មគ្គុទ្ទេសក៍ឡើងភ្នំជើងចាស់ម្នាក់ កាលពីថ្ងៃអាទិត្យ ទី០៤ ខែមិថុនា ឆ្នាំ២០២៣ បាននិយាយថា អ្នកឡើងភ្នំដែលខ្សោយត្រូវបានដឹកនាំការឡើងលើភ្នំអេវឺរេស ដោយប្រតិបត្តិករបេសកកម្មដែលមានបទពិសោធន៍មិនគ្រប់គ្រាន់ ហើយវាកំពុងបង្កជាបញ្ហាយ៉ាងច្រើន បន្ទាប់ពីរដូវកាលឡើងភ្នំដ៏គ្រោះថ្នាក់ក្នុងឆ្នាំកន្លងមក។ យ៉ាងហោចណាស់អ្នកឡើងភ្នំចំនួន ១២នាក់បានស្លាប់ និង ៥ នាក់កំពុងបាត់ខ្លួន នៅលើភ្នំអេវឺរ៉េស ដែលមានកម្ពស់ ៨,៨៤៩ ម៉ែត្រ ក្នុងរដូវឡើងភ្នំក្នុងឆ្នាំនេះ ដែលជាការស្លាប់ដ៏អាក្រក់បំផុត ចាប់តាំងពីការរញ្ជួយដីដែលបានបង្កឱ្យមានការរអិលបាក់ដីដែលបានសម្លាប់មនុស្ស ១៨ នាក់ក្នុងឆ្នាំ ២០១៥។

មន្ត្រីរដ្ឋាភិបាល និងអ្នកឡើងភ្នំបាននិយាយថា កាលពីខែមេសាតែមួយ មានអ្នកឡើងភ្នំ ៣នាក់ បានស្លាប់ នៅពេលដែលទឹកកកបានធ្លាក់មកលើពួកគេ ហើយអ្នកផ្សេងទៀតដែលបានស្លាប់បាត់បង់ជីវិត គឺដោយសារបញ្ហាផ្សេងៗដូចជា៖ ជំងឺ ឬអស់កម្លាំង។ ប្រទេសនេប៉ាល់មានច្បាប់គ្រប់គ្រងការឡើងភ្នំអេវឺរ៉េស និងកំពូលភ្នំផ្សេងទៀត ដោយទទូចថា មនុស្សគ្រប់រូបអាចទទួលបានលិខិតអនុញ្ញាត ប៉ុន្តែលោក Guy Cotter មគ្គុទ្ទេសក៍មកពីនូវែលសេឡង់ ដែលធ្លាប់បានឡើងភ្នំអេវឺរេស បាននិយាយថា ប្រតិបត្តិករដែលណែនាំអតិថិជនឡើង ភ្នំគួរតែបំពេញតាមស្តង់ដារអប្បបរមានៃឧបករណ៍ និងបុគ្គលិក៕

អត្ថបទ៖ លីដា
ប្រភព៖ Channel News Asia