សម្តេចតេជោ ហ៊ុន សែន ផ្ញើថវិកាចូលបុណ្យលោក រិទ្ធី គណៈកម្មការកម្មវិធី Master Chef Khmer

បើតាមការបញ្ជាក់របស់កញ្ញា ចេស៊ីកា ដែលជាគណៈកម្មការមួយរូបនៅក្នុងកម្មវិធីលំដាប់ថ្នាក់ពិភពលោក Master Chef Khmer នៅលើ Facebook របស់នាងថា សម្តេចអគ្គមហាសេណាបតីតេជោ នាយករដ្ឋមន្រ្តី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្ញើថវិកាចូលបុណ្យសពដើម្បីចូលរួមរំលែកទុក្ខលោក រិទ្ធី ដែលជាគណៈកម្មការមួយរូបនៅក្នុងកម្មវិធី Master Chef Khmer។

“សូមអរគុណដល់ សម្តេចអគ្គមហាសេណាបតីតេជោ នាយករដ្ឋមន្រ្តី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែយកចិត្តទុកដាក់ដល់កូនចៅ​ ពេលកូនចៅជួបគ្រាលំបាក មិនថាពេលណា វិនាទីណា លោកទាំងពីរតែងតែជួយគ្រប់ពេល។ សូមអរគុណ ប៉ា ដែលបានអញ្ជេីញចូលរួម តំណាងជំនួស លោកទាំងពីរ”