អាជ្ញាធរខណ្ឌដូនពេញចុះប្រមូលសំរាមខ្លួនឯង ដោយសារបុគ្គលិកស៊ីនទ្រីធ្វើកូដកម្មមិនព្រមប្រមូលសំរាម
នាព្រឹកថ្ងៃព្រហស្បត្ត៍ ០៥រោច ខែមិគសិរ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី២៧ខែធ្នូ ឆ្នាំ២០១៨ វេលាម៉ោង ៧ និង៣០នាទីព្រឹក អាជ្ញាធរនៅក្នុងខណ្ឌដូនពេញ បានដឹកនាំកម្លាំងចុះប្រមូលសំរាម ដែលនៅតាមទីសាធារណៈនានា ដោយសារបុគ្គលិកសុីនទ្រីធ្វេីកូដកម្មតំឡេីងប្រាក់ខែ ហេីយគ្មានកំលាំងសំអាត។ យោងតាមបញ្ជាផ្ទាល់ពីឯកឧត្តមឃួង ស្រេង អភិបាល នៃគណៈអភិបាលរាជធានីភ្នំពេញ បានបញ្ជាឲ្យបណ្តាខណ្ឌទាំង១២ ត្រូវជួយគ្នាទទួលខុសត្រូវក្នុងការប្រមូលសំរាមនៅក្នុងមូលដ្ឋានរៀងៗខ្លួនជាបណ្តោះអាសន្ន ក្នុងនោះគណៈបញ្ជាការឯកភាពខណ្ឌដូនពេញ ដឹកនាំដោយលោកសុខ ពេញវុធ អភិបាលខណ្ឌដូនពេញ បានដឹកនាំចុះប្រមូលសំរាមនៅក្នុងមូលដ្ឋានខណ្ឌដូនពេញ នៅតាមដងផ្លូវសាធារណៈក្នុងមូលដ្ឋាន ដោយប្រេីប្រាស់កំលាំប្រជាការពារខណ្ឌសរុប ៦០នាក់ ជួលរថយន្តបែនសម្រាប់ដឹកសំរាមចំនួន០៤ គ្រឿង ត្រាក់ទ័រ ចំនួន០១គ្រឿង រថយន្តរដ្ឋបាលខណ្ឌ០៤គ្រឿង ម៉ូតូកង់បីរបស់រដ្ឋបាលខណ្ឌចំនួន០៤គ្រឿង បានចេញប្រមូល និង ដឹកជញ្ជូន សំអាតទីតាំងដេប៉ូសំរាម គ្រប់ទីកន្លែងក្នុងមូលដ្ឋានខណ្ឌដូនពេញ ឲ្យធានាបាននូវសណ្តាប់ធ្នាប់សាធារណៈ អនាម័យបរិស្ថាន និងសោភ័ណភាពទីក្រុង៕
រូបភាព៖ រដ្ឋបាលខណ្ឌដូនពេញ