អ្នកលក់ឡេអនឡាញល្បីឈ្មោះ គឹអ្នកនាង ទ្រិញ ផល្លា ដែលគេស្គាល់ថាជាភរិយារបស់ នាយចក់ អ្នកអធិប្បាយកីឡាបាល់ទាត់ល្បីឈ្មោះម្នាក់បានកើតរឿងជម្លោះក្នុងគ្រួសារជាលើកទី២ផ្អើលពេញបណ្តាញសង្គមដោយមុននេះបន្តិចនាងបានអញ្ជើញអ្នកសារព័ត៌មាន មកធ្វើការ Live បកស្រាយចំពោះរឿងរ៉ាវដែលបានកើតឡើងមកលើរូបនេះ។

អ្នកនាង ទ្រិញ ផល្លា បានអោយដឹងថា ក្នុងជម្លោះរវាងនាងនិងស្វាមីឈ្មោះចក់ជាលើកទី២នេះ ដោយសារតែនាយចក់បានប្រើហិង្សាមកលើរូបនាងបណ្តាលអោយរលូតកូន ហើយរឿងបានកើតឡើងនៅយប់មួយដែលនាយចក់ បានប្រព្រឹត្តិអំពើអនាចារមកលើរូបនាង នៅមុខមិត្តភ័ក្ររបស់នាងផ្ទាល់តែម្តង ពោលនៅក្នុងបន្ទប់មិត្តភ័ក្រនាង ក្រោយពេលពួកគេបានត្រឡប់មកពីពិធីជប់លៀងមួយ។ អ្នកលក់ឡេល្បីឈ្មោះរូបនេះបានបញ្ជាក់ផងដែរថា នាងបានដាក់ពាក្យបណ្តឹងរួចរាល់អស់ហើយ រង់ចាំតែសមត្ថកិច្ចនិងមន្ត្រីច្បាប់ចាត់ការលើនាយចក់តែប៉ុណ្ណោះ៕