ប្រធានាធិបតីចិនលោក ស៊ី ជីនពីង បានមានប្រសាសន៍ថា ប្រទេសចិននឹងធ្វើការលើកកម្ពស់កងទ័ពរំដោះប្រជាជន (PLA) ទៅរកស្តង់ដារលំដាប់ពិភពលោក។ លោក ស៊ី បានធ្វើការកត់សម្គាល់នេះ នៅក្នុងសម័យបើកនៃសមាជជាតិនៃបក្សកុម្មុយនិស្តកាលពីថ្ងៃអាទិត្យ ដោយបាននិយាយថា ប្រទេសចិនត្រូវតែពង្រឹងយោធារបស់ខ្លួនសម្រាប់យុគសម័យថ្មី តាមរយៈកំណែទម្រង់ និងបន្តប្រព័ន្ធ និងរចនាសម្ព័ន្ធរបស់ខ្លួន។ លោក​បាន​សង្កត់​ធ្ងន់​ថា ការ​លើក​កម្ពស់កង​កម្លាំង​ប្រដាប់​អាវុធ​ឱ្យ​កាន់​តែ​ឆាប់​រហ័ស​ទៅ​តាម​ស្តង់ដារ​ពិភពលោក ​គឺជា​កិច្ចការ​យុទ្ធសាស្ត្រ​សម្រាប់​ការ​កសាងសង្គម​និយម​ទំនើប។

លោក ស៊ី ជីនពីង ក៏បាននិយាយផងដែរថា ប្រទេសចិននឹងពង្រឹងការហ្វឹកហ្វឺនកងទ័ព និងបង្កើនការត្រៀមខ្លួនប្រយុទ្ធនៅទូទាំងក្រុមប្រឹក្សា ដើម្បីធានាថា កងកម្លាំងប្រដាប់អាវុធរបស់ខ្លួនអាចប្រយុទ្ធ និងឈ្នះបាន។ លោកបានមានប្រសាសន៍ថា ប្រទេសនេះនឹងអនុវត្តគម្រោងធំៗ ដើម្បីអភិវឌ្ឍវិទ្យាសាស្ត្រ និងបច្ចេកវិទ្យាទាក់ទងនឹងវិស័យការពារជាតិ និងធ្វើទំនើបកម្មព្រំដែន ឆ្នេរសមុទ្រ និងការពារដែនអាកាស។ អ្នកជំនាញក្នុងតំបន់បាននិយាយថា លោកប្រធាន ស៊ី ជីនពីង នឹងបន្តអាណត្តិរយៈពេលប្រាំឆ្នាំទៀត ហើយគាត់នឹងត្រូវបានជ្រើសរើសជាអគ្គលេខាធិការ CCP ម្តងទៀត ឬនឹងត្រូវបានជ្រើសរើសជាប្រធាន CCP ដែលជាតំណែងមួយ ដែលគ្មាននរណាប៉ះពាល់តាំងពីឆ្នាំ១៩៨២ ហើយធ្លាប់ជាតំណែងខ្ពស់បំផុតដែលធ្លាប់កាន់កាប់ដោយលោក ម៉ៅ សេទុង៕

អត្ថបទ៖ លីដា
ប្រភព៖ NHK