រដែលបានជួបគ្រោះថ្នាក់នោះគឺជាឧទ្ធម្ភាគចក្រប្រភេទ Bell 212 ដែលស្ថិតនៅក្រោមការគ្រប់គ្រងរបស់កងទ័ពជើងអាកាសស្រីលង្កា។ បើតាមលោក Eranda Geeganage ដែលជាអ្នក​នាំ​ពាក្យ​ឱ្យកង​ទ័ពជើង​អាកាស​ស្រីលង្កាបានឱ្យដឹងថា ជនរងគ្រោះដែលបានស្លាប់បាត់បង់ជីវិតទាំងអស់នោះគឺសុទ្ធតែជាមន្ត្រីយោធានៃកងទ័ពជើងអាកាស​ ដោយនៅក្នុងនោះមាន ៤នាក់ជាកងកម្លាំងពិសេស និង ២នាក់ផ្សេងទៀតគឺជាខ្មាន់កាំភ្លើង ដែលមានជំនាញបាញ់កាំភ្លើងពីលើយន្តហោះទៅកាន់គោលដៅឆ្ងាយៗ។ លោក Eranda Geeganage បានបន្តថា ការធ្លាក់ឧទ្ធម្ភាគចក្រនេះបានកើតឡើងក្នុងអំឡុងពេលហ្វឹកហ្វាត់ ខណៈមូលហេតុនៃការធ្លាក់នៅមិនទាន់មានការបញ្ជាក់ច្បាស់លាស់នៅឡើយទេ៕ អត្ថបទ៖ ភក្តី ប្រភព៖ The Strait Time

អាមេរិក៖ ក្រុមហ៊ុន Google បានយប់ព្រមបង់ប្រាក់ចំនួន ១,៣៧៥ ពាន់លានដុល្លារទៅកាន់រដ្ឋតិចសាសជុំវិញករណីបំពានសិទ្ធឯកជនរបស់អ្នកប្រើប្រាស់ នេះបើយោងតាមការចុះផ្សាយរបស់បណ្តាយញសារព័ត៌មាន Channel News Asia នៅក្នុងថ្ងៃសៅរ៍​ ទី១០ ខែឧសភា។ ការបង់ប្រាក់ក្នុងទំហំដ៏ច្រើននេះគឺត្រូវបានធ្វើឡើងតបតាមពាក្យបណ្តឹងរបស់អាជ្ញាធររដ្ឋតិចសាស ដែលបានចោទប្រកាន់ថា ក្រុមហ៊ុន Google បានលួចប្រើប្រាស់ទិន្នន័យឯកជនរបស់អ្នកប្រើប្រាស់ ដោយគ្មានការអនុញ្ញាតពីសាមីខ្លួនឡើយ។ គួរកត់សម្គាល់ថា រឿងរ៉ាវចម្រូងម្រាសអំពីករណីបំពានសិទ្ធឯកជនអ្នកប្រើប្រាស់នេះបានកើតមានជារឿយៗចំពោះក្រុមហ៊ុនបច្ចេកវិទ្យាខ្នាតយក្សជាច្រើន ដ្បិតក្រុមហ៊ុនទាំងនេះតែងលួចតាមដានឬប្រមូលព័ត៌មានផ្ទាល់ខ្លួនរបស់អ្នកប្រើប្រាស់ជាសម្ងាត់ក្នុងគោលបំណងស្វែងរកប្រាក់ចំណូលតាមរយៈរូបភាពផ្សេងៗជាច្រើន ជាពិសេសនោះគឺការផ្សព្វផ្សាយពាណិជ្ជកម្មឱ្យត្រូវនឹងទំនោររបស់ក្រុមអ្នកប្រើប្រាស់ទាំងនោះ។ ជាក់ស្តែងកាលពីឆ្នាំមុន ក្រុមហ៊ុន Meta ដែលជាក្រុមហ៊ុនគ្រប់គ្រងលើបណ្តាញសង្គម Facebook និង Instagram ក៏បានយល់ព្រមបង់ប្រាក់ចំនួន ១,៤ពាន់លានដុល្លារទៅកាន់រដ្ឋតិចសាសជុំវិញបទចោទដូចគ្នានេះផងដែរ៕ អត្ថបទ៖ ភក្តី ប្រភព៖ Channel