ស្មាតហ្វូនដែលបំពាក់បន្ទះឈីប Qualcomm ត្រូវបានគេរកឃើញថា បានបញ្ជូនព័ត៌មានឯកជនរបស់អ្នកប្រើប្រាស់ រួមទាំងអាសយដ្ឋាន IP, លេខសម្គាល់ unique ID, លេខកូដប្រទេស ទៅក្រុមហ៊ុនរបស់ខ្លួននៅសហរដ្ឋអាមេរិក នេះបើយោងតាមរបាយការណ៍ក្រុមហ៊ុនសន្តិសុខអាល្លឺម៉ង់ Nitrokey។ របាយការណ៍នេះបាននិយាយថា ព័ត៌មានផ្ទាល់ខ្លួនបែបនេះ ត្រូវបានផ្ញើចេញ «ដោយគ្មានការយល់ព្រមពីអ្នកប្រើប្រាស់ មិនបានអ៊ិនគ្រីប ហើយបញ្ជូនទៅដោយបើកចំហរ (Google-free Android distribution)»។

Nitrokey បានសាកល្បងស្មាតហ្វូន Sony Xperia XA2 ដែលត្រូវបានបំពាក់ដោយបន្ទះឈីប Qualcomm Snapdragon 630 និងបានដំឡើង /e/OS ដែលជាកំណែបើកចំហនៃប្រព័ន្ធប្រតិបត្តិការ Android ឥតគិតថ្លៃរបស់ Google។ ស្មាតហ្វូនមិនត្រូវបានដាក់បញ្ជូលស៊ីមកាត ហើយក៏មិនបើកសេវាកម្មទីតាំង GPS ដែរ ដោយអាចចូលប្រើអ៊ីនធឺណិតបានតែតាមរយៈវ៉ាយហ្វាយប៉ុណ្ណោះ។ យ៉ាងណាក៏ដោយ ក្រុមហ៊ុនបានត្រួតពិនិត្យទិន្នន័យជាមួយ Wireshark ដែលជាកម្មវិធីចរាចរណ៍បណ្តាញ និងបានរកឃើញថា ទិន្នន័យត្រូវបានបញ្ជូនទៅកាន់ម៉ាស៊ីនមេ izatcloud.net ដែលគ្រប់គ្រងដោយក្រុមហ៊ុន Qualcomm ៕

អត្ថបទ៖ លីដា
ប្រភព៖ CGTN