មកដឹងការពិត ដែលលូនៅគល់ស្ពានអាកាសក្បាលថ្នល់ប្រហោងធំបង្កឲ្យមានការភ័យខ្លាចដល់ការធ្វើដំណើរ

កាលពីពេលកន្លងទៅថ្មីៗនេះ មានការចែកចាយនៅលើបណ្តាញសង្គមទាក់ទងនឹងករណីលូដ៏ធំមួយនៅគល់ស្ពានអាកាសក្បាលថ្នល់ ស្រាប់តែប្រែជាប្រហោងបាត់គំរបបាត់ ធ្វើឲ្យអ្នកដំណើរនៅលើដងផ្លូវនោះមានការព្រួយបារម្ភយ៉ាងខ្លាំងពីសុវត្ថិភាពបើកបររបស់ពួកគាត់។ ទាក់ទងនឹងករណីនេះ មន្ទីរសាធារណការ និងដឹកជញ្ជូន បានធ្វើការបញ្ជាក់កាលពីម្សិលមិញថា គំរបដែកអណ្តូងលូនៅក្បែរអាកាសក្បាលថ្នល់នោះត្រូវបានចោរលួចកាលពីយប់ថ្ងៃទី៣០ ខែតុលា បាត់ ទើបបណ្តាលឲ្យប្រហោងបែបនេះ ហើយកាលពីរសៀលម្សិលមិញនេះក្រុមការងារមន្ទីរសាធារណការបានធ្វើការជួយជុលគំរបលូរួចរាល់ហើយ៕

អត្ថបទ៖ សេម
រូបភាព៖ មន្ទីរសាធារណការ និងដឹកជញ្ជូន