ម្ចាស់ទំព័រ Facebook ឈ្មោះថា Melinda ចែករំលែកចំណេះដឹង ដែលតែងតែអះអាងថាខ្លួនជាអ្នកគ្រូ Melinda និងជាអ្នកចែករំលែកចំណេះដឹងល្អៗនៅលើបណ្តាញសង្គម ហើយក៏ជាអ្នកបង្រៀនភាសាបរទេសនៅលើប្រព័ន្ធ Online តាមរយៈការលក់វិដេអូមេរៀន ក្នុងតំលៃរាប់រយដុល្លារ និងមានរហូតដល់តំលៃ $3000 ថែមទៀតផងនោះ ពេលនេះបានចេញវិដេអូឆ្លើយតបចំពោះការរិះគន់ មកលើរូបគាត់ថាមិនសាកសមជាគ្រូបង្រៀនអ្វីជាដើម។

ម្ចាស់ទំព័រ Facebook Melinda ចែករំលែកចំណេះដឹង បានរៀបរាប់ថា គាត់ធ្វើ Online នេះរយៈពេលជិតមួយឆ្នាំហើយ ដោយមានអ្នកស្រលាញ់មានអ្នកស្អប់ក៏ច្រើនដែរ។ គាត់បានរៀបរាប់ទៀតថា ប្រសិនបើគ្មាន Facebook ទេអ្នកដែលស្អប់គាត់ប្រហែលទៅវាយគាត់ដល់ផ្ទះក៏អាចថាបាន ប៉ុន្តែវិធីសាស្ត្រមួយដែល គេចផុតពីមនុស្សដែលស្អប់គាត់ គឺគាត់នឹងធ្វើការ Block ពួកគេចេញពី Facebook របស់គាត់តែម្តង។ គួរបញ្ជាក់ផងដែរថា អ្នកគ្រូ Melinda រូបនេះធ្លាប់បានរងការរិះគន់ពីសំណាក់មហាជន ក៏ដូចជាជនល្បីៗនៅលើ Facebook ជាច្រើន តួយ៉ាងសូម្បីតែ បងស្រី Kaka KH ក៏ធ្លាប់រិះគន់គាត់ដែរ៕