ប្រព័ន្ធផ្សព្វផ្សាយរដ្ឋរបស់ប្រទេសចិនបាននិយាយថា រដ្ឋាភិបាលកណ្តាលនឹងចាប់ផ្តើមបញ្ចេញសាច់ជ្រូកបម្រុងរបស់ខ្លួន ចាប់ពីថ្ងៃព្រហស្បតិ៍តទៅ ដើម្បីធានាបាននូវការផ្គត់ផ្គង់ស្ថិរភាពក្នុងអំឡុងពេលថ្ងៃឈប់សម្រាកនាពេលខាងមុខ។ តម្រូវការសាច់ជ្រូកជាធម្មតាកើនឡើងក្នុងកំឡុងពេលនេះជារៀងរាល់ឆ្នាំ ដោយសារវាជាធាតុសំខាន់នៅក្នុងម្ហូបចិន។ ការផ្លាស់ប្តូរនេះបានកើតឡើងនៅមុនថ្ងៃឈប់សម្រាកនៃបុណ្យសែនព្រះខែ ដែលនឹងចាប់ផ្តើមនៅថ្ងៃសៅរ៍សប្ដាហ៍នេះ។ ទីភ្នាក់ងារព័ត៌មានស៊ីនហួររាយការណ៍ថា អាជ្ញាធរមូលដ្ឋាននៅតាមបណ្តាខេត្តមួយចំនួន បានចាប់ផ្តើមបញ្ចេញស្តុកសាច់ជ្រូកជាបណ្ដើរៗហើយ។

សាច់ជ្រូកនៅក្នុងប្រទេសចិនបានកើនឡើងខ្លាំងក្នុងប៉ុន្មានខែថ្មីៗនេះ ចំពេលការផ្គត់ផ្គង់កាន់តែតឹងតែង ហើយការិយាល័យស្ថិតិជាតិចិនបាននិយាយថា តម្លៃបានកើនឡើងក្នុងខែកក្កដាច្រើនជាង ២៥% ធៀបនឹងខែមុនៗ។ ខ្លួនបានបន្ថែមថា ការចុះថយសមត្ថភាពផលិតកម្ម ការកាន់កាប់របស់កសិករពីទីផ្សារ និងការងើបឡើងវិញនៃតម្រូវការអ្នកប្រើប្រាស់ ជាកត្តាជំរុញតម្លៃសាច់ជ្រូក។ ក្នុងប៉ុន្មានឆ្នាំកន្លងមកនេះ ទីក្រុងប៉េកាំងបានបញ្ចេញស្តុកបម្រុងនៅពេលដែលតម្លៃសាច់ជ្រូកកើនឡើង។ វា​ត្រូវ​បាន​គេ​មើល​ឃើញ​ថា ​ជា​វិធានការ​ជាក់​ស្តែង​មួយ​ដើម្បី​ការពារ​ការ​រិះគន់​សាធារណៈ​របស់​រដ្ឋាភិបាល៕

អត្ថបទ៖ លីដា
ប្រភព៖ NHK