នាយកដ្ឋានសុខភាពសហរដ្ឋអាមេរិកកាលពីថ្ងៃពុធ បានពង្រីកស្ថានភាពជំងឺរាតត្បាត COVID-19 ថាជា «គ្រាអាសន្នសុខភាពសាធារណៈ» ដែលអនុញ្ញាតឱ្យប្រជាជនអាមេរិករាប់លាននាក់បន្តទទួលបានការធ្វើតេស្ត ចាក់វ៉ាក់សាំង និងការព្យាបាលដោយឥតគិតថ្លៃ។ ភាពអាសន្នត្រូវបានប្រកាសជាលើកដំបូងនៅក្នុងខែមករា ឆ្នាំ២០២០ នៅពេលដែលជំងឺរាតត្បាត COVID-19 បានចាប់ផ្តើម ហើយវាត្រូវបានបន្តជារៀងរាល់ត្រីមាសចាប់តាំងពីពេលនោះមក ខណៈតាមកាលកំណត់ វានឹងត្រូវបញ្ចប់នៅសប្តាហ៍នេះ។

ការកើនឡើងនូវភាពអាចរកបាននៃវ៉ាក់សាំង និងថ្នាំ បានកាត់បន្ថយចំនួនអ្នកឆ្លងជំងឺ COVID-19 យ៉ាងគួរឱ្យកត់សម្គាល់ ចាប់តាំងពីដើមអាណត្តិរបស់លោក ចូ បៃដិន នៅពេលដែលជនជាតិអាមេរិកជាង ៣,០០០ នាក់ បានស្លាប់ជារៀងរាល់ថ្ងៃ។ ប៉ុន្តែឥឡូវមនុស្សរាប់រយនាក់ក្នុងមួយថ្ងៃៗ នៅតែបន្តស្លាប់ដោយសារជំងឺ COVID-19 នៅក្នុងសហរដ្ឋអាមេរិក នេះបើយោងតាមមជ្ឈមណ្ឌលគ្រប់គ្រង និងការពារជំងឺរបស់សហរដ្ឋអាមេរិក (CDC)។

ករណីប្រចាំថ្ងៃរបស់អាមេរិក គិតត្រឹមថ្ងៃទី០៤ ខែមករា ជាមួយនឹងចំនួនអ្នកស្លាប់ទាក់ទងនឹង COVID-19 ជាមួយនឹងការស្លាប់ ៣៩០ ក្នុងមួយថ្ងៃៗ នេះបើយោងតាមទិន្នន័យចុងក្រោយរបស់ CDC ។ មន្ត្រីរដ្ឋបាលលោក បៃដិន បាននិយាយកាលពីខែវិច្ឆិកាថា លទ្ធភាពនៃការកើនឡើងនៃជំងឺ COVID និងតម្រូវការសម្រាប់ពេលវេលាបន្ថែមទៀតដើម្បីផ្លាស់ប្តូរទៅកាន់ទីផ្សារឯកជនសម្រាប់ការលក់ការធ្វើតេស្ត វ៉ាក់សាំង និងការព្យាបាល គឺជាកត្តាពីរដែលរួមចំណែកដល់ការសម្រេចចិត្តមិនបញ្ចប់ស្ថានភាពអាសន្ននៅក្នុងខែមករា៕

អត្ថបទ៖ លីដា
ប្រភព៖ CGTN