យោងតាមមជ្ឈមណ្ឌលបណ្តាញរញ្ជួយដីរបស់ប្រទេសចិន (CENC) បានឱ្យដឹងថា គ្រោះរញ្ជួយដីចំនួន ២ ជាមួយនឹងកម្រិត ៤.២ និង ២.៩ រ៉ិចទ័រ បានវាយប្រហារតំបន់ Shimian ក្នុងទីក្រុង Ya’an កាលពីថ្ងៃច័ន្ទ បន្ទាប់ពីការរញ្ជួយដីកម្រិត ៦.៨ រ៉ិចទ័រ បានវាយប្រហារនៅក្នុងតំបន់ Luding។ ក្រោយមកទៀត តំបន់ Luding ក៏រងការវាយប្រហារដោយការរញ្ជួយដីចំនួន ២ បន្ថែមទៀត នៅកម្រិត ៣.១ និង ២.៩រ៉ិចទ័រ។

យោងតាម ​​CENC បានឱ្យដឹងថា គ្រោះរញ្ជួយដីកម្រិត ៦.៨ រ៉ិចទ័រ បានវាយប្រហារតំបន់ Luding ក្នុងខេត្តស្វយ័ត Ganzi ខេត្តស៊ីឈួន ភាគនិរតីនៃប្រទេសចិន កាលពីថ្ងៃចន្ទ ក្នុងជម្រៅ ១៦គីឡូម៉ែត្រ។ រញ្ជួយ​ដី​នេះ​បាន​កើត​ឡើង​នៅ​វេលា​ម៉ោង​ ១២​និង​៥២ ​នាទី​រសៀល ម៉ោង​ក្នុងស្រុក។ រហូត​មក​ដល់​ពេល​នេះ មិន​មាន​អ្នក​ស្លាប់​និង​របួស​ត្រូវ​បាន​គេ​រាយការណ៍​ឡើយ៕

អត្ថបទ៖ លីដា
ប្រភព៖ CGTN