កូរ៉េខាងជើងបានប្រកាសថា ការបាញ់បង្ហោះមីស៊ីលផ្លោងអន្តរទ្វីបថ្មីមួយកាលពីថ្ងៃសុក្រ គឺជាការបាញ់បង្ហោះដែលទទួលបានជោគជ័យ។ កាសែត Rodong Sinmun របស់គណបក្សពលករដែលកំពុងកាន់អំណាច ចេញផ្សាយថ្ងៃសៅរ៍សប្តាហ៍នេះ បានរាយការណ៍ថា ICBM ឈ្មោះថា Hwasong-17 ត្រូវបានបាញ់សាកល្បងចេញពីអាកាសយានដ្ឋានក្បែរទីក្រុងព្យុងយ៉ាង ខណៈមេដឹកនាំកូរ៉េខាងជើងលោក គីម ជុងអ៊ុន ក៏បាននៅឯព្រលានយន្តហោះដើម្បីត្រួតពិនិត្យ។ កាសែត​នេះ​និយាយ​ថា មី​ស៊ី​ល​បាន​ឡើង​ដល់​រយៈ​កម្ពស់​ ៦,០៤០.៩ ​គីឡូម៉ែត្រ និងបានហោះក្នុងរយៈពេល ១ម៉ោង ៨នាទី និង ៥៥ វិនាទី ក្នុងរយៈចម្ងាយ ៩៩៩.២ គីឡូម៉ែត្រ មុនពេលធ្លាក់ចូលក្នុងសមុទ្រខ្ពស់នៅភាគខាងកើតនៃឧបទ្វីបកូរ៉េ។

លោក គីម ជុងអ៊ុន បានថ្កោលទោសអ្វីដែលគេហៅថាការរារាំងបន្ថែម ដែលក្នុងនោះសមត្ថភាពនុយក្លេអ៊ែររបស់សហរដ្ឋអាមេរិក និងសមត្ថភាពយោធាផ្សេងទៀត ត្រូវបានប្រើប្រាស់ជាការរារាំងដើម្បីការពារសម្ព័ន្ធមិត្តរបស់ខ្លួន។ លោកបាននិយាយថា ប្រសិនបើសត្រូវរបស់ប្រទេសនេះនៅតែបន្តការគំរាមកំហែងនោះ គណបក្ស និងរដ្ឋាភិបាលរបស់លោកនឹង «មានប្រតិកម្មយ៉ាងម៉ឺងម៉ាត់ចំពោះនុយក្លេអ៊ែរជាមួយនឹងអាវុធនុយក្លេអ៊ែ និងដើម្បីប្រឈមមុខដាក់គ្នាទាំងស្រុងជាមួយនឹងការប្រឈមមុខដាក់គ្នា»។ ការកត់សម្គាល់របស់គាត់ត្រូវបានគេមើលឃើញថា ជាការឆ្លើយតបទៅនឹងសមយុទ្ធយោធារួមគ្នាដែលធ្វើឡើងដោយទីក្រុងវ៉ាស៊ីនតោន និងទីក្រុងសេអ៊ូល៕

North Korean leader Kim Jong Un walks away from what state media report is a “new type” of intercontinental ballistic missile (ICBM) in this undated photo released on March 24, 2022 by North Korea’s Korean Central News Agency (KCNA). KCNA via REUTERS

អត្ថបទ៖ លីដា
ប្រភព៖ NHK