ក្រសួងមហាផ្ទៃស្នើសុំបង្កើតខេត្តថ្មីចំនួន០២បន្ថែមទៀត

យោងតាមលិខិតចេញដោយក្រសួងមហាផ្ទៃបានឲ្យដឹងថា ក្រសួងបានធ្វើការស្នើរសុំសម្តេចនាយករដ្ឋមន្ត្រី ដើម្បីបង្កើតខេត្តថ្មីចំនួន០២បន្ថែមទៀត។ យោងតាមលិខិតចេញដោយក្រសួងមហាផ្ទៃបានឲ្យដឹងថា ខេត្តថ្មីទាំង២ ដែលគ្រោងនឹងបង្កើតថ្មីនោះគឺទីមួយ បំបែកចេញពីខេត្តកណ្តាល និងខេត្តមួយទៀតគឺពិនិត្យលើកត្តាភូមិសាស្ត្រ និងប្រជាសាស្ត្ររបស់ស្រុកកោះញែក នៃខេត្តមណ្ឌលគិរី និងស្រុកលំផាត់ នៃខេត្តរតនគិរី។ ក្រសួងក៏បានបញ្ជាក់ផងដែរថា ការបំបែកខេត្តថ្មីនេះ គឺដើម្បីជួយលើកកម្ពស់ប្រសិទ្ធភាពនៃការគ្រប់គ្រងរដ្ឋបាល ការថែរក្សាសន្តិសុខសណ្តាប់ធ្នាប់សាធារណៈ ការជំរុញអភិវឌ្ឍនៅមូលដ្ឋាន និងការផ្តល់សេវាសាធារណៈជូនប្រជាពលរដ្ឋ៕

អត្ថបទ៖ សេម