ឧកញ៉ា ទៀ វិចិត្រ ដែលមហាជនពិតជាបានស្គាល់ហើយថា ជាឧកញ៉ា ដែលមានទឹកចិត្តសម្បុរធម៌ តែងតែជួយទុកធុរៈប្រជាពលរដ្ឋនៅតាមទូកនេសាទពេលជួបគ្រោះអាសន្ននោះ ដោយយោងតាមគណនីហ្វេសប៊ុកផ្ទាល់របស់ឧកញ៉ា ទៀ វិចិត្រ នៅថ្ងៃទី១១ ខែមករា ឆ្នាំ២០២៣ បានបង្ហោះវិដេអូមួយកំពុងតែផ្ទុះខ្លាំងក្នុងបណ្ដាញសង្គមហ្វេសប៊ុក ពីលោកយាយដ៏កំសត់ម្នាក់ជិះឡានតាំងពីសៀមរាប ដើម្បីមកជួបនឹងឧកញ៉ា បានមកសំពះសុំប្រាក់ ១២០០ដុល្លារថ្លៃកង់ ដោយសារចៅខ្លួន បានជិះ បុកកង់គេដែលមានតម្លៃថ្លៃខ្លាំង គ្មានលទ្ធភាពសង។

ក្នុងវិដេអូ រយៈពេលប្រមាណជាង ៧នាទីនោះ បានឱ្យដឹងថា លោកយាយកំសត់មុខរបរ រើសអេតចាយ នៅខេត្តសៀមរាប ដោយហេតុគ្មានថវិកាគ្រប់គ្រាន់សម្រាប់ឱ្យថ្លៃកង់ បានមកសុំសំពះឧកញ៉ាឱ្យជួយ។ ក្នុងនោះដែរ ឧកញ៉ា ទៀ វិចិត្រ បានប្រគល់ថវិកាឱ្យទៅលោកយាយ ចំនួន ១២០០ដុល្លារសម្រាប់ថ្លៃកង់ និង ១០០ដុល្លារទៀតសម្រាប់លោកយាយហូបចុក និងធ្វើដំណើរត្រឡប់ទៅវិញផងដែរ ៕ ទស្សនាវិដែអូខាងក្រោម៖​

ប្រភព៖ ទៀ វិចិត្រ TEA VICHET