ស្នងការនគរបាលខេត្តបាត់ដំបង ចេញមុខច្រានចោលព័ត៌មានថា មានជនជាតិចិនយកលុយដុល្លារក្លែងក្លាយយ៉ាងសន្ធឹកសន្ធាប់មកចាយស្រុកខ្មែរ
យោងតាមការបញ្ជាក់ពីស្នងការនៃស្នងការដ្ឋានននគរបាលខេត្តបាត់បានឲ្យដឹងថា ដំបងសូមជម្រាបជូនដល់សាធារណ:ជនក៏ដូចអ្នក និយមប្រេីប្រាស់បណ្តាញសង្គម Face book ជ្រាបថា ក្នុងរយ:ពេលកន្លងទៅនេះមានគណនី Facebook ឈ្មោះ (Chout Wutty ) បានយករូបភាពកិច្ចប្រតិបត្តិការរបស់កងកម្លាំនគរបាលនៃស្នងការដ្ឋាននគរបាលខេត្តបាត់ដំបងបង្រ្កាបករណីចរាចរណ៍ក្រដាស់ប្រាក់ដុល្លាក្លែងក្លាយមួយករណីក្នុងភូមិសាស្រ្តស្រុកភ្នំព្រឹក ខេត្តបាត់ដំបង ជាយូរឆ្នាំមកហេីយមកបង្ហោះក្នុងគណនីFacebook របស់ខ្លួនដោយសរសេរអក្សរថា ករណី មួយនេះគឺជាសកម្មភាពរបស់ជនជាតិ(ចិន)ទៅវិញ ដែលការពិតជាក់ស្តែងការបង្ក្រាបនាពេលនោះក្រុមជនស័ង្សយគឺជាជនជាតិ(ថៃ) មិនមែនជាជនជាតិ(ចិន)នោះទេ ។
ស្នងការនៃស្នងការដ្ឋាននគរបាលខេត្តបាត់ដំបងបានកត់សម្គាល់ឃេីញថា ការបង្ហោះរូបភាព និងសរសេរខ្លឹមសារផ្ទុយពីការពិតទាំងស្រុងពីសំណាក់ម្ចាស់គណនី Facebook ខាងលេីបានបង្ហាញឲ្យឃេីញនូវចេតនាទុច្ចរិតរបស់ម្ចាស់គណនី ដែលជាហេតុនាំបង្កឲ្យមានការភ័ន្តច្រឡំក្នុងមជ្ឍដ្ឋានប្រជាពលរដ្ឋទូទៅ ជាពិសេសអ្នកនិយមប្រេីប្រាស់បណ្តាញសង្គម Facebook ។
នៅចំពោះមុខសកម្មភាព និងចេតនាទុច្ចរិតបែបនេះស្នងការនៃស្នងការដ្ឋាននគរបាលខេត្តបាត់ដំបង ស្នេីម្ចាស់គណនី Facebook ខាងលេីដកចេញនូវខ្លឹមសារ(មិនពិត)ដូចខាងលេី ពីក្នុងគណនី Facebook របស់ខ្លួនជាបន្ទាន់ជាមួយគ្នានេះករណីដូចខាងលេីគឺជាការជូនដំណឹងដល់សាធារណ:ជនពិសេសអ្នកនិយមប្រេីប្រាស់បណ្តាញសង្គមមេត្តាជ្រាប និងចៀសវាងការភ័ន្តច្រឡំដោយប្រការណាមួយ សូមអរគុណ៕
ប្រភព៖ ស្នងការដ្ឋាននគរបាលខេត្តបាត់ដំបង