គណៈកម្មាធិការសភាអាមេរិកបានចេញដីកាមួយ ទៅកាន់អតីតប្រធានាធិបតីលោក ដូណាល់ ត្រាំ ពាក់ព័ន្ធនឹងការវាយប្រហារកាលពីឆ្នាំមុន លើវិមានកាពីតូល ដោយហ្វូងអ្នកគាំទ្ររបស់គាត់។ គណៈកម្មាការសភាតំណាងរាស្រ្ដ ដែលស៊ើបអង្កេតកុប្បកម្មដ៏សាហាវ កាលពីថ្ងៃទី០៦ ខែមករា ឆ្នាំ២០២១ បាននិយាយកាលពីថ្ងៃសុក្រថា ខ្លួនបានកោះហៅលោក ត្រាំ ដើម្បីទាមទារសក្ខីកម្មរបស់គាត់។ ក្រុមនេះនិយាយថា ខ្លួនបានប្រមូលផ្តុំភស្តុតាងដ៏ច្រើនលើសលប់ដែលថា អតីតប្រធានាធិបតីផ្ទាល់បានរៀបចំ និងត្រួតពិនិត្យកិច្ចខិតខំប្រឹងប្រែងពហុផ្នែក ដើម្បីផ្តួលរំលំការបោះឆ្នោតប្រធានាធិបតីឆ្នាំ២០២០ និងរារាំងការផ្លាស់ប្តូរអំណាចដោយសន្តិវិធី។

ដីកានេះ ​ទាមទារ​ឱ្យ​មាន​ឯកសារ​ពាក់ព័ន្ធ​ត្រូវ​បញ្ជូន​ទៅ​អង្គប្រជុំ​ ត្រឹម​ថ្ងៃ​ទី៤ ខែ​វិច្ឆិកា ហើយ​ថា​លោក ត្រាំ ដាក់បណ្តឹងឧទ្ធរណ៍ នៅកំឡុងចាប់ផ្តើម​ដំបូង នៅ​ថ្ងៃ​ទី១៤ ខែ​វិច្ឆិកា។ ប្រសិនបើ ត្រាំ មិនធ្វើតាមទេ គាត់អាចនឹងត្រូវបានឃុំខ្លួន ពីបទមើលងាយសភា។ សភាក៏នឹងបោះឆ្នោតថា តើត្រូវបញ្ជូនលោក ត្រាំ ទៅកាន់ក្រសួងយុត្តិធម៌ដែរទេ ព្រោះមានតែក្រសួងទើបមានសិទ្ធិអំណាចក្នុងការសម្រេចចិត្តថា តើត្រូវនាំយកការចោទប្រកាន់ព្រហ្មទណ្ឌ ឬយ៉ាងណា។ លោក Steve Bannon អតីតប្រធានយុទ្ធសាស្រ្តរបស់លោក ត្រាំ ធ្លាប់បានជំទាស់នឹងដីកាកោះពីគណៈកម្មាធិការ ថ្ងៃទី០៦ ខែមករា។ គាត់ត្រូវបានកាត់ទោសកាលពីថ្ងៃសុក្រ ឱ្យជាប់ពន្ធនាគាររយៈពេល ៤ ខែ និងពិន័យជាប្រាក់ចំនួន ៦,៥០០ ដុល្លារ បន្ទាប់ពីត្រូវបានរកឃើញថា មានពិរុទ្ធពីបទមើលងាយសភា៕

អត្ថបទ៖ លីដា
ប្រភព៖ USA Today