គុណភាពខ្យល់នៅក្នុងតំបន់ចំនួន ៣៦ ជុំវិញទីក្រុងបាងកក បានធ្លាក់ចុះដល់កម្រិតគ្មានសុវត្ថិភាពនៅព្រឹកថ្ងៃអង្គារនេះ នេះបើតាមរបាយការណ៍ពីរដ្ឋបាលក្រុងបាងកក (BMA)។ គុណភាពខ្យល់នៅក្នុងតំបន់ទាំងអស់នោះស្ថិតនៅក្នុងចន្លោះពី ៤០-៦៩ មីក្រូក្រាមក្នុងមួយម៉ែត្រគូប (μg/m3) ខណៈស្តង់ដាររបស់ប្រទេសថៃសម្រាប់កម្រិតសុវត្ថិភាពនៃគុណភាព PM2.5 គឺ ៥០ μg/m3 ឬទាបជាងនេះ។ ការប៉ះពាល់នឹងភាគល្អិតធូលីតូចៗនៅក្នុងខ្យល់មិនល្អ អាចមានគ្រោះថ្នាក់សម្រាប់អ្នកដែលមានបញ្ហាផ្លូវដង្ហើមរ៉ាំរ៉ៃ ហើយអាចបណ្តាលឱ្យមានបញ្ហាភ្នែក ច្រមុះ បំពង់ក និងរលាកសួត ព្រមទាំងដង្ហើមខ្លីផងដែរ។

គិតត្រឹមម៉ោង ៧ព្រឹក ខណ្ឌទាំង ១០ ដែលមានការបំពុលច្រើនជាងគេនៅក្នុងទីក្រុងបាងកកគឺ៖

• Nong Khaem: ៦៩ μg/m3

• Taling Chan: ៦០ μg/m3

• Thawi Watthana: ៦០ μg/m3

• Khlong Sam Wa: ៦០ μg/m3

• Lat Krabang: ៦០ μg/m3

• Nong Chok: ៦០ μg/m3

• Phasi Charoen: ៥៩ μg/m3

• Pathumwan: ៥៩ μg/m3

• Bangkok Yai: ៥៨ μg/m3

• Din Daeng: ៥៧ μg/m3

BMA បានព្រមានប្រជាជនឱ្យត្រៀមខ្លួនសម្រាប់ការអានកម្រិតខ្យល់ពុល ដែលនឹងកើនឡើងរហូតដល់ថ្ងៃសៅរ៍ ទី០៥ ខែកុម្ភៈ ដោយសារតែចរាចរខ្យល់មិនល្អ។ ខ្លួនក៏បានណែនាំដល់អ្នករស់នៅក្នុងតំបន់ដែលគុណភាពខ្យល់មិនល្អ ជៀសវាងការហាត់ប្រាណនៅខាងក្រៅ និងពិនិត្យមើលគុណភាពខ្យល់មុនពេលចេញទៅក្រៅ។ ស្ថានភាពនៃការបំពុល PM2.5 អាចត្រូវបានត្រួតពិនិត្យតាមរយៈ bangkokairquality.com, នាយកដ្ឋានបរិស្ថានទីក្រុងបាងកក ផ្នែកគ្រប់គ្រងគុណភាពខ្យល់ និងសំឡេងរំខាន, ទំព័រហ្វេសប៊ុក BMA ឬកម្មវិធីស្មាតហ្វូន AirBKK ៕

អត្ថបទ៖ លីដា
ប្រភព៖ The Nation Thailand