លោក Mahathir Mohamad (មហាធៀ ម៉ូហាម៉ាដ) អតីតនាយករដ្ឋមន្ត្រីម៉ាឡេស៊ី ដែលមានអាយុ ៩៧ឆ្នាំ ទៅហើយនោះ បានប្រកាសថា លោកនឹងឈរឈ្មោះក្នុងការបោះឆ្នោតសកលនាពេលខាងមុខ។ លោក Mahathir បានប្រាប់អ្នកសារព័ត៌មានកាលពីថ្ងៃអង្គារថា លោកនឹងការពារអាសនៈរបស់លោកនៅក្នុងមណ្ឌលបោះឆ្នោតភាគខាងជើង ក្នុងនាមជាបេក្ខជននៃសម្ព័ន្ធភាពប្រឆាំងមួយ។ ការបោះឆ្នោតមួយនឹងធ្វើឡើងនៅដើមខែវិច្ឆិកា បន្ទាប់ពីនាយករដ្ឋមន្ត្រីលោក Ismail Sabri Yaakob បានរំលាយសភាកាលពីថ្ងៃចន្ទ។ លោក Mahathir បានបម្រើការជានាយករដ្ឋមន្ត្រីអស់រយៈពេល ២២ឆ្នាំ ចាប់ពីឆ្នាំ១៩៨១ ហើយបានដឹកនាំការអភិវឌ្ឍន៍សេដ្ឋកិច្ចរបស់ប្រទេសជាច្រើន។

លោក​បាន​ត្រឡប់​មក​ពី​ចូល​និវត្តន៍​វិញ ហើយ​ចូល​កាន់​តំណែង​ម្ដង​ទៀត​ក្នុង​ឆ្នាំ២០១៨ ប៉ុន្តែ​បាន​លាលែង​ពី​តំណែង​ ២ ​ឆ្នាំ​ក្រោយ​មក។ គាត់ក៏មានបញ្ហាសុខភាពផងដែរ បន្ទាប់ពីគាត់បានធ្វើការវះកាត់បេះដូងកាលពីខែមករាឆ្នាំនេះ ប៉ុន្តែគាត់បានជាសះស្បើយឡើងវិញហើយ។ គណបក្សជាតិ​យូណាយធីតម៉ាឡេ​ (United Malays National Organisation) ដែល​កំពុង​កាន់​អំណាច​ត្រូវ​បាន​គេ​និយាយ​ថា ​ទទួលបានប្រយោជន៍ចំពោះការត្រឡប់មកវិញរបស់លោក Mahathir ។ អ្នកវិភាគរំពឹងថា សម្ព័ន្ធភាពរបស់លោក Mahathir ដែលរិះគន់គណបក្សកាន់អំណាចអំពីអំពើពុករលួយ នឹងតស៊ូដើម្បីពង្រីកការគាំទ្រអ្នកបោះឆ្នោត។ Mahathir នឹងក្លាយជាបេក្ខភាពចាស់ជាងគេក្នុងប្រវត្តិសាស្ត្រនយោបាយរបស់ប្រទេស៕

អត្ថបទ៖ លីដា
ប្រភព៖ NHK